«НЕРУИ АҚЛ». Дар мактабҳои Тоҷикистон лоиҳаи омӯзиши илмҳои дақиқ ба забони русӣ оғоз мешавад
ДУШАНБЕ, 09.08.2022. /АМИТ «Ховар»/. Вазорати маорифи Федератсияи Русия дар соли нави хониш дар чанд мактаби хориҷӣ лоиҳаи омӯзиши физика ва риёзиро ба забони русӣ оғоз менамояд. Дар нимаи аввали сол 300 нафар мактаббачагон аз Тоҷикистон, Узбекистон ва Қирғизистон иштирокчии он хоҳанд шуд, хабар додааст рӯзи душанбе сомонаи ин ниҳод.
«Вазорати маорифи Федератсияи Русия дар соли хониши дарпешистода лоиҳаи байналмилалии башардӯстона оид ба таълими физика ва математика «Неруи ақл»-ро дар хориҷи кишвар оғоз мекунад. <…> Дар шашмоҳаи аввали соли таҳсили 2022/23 тақрибан 300 донишҷӯи хориҷӣ метавонанд ба забони русӣ барномаи иловагии таълимии махсус тарҳрезишуда аз фанҳои физика ва математикаро аз худ кунанд», гуфта мешавад дар хабар.
Озмоиши лоиҳа дар қаламрави Тоҷикистон, Узбекистон ва Қирғизистон гузронида мешавад. Дар нимаи дуюми соли хониши 2022/23 дар сурати татбиқи муваффақонаи барнома васеъ намудани лоиҳа ва ҷалби кишварҳои хориҷи дур барои иштирок дар он дар назар аст. Барномаро омӯзгорони рус – иштирокчиёни лоиҳаи байналмилалии Вазорати маориф «Муаллими рус дар хориҷа» амалӣ хоҳанд кард.
Таҳиягари лоиҳа яке аз донишкадаҳои олӣ дар соҳаи физикаю математика — Институти давлатии педагогии Глазов ба номи В.Г. Короленко мебошад. Донишгоҳ якҷоя бо муаллимони пешбари русиягии физика ва математика барномаи таълими иловагиро барои хонандагони мактабҳои кишварҳои хориҷӣ таҳия мекунад.
Тавре ба мухбири АМИТ «Ховар» дар Вазорати маориф ва илми Тоҷикистон хабар доданд, лоиҳаи мазкур ба татбиқи вазифаҳо дар чаҳорчӯби «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илм ва маориф» (2020-2040), ки бо фармони Президенти Ҷумҳурии Тоҷикистон Эмомалӣ Раҳмон аз 31 январи соли 2020 эълон шудааст, инчунин фармони дигари Сарвари давлат аз 4 апрели соли 2003 «Дар бораи такмили таълим ва омӯзиши забонҳои русӣ ва англисӣ» ва «Барномаи давлатии такмили таълим ва омӯзиши забонҳои русӣ ва англисӣ дар Ҷумҳурии Тоҷикистон барои давраи то соли 2030» мусоидат менамояд.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илму маориф ҳамоиш баргузор шуд
Дар назди Донишгоҳи байналмилалии забонҳои хориҷии Тоҷикистон ду шурои нави диссертатсионӣ таъсис ёфт
Дар Донишгоҳи давлатии Бохтар даври муассисавии Озмуни ҷумҳуриявии «Фурӯғи субҳи доноӣ китоб аст» баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
Дар Донишгоҳи давлатии молия ва иқтисоди Тоҷикистон бахшида ба Рӯзи байналмилалии ҳадяи китоб ҳамоиш доир гардид
Бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар Душанбе конференсияи илмӣ доир шуд
Дар оянда дар маҳали Донишкадаи инноватсионии Душанбе шаҳраки донишҷӯён сохта мешавад
РУШДИ САНОАТИ ФАРМАТСЕВТИИ ВАТАНӢ. Дар Парки технологии Донишгоҳи миллии Тоҷикистон аз пӯсти меваи анор дору тайёр мекунанд
