Кумитаи забон ва истилоҳот: Ба соҳибкорон пеш аз қайди расмӣ хулосаи забоншиносӣ пешниҳод мегардад
ДУШАНБЕ, 09.02.2023. /АМИТ «Ховар»/. Кумитаи забон ва истилоҳоти назди Ҳукумати Ҷумҳурии Тоҷикистон ба соҳибкорони тоҷик пеш аз бақайдгирии расмии фаъолияти тиҷоратӣ, яъне номгузории марказу мағозаҳои савдои худ хулосаи забоншиносӣ пешниҳод менамояд. Дар ин хусус имрӯз зимни нишасти матбуотӣ Раиси Кумита Олимҷон Муҳаммадҷонзода ба хабарнигорон иттилоъ дод.
«Ин тасмим ба хотири аз байн бурдани ғалатнависӣ дар мағозаву дӯконҳои ҳудуди ҷумҳурӣ гирифта шуда, дар ҳамкорӣ бо Кумитаи андози назди Ҳукумати Ҷумҳурии Тоҷикистон ба роҳ монда мешавад»,-иброз дошт Олимҷон Муҳаммадҷонзода.
Гуфта шуд, ки Кумита соли 2022 дар ҳамкорӣ бо Муассисаи давлатии «Рекламаи берунӣ ва ороиши шаҳри Душанбе» забони матни ангораҳо ва навиштаҷоту овезаҳои рекламавии ташкилоту муассисаҳои рекламаистеҳсолкунанда ва соҳибкорони инфиродиро ба талаботи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» мутобиқ намуд, ки дар маҷмӯъ 394 мавод мебошад.
«Ҳамзамон Кумита барои бартараф кардани навиштаҷоти ғалати шиору овезаҳои шаҳру ноҳияҳои ҷумҳурӣ бо иштироки намояндагони мақомоти прокуратураи шаҳри Душанбе ва шаҳру ноҳияҳои дигари мамлакат гурӯҳҳои корӣ ташкил намуда, барои ислоҳи вазъ санад ба имзо расонида, тавсияҳо медиҳад. Ин гуна назорат дар доираи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» иҷро мегардад. Зеро тибқи Қонуни мазкур назорат ва ба танзим даровардани санадҳои меъёрии ҳуқуқӣ оид ба қонуни мазкур ба зиммаи Кумитаи забон ва истилоҳот гузошта шудааст. Аз ин рӯ ҳамаи мо вазифадорем, ки муқаррароти қонунро пурра иҷро кунем ва ба забони давлатӣ эҳтиром гузорем»,- афзуд Раиси Кумита.
Зимни нишасти матбуотӣ гуфта шуд, ки соли 2022 Кумита ба 148 адад санади меъёрии ҳуқуқӣ ва 16 маводи судӣ хулосаи экспертизаи забоншиносӣ ва танзими ҳамгунсозии истилоҳот пешниҳод намуд.
Зарангези ЛАТИФ,
АМИТ «Ховар»
АКС: АМИТ «Ховар»
Ҳайати Тоҷикистон дар Бозиҳои байналмилалии Делфӣ дар Қирғизистон иштирок дорад
Намоишномаи ҳунармандони Театри вилоятии мусиқӣ-мазҳакавии ба номи Ато Муҳаммадҷонови шаҳри Бохтар дар Узбекистон пешниҳод мегардад
«ДӮСТИИ АДАБӢ — ДӮСТИИ АБАДӢ». Бо иштироки аҳли фарҳангу санъати Тоҷикистону Узбекистон ҳамоиш доир шуд
Гурӯҳи хабарнигорони Қирғизистон аз як қатор ҷойҳои таърихию фарҳангии Тоҷикистон боздид намуд
Рӯзҳои кинои Тоҷикистон дар Узбекистон доир мешавад
Хабарнигорони Қирғизистон дар Осорхонаи миллӣ бо таъриху фарҳанги Тоҷикистон шинос гардиданд
НАВРӮЗИ ХАТЛОН. Фасли баҳор дар ин минтақаи Тоҷикистон пештар оғоз меёбад
Рӯзҳои фарҳанги Тоҷикистон дар Узбекистон баргузор мегарданд
САЁҲАТРО АЗ ВАТАН ОҒОЗ МЕНАМОЕМ! Ёдгориҳои таърихию фарҳангии Хуттали Қадим аз ҷиҳати аҳамияти таърихӣ ҳамто надоранд
Гурӯҳи хабарнигорони Қирғизистон бо мақсади шиносоӣ бо дастовардҳои даврони истиқлол ва иштирок дар тантанаҳои наврӯзӣ ба Тоҷикистон ташриф овард
Эмомалӣ Раҳмон: «Ҳифзи Наврӯз – ҳифзи ҳувият ва худшиносии миллати куҳанбунёду тамаддунсози тоҷик мебошад»
Эмомалӣ Раҳмон: «Ҳамчун ворисони аслии тамаддуни ориёӣ суннатҳои наврӯзиро минбаъд низ пос дорем»
