Се паҳлавони Тоҷикистон дар мусобиқаи «Grand Slam Tokyo 2022» иштирок мекунанд

Декабрь 3, 2022 08:41

ДУШАНБЕ, 03.12.2022 /АМИТ «Ховар»/. Се паҳлавони Тоҷикистон дар шаҳри Токиои Ҷопон дар мусобиқаи байналмилалии «Grand Slam Tokyo 2022» оид ба дзюдо, ки имрӯз оғоз шуда, то 4 декабр идома меёбад, иштирок менамоянд. Рақобатҳо аз рӯи 14 вазн (7 вазн миёни мардон ва 7 вазн миёни занон) байни 346 дзюдочӣ аз 59 кишвари ҷаҳон доир мешаванд. Дар ин бора шореҳи варзиши АМИТ «Ховар» бо истинод ба Федератсияи дзюдои Тоҷикистон хабар додааст.

Тоҷикистонро дар ин мусобиқаи сатҳи ҷаҳонӣ 3 паҳлавон — Эмомалӣ Нуралӣ дар вазни то 66кг, Муҳаммадраҳим Сарахонов дар вазни то 73кг ва Сомон Маҳмадбеков дар вазни то 81кг дар рақобатҳо миёни мардон намояндагӣ мекунанд.

Мавриди зикр аст, ки Эмомалии Нуралӣ миёни 33 варзишгари ширкаткунанда дар вазни то 66кг барои ба даст овардани медалҳои фахрии мусобиқа мубориза мебарад. Эмомалӣ миёни 33 варзишгари иштироккунанда дар ҷойи 7-ум ҷойгир шудааст. Муҳаммадраҳим Сарахонов дар вазни -73кг миёни 34 ширкаткунанда мақоми 21-умро ишғол намудааст. Сомон Маҳмадбеков дар вазни -81кг дар байни 43 иштирокчӣ дар ҷои 19-ум қарор дорад.

Фонди ҷоизаи мусобиқа 154 миллион евроро ташкил медиҳад. Ғолибони ҷои аввали ҳамаи вазнҳо 5000 евро, барандагони медали нуқра 3000 евро ва барандагони медалҳои биринҷӣ 1500 евро ба даст меоранд.

Ҳамчунин варзишгароне, ки дар мусобиқаи мазкур зинаҳои фахриро касб мекунанд, соҳиби имтиёзҳои олимпӣ мегарданд. Қобили зикр аст, ки дзюдочиёне, ки медали тилло ба даст меоранд, 1000 имтиёз, медали нуқра- 700 имтиёз ва медали биринҷӣ- 500 имтиёз, инчунин онҳое, ки ҷойҳои 5-ум ва 7-умро касб мекунанд, мутаносибан соҳиби 360 ва 260-имтиёзӣ мешаванд.

Ёдовар мешавем, ки ин мусобиқа аз соли 1978 инҷониб баргузор мешавад. Мусобиқа бори охир соли 2017 баргузор шуда, бинобар сабаби пандемияи коронавирус қатъ гардида буд.

АКС: Федератсияи байналмилалии дзюдо

Декабрь 3, 2022 08:41

Хабарҳои дигари ин бахш

Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад