Дар Душанбе Форуми байналмилалии сармоягузории «Тоҷикистон-Русия» доир мегардад
ДУШАНБЕ, 29.08.2022 /АМИТ «Ховар»/. Форуми байналмилалии сармоягузории «Тоҷикистон-Русия» 15 сентябр дар бинои Китобхонаи миллии Тоҷикистон дар Душанбе баргузор мешавад. Тавре ки Кумитаи давлатии сармоягузорӣ ва идораи амволи давлатии ҷумҳурӣ хабар медиҳад, бардошт аз натиҷаҳои ҳамкории Тоҷикистону Русия: нуқтаҳои нави робита аз ҷумлаи мавзӯъҳои марказии чорабинӣ қарор хоҳад гирифт.
Форумро Кумитаи давлатии сармоягузорӣ ва идораи амволи давлатии Тоҷикистон якҷоя бо Вазорати рушди иқтисоди Федератсияи Русия доир мекунанд.
Тавре дар Консепсияи форум зикр шудааст, ҷонибҳо имкониятҳои сармоягузории Тоҷикистон ва Русиро муаррифӣ намуда, ташаббус ва моделҳои нави ҳамкориҳои сармоягузориро мавриди баррасӣ қарор медиҳанд.
Дар назар аст, ки дар чорабинӣ аз ҳар ду ҷониб 50-нафарӣ, аз ҷумла намояндагони ҳукумат, вазорату идораҳо, доираҳои корӣ, коршносон ва таҳлилгарон иштирок кунанд.
Аз рӯи натиҷаҳои чорабинӣ имзои созишномаву ёддоштҳо дар бораи ҳамкорӣ байни соҳибкорони кишварҳо дар назар аст.
Бино ба маълумоти Кумитаи сармоягузорӣ, давоми солҳои 2007-2021 ба иқтисоди Тоҷикистон 1 млрд 648 млн доллар сармоягузориҳо аз Русия ворид шудааст, ки 15% аз ҳаҷми умумии сармоягузориҳои хориҷиии воридшударо ба кишвар дар зарфи ин 14 сол ташкил медиҳад.
Сармоягузорӣ ба иқтисоди Тоҷикистон аз Русия дар бахшҳои сохтмону алоқа, иктишофи геологӣ, миёнаравии молиявӣ, соҳаҳои тандурустӣ, савдо, энергетика, сайёҳӣ ва дигар бахшҳо сурат гирифтааст.
Бо вуҷуди коҳиши назарраси сармоягузориҳои Русия аз нимаи дуюми солҳои 2010-ум, аз лиҳози сармоягузорӣ ба иқтисоди Тоҷикистон танҳо Чин аз Русия пегшсаф аст.
Чин бошад, баръакс, тайи даҳсолаи ахир ҳаҷми сармяогузориҳои худро ба иқтисоди Тоҷикистон зиёд кард.
Давоми солҳои 2007-2021 ҳаҷми умумии сармоягузориҳои Чин ба иқтисоди Тоҷикистон 3 млрд 252 млн долларро ташкил дод, ки ба 29,5% аз ҳаҷми умумии сармоягузориҳо ба иқтисоди ҷумҳурӣ баробар аст.
АКС аз бойгонии АМИТ «Ховар»
Масъалаи таҳияи Стандартҳои миллии экологӣ, иҷтимоӣ ва идоракунии корпоративӣ дар Тоҷикистон баррасӣ гардид
ТАЪМИНИ АМНИЯТИ ОЗУҚАВОРӢ. Дар Тоҷикистон имсол дар майдони беш аз 6 ҳазор гектар картошка кишт гардид
РУШДИ САНОТ. Дар корхонаҳои саноатии шаҳри Исфара ҳаҷми истеҳсоли маҳсулот меафзояд
Маркази миллии патенту иттилооти Тоҷикистон ва Ташкилоти патентии Авруосиёӣ ҳамкориро тавсеа мебахшанд
Соли равон дар вилояти Суғд 55559 тонна картошка ва 37415 тонна пиёз ҷамъоварӣ шудааст
Дар Хатлон корхонаи саноатии батареяҳои офтобӣ сохта мешавад
Дар Тоҷикистон ҳаракати воситаҳои нақлиёти вазнин, ки зиёда аз 40 тонна бор интиқол медиҳанд, манъ аст
Намояндаи Тоҷикистон дар ҷаласаи Маркази СММ оид ба содагардонии расмиёти савдо ва тиҷорати электронӣ иштирок намуд
Дар корхонаҳои саноатии ноҳияи Мастчоҳ соли равон ба маблағи беш аз 153 миллион сомонӣ маҳсулот истеҳсол карда шудааст
Коргоҳи «Гулдасти Бӯстон» 3500 либоси мактабӣ истеҳсол менамояд
ТАЪМИНИ АМНИЯТИ ОЗУҚАВОРӢ. Дар Тоҷикистон имсол зиёда аз 196 ҳазор гектар кишти такрорӣ гузаронида мешавад
Ҳаҷми маҷмӯи маҳсулоти минтақавӣ дар шаҳри Ҳисор дар соли равон беш аз 2 миллиард сомониро ташкил дод
