Дар Донишкадаи кӯҳию металлургии Тоҷикистон бахшида ба Солҳои рушди саноат ихтисосҳои нав таъсис ёфтанд
ДУШАНБЕ, 23.07.2022 /АМИТ «Ховар»/. Дар шашмоҳаи якуми соли равон дар Донишкадаи кӯҳию металлургӣ факултети «Иқтисодиёти саноатӣ» ба «Зеҳни сунъӣ» табдили ном кард. Дар ин бора зимни нишасти матбуотӣ Ректори Донишкадаи кӯҳию металлургии Тоҷикистон Бахтиёр Маҳмадалӣ изҳори назар намуд.
Ректори Донишкада тазаккур дод, ки дар ин замина иҷозатнома барои таълими ихтисосҳои нав барои солҳои таҳсили 2022-2023: «Технологияи химиявии моддаҳои ғайриорганикӣ, мавод ва маҳсулот», «Технология ва таҷҳизоти заргарӣ», «Кадастри замин», «Иқтисодиёт ва ташкили истеҳсолот (энергетика)», «Баҳисобгирии муҳосибӣ, таҳлил ва аудит дар саноат», «Воситаҳои техникии назорат ва ҳисоби истифодаи энергия», «Электроникаи техникаи автомобилӣ», «Зеҳни сунъӣ», «Гидрогеология ва геологияи муҳандисӣ», «Иқтисодиёт ва ташкили истеҳсолот (саноати химия)», «Экологияи саноат ва истифодаи оқилонаи захираҳои табиӣ», «Иқтисодиёти таҳлилӣ» ва «Хизматрасонии автомобилӣ» ба даст оварда шуда, имсол Маркази миллии тестии назди Президенти Ҷумҳурии Тоҷикистон аз рӯи онҳо довталабонро ба донишкада қабул намуд.
Зикр гардид, ки ҳамзамон 135 нафар хатмкардагони Донишкадаи кӯҳию металлургии Тоҷикистон дар 3 давра бо назардошти супоридани имтиҳонҳои давлатӣ ва ҳимояи рисолаи хатм барои хизмат дар сафи Қувваҳои Мусаллаҳи Ҷумҳурии Тоҷикистон, инчунин 30 нафар донишҷӯ дар доираи курсҳои 1- 4 ихтиёран ба сафи Артиши миллӣ сафарбар гардиданд.
Бахтиёр Маҳмадалӣ иброз намуд, ки «соли равон зинаи бакалаври таҳсилоти рӯзонаро 496 нафар, аз ҷумла 236 нафар ба тарзи таҳсили буҷавӣ, 477 нафар ба тарзи таҳсили шартномавӣ, 2 нафар дар асоси квотаи президентӣ хатм намуда, дар зинаи бакалаври таҳсилоти фосилавӣ 223 нафар ва дар зинаи магистратура 21 нафар, 3 нафар ба тарзи таҳсилоти буҷавӣ, 18 нафар ба тарзи таҳсили шартномавӣ донишкадаро хатм намуданд».
Дар давраи ҳисоботӣ дар се давра устодони донишкада ба Русия, Беларус, Узбекистон ва Норвегия сафар намуда, бо таҷрибаи муосири таълимгоҳҳои олии Иттиҳоди Аврупо шинос ва соҳиби сертификатҳои байналмилалӣ гардиданд.
Раъно НУСРАТУЛЛОЕВА,
АМИТ «Ховар»
АКС: Донишкадаи кӯҳию металлургии Тоҷикистон
Ҳамкории Тоҷикистон бо ширкатҳои амрикоӣ дар соҳаи инноватсия ва технологияҳои рақамӣ вусъат меёбад
Тоҷикистон ҷонибдори рушди ҳамкории байниминтақавӣ дар соҳаи захираҳои гидроэнергетикӣ аст
Сертификатсияи стандартҳои ESG барои кормандони Вазорати молия бо намояндаи Nasdaq баррасӣ гардид
Дурнамои таҳкими ҳамкории дуҷониба байни Тоҷикистон ва Русия дар соҳаҳои энергетика ва нафту газ баррасӣ шуд
Дар Душанбе масоили технологияҳои молиявӣ ва навовариҳо ҳамчун муҳаррики сармоягузорӣ баррасӣ гардид
Афзалияти стратегии Тоҷикистон дар самтҳои идоракунии устувори молияи давлатӣ, молияи «сабз» ва иқлим дар Амрико баррасӣ гардид
Ҳайати Тоҷикистон дар ҷаласаи пленарии VIII Форуми байналмилалии «Ҳафтаи энергетикии Русия» иштирок намуд
Меҳргон иди кишоварзону олимон, иди фаровонӣ, шодию нишот, дӯстӣ, ваҳдату ягонагӣ ва меҳру садоқат аст
Дар шаҳри Гулистон Форуми сеюми ҷавонони ҳавзаи дарёи Сир баргузор гардид
Рушди ҳамкории Тоҷикистон ва Бонки ҷаҳонӣ дар доираи Стратегияи нави шарикӣ баррасӣ карда шуд
Валиаҳди Шоҳигарии Негери-Сембилани Малайзия: «Таваҷҷуҳи Роҳбарияти олии Тоҷикистон ба татбиқи лоиҳаи НБО-и «Роғун» шоистаи таҳсин аст»
Татбиқи лоиҳаҳои муштарак дар самтҳои афзалиятноки Тоҷикистон бо Корпоратсияи байналмилалии молиявӣ баррасӣ шуд
