Тоҷикистон бо Венесуэла, Сербия ва Марокаш Созишнома оид ба лағви раводид барои дорандагони шиносномаҳои дипломатӣ ва хизматӣ ба имзо расонид
ДУШАНБЕ, 25.09.2022 /АМИТ «Ховар»/. 23 сентябри соли 2022 дар ҳошияи иҷлоси 77-уми Маҷмаи Умумии СММ дар Ню-Йорк Вазири корҳои хориҷии Ҷумҳурии Тоҷикистон Сироҷиддин Муҳриддин бо вазирони корҳои хориҷии Ҷумҳурии Боливариании Венесуэла Карлос Фария, Ҷумҳурии Сербия Никола Селакович ва Подшоҳии Марокаш Носир Бурита мулоқот намуд. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Зимни суҳбат Сироҷиддин Муҳриддин ва Венесуэла Карлос Фария перомуни ҳолати кунунӣ ва дурнамои густариши ҳамкорӣ байни Тоҷикистону Венесуэла ва масъалаҳои дигари мавриди таваҷҷуҳ табодули афкор намуданд.
Пас аз мулоқот Созишнома оид ба лағви раводид барои дорандагони шиносномаҳои дипломатӣ ва хизматӣ байни Ҳукумати Ҷумҳурии Тоҷикистон ва Ҳукумати Ҷумҳурии Боливариании Венесуэла ба имзо расид.
Сироҷиддин Муҳриддин ва Никола Селакович маҷмӯи масъалаҳои ҳамкории Ҷумҳурии Тоҷикистон ва Ҷумҳурии Сербияро дар соҳаҳои гуногун, аз ҷумла бахшҳои амният, иқтисод, иҷтимоӣ, гуманитарию беҳдоштӣ ва обу иқлим мавриди баррасӣ қарор дода, ба зарурати таҳкими ҳамкориҳои бисёрҷониба таъкид карданд.
Дар фарҷоми вохӯрӣ ҷонибҳо Созишномаи байни Ҳукумати Ҷумҳурии Тоҷикистон ва Ҳукумати Ҷумҳурии Сербия дар бораи мутақобилан бекор намудани талаботи раводид барои дорандагони шиносномаҳои дипломатӣ ва хизматиро ба имзо расониданд.
Вазири корҳои хориҷии Ҷумҳурии Тоҷикистон Сироҷиддин Муҳриддин ва Вазири корҳои хориҷӣ, ҳамкории африқоӣ ва марокашиҳои муқими бурунмарзӣ Подшоҳии Марокаш Носир Бурита, вазъи кунунӣ ва дурнамои рушди муносибатҳои дуҷониба, инчунин ҳамкориҳои ду кишвар дар чаҳорчӯби созмонҳои байналмилалиро баррасӣ карданд. Ҷонибҳо ҳавасмандии худро роҷеъ ба таҳкими равобити дуҷонибаи сиёсӣ, тиҷоратӣ ва иқтисодӣ, аз ҷумла рушди ҳамкорӣ дар соҳаҳои сайёҳӣ ва маориф таъкид намуданд.
Зимни мулоқот ҷонибҳо Созишнома байни Ҳукумати Ҷумҳурии Тоҷикистон ва Ҳукумати Подшоҳии Марокаш оид ба лағви раводид барои дорандагони шиносномаҳои дипломатӣ ва хидматиро ба имзо расониданд.
Акс: ВКХ ҶТ
Ҳайати Қатар дар Конфронси байналмилалии ҳифзи пиряхҳо дар Душанбе иштирок менамояд
РАВАНДИ ОБИ ДУШАНБЕ. Масъалаи омодагӣ ба Конфронси оби СММ-2028 дар Тоҷикистон баррасӣ гардид
Тоҷикистон ва Кувайт дурнамои муносибатҳои дуҷонибаро баррасӣ намуданд
Сафири Тоҷикистон бо Ректори Донишгоҳи илмҳои гуманитарии ба номи Муҳаммад ибни Зойид мулоқот намуд
Намояндаи Тоҷикистон бо муовини Котиби генералии Иттиҳоди байналмилалии алоқа мулоқот намуд
Дар Душанбе татбиқи тавофуқот аз натиҷаи музокироти сатҳи олии Тоҷикистон ва Русия баррасӣ шуд
Байни вазоратҳои корҳои хориҷии Тоҷикистон ва Муғулистон машваратҳои сиёсӣ доир шуданд
Сарвазири Тоҷикистон Қоҳир Расулзода бо муовини аввали Президенти Эрон Алӣ Наҷафии Хушрудӣ мулоқот намуд
Намояндаи Тоҷикистон дар Созмони Милали Муттаҳид бо намояндаи олии ин созмон мулоқот намуд
Муносибатҳои дуҷонибаю бисёрҷонибаи Тоҷикистон ва Уммон баррасӣ шуданд
Ҳайати Тоҷикистон дар Нишасти сеюми вазирони корҳои хориҷии Муколамаи стратегии кишварҳои Осиёи Марказӣ иштирок намуд
30-солагии истиқрори муносибатҳои дипломатӣ байни Ҷумҳурии Тоҷикистон ва Давлати Кувайт ботантана таҷлил гардид
