Тоҷикистон ва Арабистони Саудӣ ҳамкории дуҷонибаро таҳким мебахшанд
ДУШАНБЕ, 09.09.2022 /АМИТ «Ховар»/. 8 сентябр дар шаҳри Риёз мулоқоти Вазири корҳои хориҷии Ҷумҳурии Тоҷикистон Сироҷиддин Муҳриддин бо Вазири сармоягузории Подшоҳии Арабистони Саудӣ, ҳамраиси Комиссияи байниҳукуматии Тоҷикистон ва Арабистони Саудӣ оид ба ҳамкории иқтисодию тиҷоратӣ, техникӣ ва фарҳангӣ Холид Ал Фолеҳ баргузор гардид. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Зимни мулоқот атрофи роҳҳои таҳкими ҳамкориҳои дуҷониба дар соҳаҳои тиҷорат, иқтисод, сармоягузорӣ ва ҷалби сармоягузорони саудӣ ба бахшҳои энергетика, саноат, истихроҷи маъдан, кишоварзӣ ва сайёҳии Тоҷикистон табодули назар сурат гирифт.
Ҷонибҳо ба аҳаммияти баргузории даври навбатии ҷаласаи Комиссияи байниҳукуматии Тоҷикистон ва Арабистони Саудӣ оид ба ҳамкории иқтисодию тиҷоратӣ, техникӣ ва фарҳангӣ таъкид карданд.
Тавре қаблан АМИТ «Ховар» хабар дода буд, 7 сентябр дар шаҳри Риёзи Подшоҳии Арабистони Саудӣ нахустин ҷаласаи муштараки вазирони корҳои хориҷии кишварҳои арабии Халиҷ ва Осиёи Марказӣ баргузор гардид.
Дар ин нишаст Вазири корҳои хориҷии Ҷумҳурии Тоҷикистон Сироҷиддин Муҳриддин иштирок ва суханронӣ намуд.
Дар поёни ҷаласа Баёнияи муштарак, инчунин Харитаи роҳи ҳамкории муштарак барои солҳои 2023-2027 қабул гардид.
Акс: ВКХ ҶТ
Вазорати корҳои хориҷии Тоҷикистон аз ҳамлаи мусаллаҳона дар марз хабар дод
Тоҷикистон нишасти намояндагони доимии Осиёи Марказӣ дар СММ-ро баргузор намуд
Таҳти раисии намояндаи Тоҷикистон ҷаласаи Шурои намояндагони доимии ИДМ баргузор шуд
Cафири Тоҷикистон бо Вазири корҳои хориҷии Муғулистон мулоқот намуд
Дар Душанбе татбиқи лоиҳаҳои афзалиятноки иқтисодиву иҷтимоӣ байни Тоҷикистону Корея баррасӣ шуд
Сафири Тоҷикистон дар Парлумон ва Палатаи савдо ва саноати Муғулистон мулоқот анҷом дод
Дар Душанбе машваратҳои сиёсӣ байни Тоҷикистону Эрон доир шуд
Дар Боку ҷашнҳои давлатии Тоҷикистон таҷлил карда шуд
Тоҷикистон ва Эрон масоили ҳамкории дуҷониба ва бисёрҷонибаро мавриди баррасӣ қарор доданд
Дар Теҳрон ҳамкории дуҷонибаи Тоҷикистону Эрон баррасӣ гардид
Дар Душанбе аввалин Муколамаи стратегӣ дар сатҳи вазирони корҳои хориҷии Тоҷикистону Чин баргузор гардид
Дурнамои рушди муносибатҳои Тоҷикистону Туркманистон дар соҳаҳои молияю бонк ва сармоягузорӣ баррасӣ гардид
