Дар вилояти Суғд бо намояндагони ширкати «GAZ Group»-и Федератсияи Русия мулоқот доир шуд

Февраль 16, 2023 17:39

СУҒД, 16.02.2023 /АМИТ «Ховар»/. 15 феврал дар Мақомоти иҷроияи ҳокимияти давлатии вилояти Суғд мулоқоти роҳбарияти вилоят бо намояндагони ширкати​ «GAZ Group»-и Федератсияи Русия доир гардид. Дар ин бора ба хабарнигори минтақавии АМИТ «Ховар» Саъдулло Маҳкам дар Хадамоти матбуоти Раиси вилояти Суғд хабар доданд.

Ёдрас карда шуд, ки 8-12 феврал​ намояндагони мақомоти давлатӣ ва соҳибкорони вилояти Суғд ба вилояти Нижегороди Федератсияи Русия сафари корӣ анҷом дода, бо соҳибкорону ширкатҳои истеҳсолии ин вилоят созишномаҳои ҳамкорӣ имзо намуда буданд. Бо гузашти чанд рӯз пас аз имзои созишномаҳои ҳамкорӣ​ намояндагони ширкати «GAZ Group» ҷиҳати шиносоӣ бо вазъи соҳаи саноат ва имконият барои тавсеаи ҳамкорӣ ба вилояти Суғд омаданд.

Дар мулоқот доир ба вазъи соҳаи саноат маълумот дода, иброз гардид, ки бо иқдоми Президенти Ҷумҳурии Тоҷикистон муҳтарам Эмомалӣ Раҳмон дар Тоҷикистон саноатикунонии босуръати мамлакат ҳадафи стратегӣ эълон гардида, бунёди корхонаҳои гуногун идома дорад.

Гуфта шуд, ки соҳибкорони рус метавонанд бо вазъи корхонаҳои саноатии вилоят шинос гардида, барои амалисозии лоиҳаҳои муштарак саҳми арзанда гузоранд.

Намояндаи ширкати «GAZ Group» вобаста ба мошинҳои дар​ ширкат истеҳсолшаванда маълумот дод. Дар ин корхонаи азими саноатӣ нақлиёти мусофиркашони автобусу микроавтобусҳо, мошинҳои ёрии таъҷилӣ ва дигар нақлиёти хизматӣ истеҳсол карда мешаванд.

Намояндагони ширкат ҳамзамон бо ҷараёни истеҳсолот дар якчанд корхонаҳои вилояти Суғд шинос гардида, омодагии худро бо истифода аз имконият барои таҳкими ҳамкорӣ иброз карданд.

Ҳамзамон намояндагони ширкати «GAZ Group» аз корхонаҳои «Тоҷфилиз» ва ​ «Хуҷанд-ЗИЛ»​ боздид намуда, бо ҳамтоёни тоҷики худ мубодилаи афкор намуданд.

АКС: Хадамоти матбуоти Раиси вилояти Суғд

Февраль 16, 2023 17:39

Хабарҳои дигари ин бахш

Дар ҷаласаи машваратии мудирони Хазинаи байналмилалии асъор шарҳи вазъи монетарии минтақа пешниҳод гардид
Алӣ Ғиёсуддин Муҳаммад: «Тоҷикистон имкон дорад бо истифода аз захираҳои табиӣ ба яке аз давлатҳои пешрафтаи ҷаҳон табдил гардад»
Бонки миллии Тоҷикистон ҳамкориро бо Бонки миллии Швейтсария тақвият медиҳад
АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
Дар Тоҷикистон 250 навъи харбуза парвариш карда мешавад
ИСТИФОДАИ САМАРАНОКИ ЗАМИН. Кишоварзони шаҳри Панҷакент дар беш аз 2600 гектар кишти такрорӣ гузарониданд
МАСЛИҲАТИ МУТАХАССИС. Истеъмоли биринҷ ҷисми инсонро фарбеҳ менамояд
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд