Ноиби президенти Палатаи савдо ва саноати Сибири марказӣ Даря Ковалева: «Маҳсулоти тару тозаи Тоҷикистон дар Русия серхаридор аст»
ДУШАНБЕ, 04.08.2022 /АМИТ «Ховар»/. Дар шаҳри Хуҷанд вохӯрии доираҳои соҳибкории вилояти Суғд ва кишвари Красноярск баргузор шуд, ки зимни он ноиби президенти Палатаи савдо ва саноати Сибири марказӣ Даря Ковалева оид ба серхаридор будани маҳсулоти тару тозаи Ҷумҳурии Тоҷикистон дар Федератсияи Русия ибрози назар намуд.
Тавре ба АМИТ «Ховар» дар Палатаи савдо ва саноати Ҷумҳурии Тоҷикистон хабар доданд, вохӯрии мазкур дар доираи сафари соҳибкорони кишвари Красноярск ба вилояти Суғд баргузор гардид. Соҳибкорони кишвари Красноярски Федератсияи Русияро ноиби президенти Палатаи савдо ва саноати Сибири марказӣ Даря Ковалева роҳбаладӣ намуд.
Муовини Раиси вилоят Анвар Яъқубӣ ҳайати меҳмононро самимона хайрамақдам гуфта, барои таваҷҷуҳ ба таҳкими ҳамкории дуҷониба бо Ҷумҳурии Тоҷикистон дар соҳаҳои тиҷоративу иқтисодӣ ва сармоягузорӣ изҳори сипос намуда оид ба инконияти иқтисодию сармоягузории вилоят ба меҳмонон маълумоти муфассал пешниҳод намуд.
Дар вохӯрӣ имконоти сармоягузории вилоят аз ҷониби сардори Раёсати сармоягузорӣ ва идораи амволи давлатии вилояти Суғд Шарифҷон Ахмедов муаррифӣ гардид. Даря Ковалева имконияти сармоягузорӣ ва ширкатҳои фаъолияткунандаи кишвари Красноярскро муарифӣ намуд.
Иброз гардид, ки маҳсулоти тару тозаи Тоҷикистон дар Русия серхаридор аст ва доираҳои соҳибкории ҳарду минтақа метавонанд барои содироти меваи хушку тар, маҳсулоти пахтагин, консерва, обҳои нӯшокӣ тарҳҳои нав амалӣ созанд. Вилояти Суғд барои воридсозии чӯбу тахта, ғалла ва дигар маҳсулот ҳавасманд аст.
Дар вохӯрӣ аз кишвари Красноярск роҳбарони 16 корхонаи истеҳсолӣ, инчунин роҳбарони 50 корхонаи истеҳсолӣ ва соҳибкорони вилояти Суғд, аъзои Палатаи савдо ва саноати Ҷумҳурии Тоҷикистон иштирок доштанд.
Дар ҷараёни вохӯриҳо дар формати В2В доираҳои тиҷоратии ду минтақа имконияти тиҷорати мутақобила, ташкили интиқоли маҳсулоти дорои талабот ба бозорҳои Тоҷикистон ва кишвари Красноярск, инчунин татбиқи лоиҳаҳои муштараки сармоягузорӣ дар соҳаҳои хӯрокворӣ, бофандагӣ, кимиёвӣ, кишоварзӣ, чарм ва пойафзол, саноати электротехникӣ, технологияҳо ва таҷҳизоти саноатӣ, масолеҳи сохтмонӣ, туризм ва ғайраро баррасӣ намуданд.
АКС: Палатаи савдо ва саноати ҶТ
Дар Тоҷикистон беш аз 2 миллион тонна ангишт истихроҷ гардидааст
Барномаи рушди соҳаи механиконии инноватсионии кишоварзӣ дар Ҷумҳурии Тоҷикистон баррасӣ гардид
Бонки миллии Тоҷикистон вазъи бозори дохилии асъор ва сиёсати қурбиро шарҳ дод
Раёсат дар Шурои иқтисодии Иттиҳоди Давлатҳои Мустақил дар соли 2025 ба ҷониби Тоҷикистон гузашт
Созмони ҷаҳонии сайёҳӣ: «Тоҷикистон аз ҳисоби афзоиши теъдоди ҷаҳонгардон ба мамлакат дар зинаи сеюм қарор гирифт»
Аз шаҳри Душанбе ба самти Давҳа парвозҳо оғоз гардиданд
Дар Душанбе нишасти нуздаҳуми Шурои роҳбарикунандаи СПЕКА баргузор гардид
Байни Агентии содироти Тоҷикистон ва Кумитаи рушди содироти Арабистони Саудӣ оид ба рушди содироти ғайринафтӣ Ёддошти тафоҳум ба имзо расид
Ҷаласаи гурӯҳи коршиносон оид ба ташкили бозори минтақавии неруи барқи мамлакатҳои Созмони ҳамкории иқтисодӣ баргузор шуд
Сулаймон Султонзода дар Нишасти дуюми вазирони мақомоти ҳифзи ҳуқуқи давлатҳои аъзои Созмони ҳамкории исломӣ иштирок намуд
Имсол аз Тоҷикистон беш аз ҳазор тонна хуч ба хориҷи мамлакат содирот гардидааст
Дар Риёз ҷаласаи чоруми Кумитаи муштараки Тоҷикистон ва Арабистони Саудӣ оид ба ҳамкории иқтисодӣ, тиҷоратӣ ва сармоягузорӣ доир гардид
