Лоиҳаи содагардонии расмиёти транзитии гумрукӣ дар масири байналмилалии Транскаспий баррасӣ карда шуд
ДУШАНБЕ, 14.03.2023 /АМИТ «Ховар»/. Лоиҳаи содагардонии расмиёти транзитии гумрукӣ дар масири байналмилалии Транскаспийи долони байни «Шарқ-Ғарб» бо истифода аз принсипҳои «Равзанаи ягона» зимни мулоқоти Сардори Хадамоти гумруки назди Ҳукумати Ҷумҳурии Тоҷикистон Хуршед Каримзода ва раиси Кумитаи давлатии гумруки Ҷумҳурии Озарбойҷон Шоҳин Багиров дар Боку баррасӣ карда шуд. Дар ин хусус ба АМИТ «Ховар» дар Хадамоти гумруки назди Ҳукумати Ҷумҳурии Тоҷикистон иттилоъ доданд.
Ҳадафи баргузории нишасти роҳбарони мақомоти гумруки давлатҳои минтақа баррасии тарҳи содагардонии расмиёти гумрукии транзитӣ дар долони байналмилалии Транскаспийи «Шарқ-Ғарб» буда, бо назардошти аҳамияти рақамигардонии расмиёт дар соҳаи нақлиёт, сарҳад ва гумрук, ба таҳкими инфрасохтор дар масири байналмилалии Транскаспийи долони байни «Шарқ-Ғарб», содагардонии расмиёт дар долони мазкур, рушди минбаъдаи ҳамкории давлатҳои аъзо ва нозир, инчунин баланд бардоштани иқтидори транзитӣ ва ҳамгироии он ба системаҳои нақлиётии минтақавӣ равона гардидааст.
Ҳамчунин имрӯз дар Боку ҷаласаи коршиносон доир гардида, 15 март вохӯрии бисёрҷонибаи роҳбарони мақомоти гумруки Озарбойҷон ва давлатҳои Осиёи Марказӣ баргузор мешавад.
Интизор меравад, ки дар нишасти роҳбарони мақомоти гумруки Озарбойҷон ва Осиёи Марказӣ заминаҳои рушди долонҳо мавриди баррасии ҳамаҷониба қарор гирифта, тамоюли мавҷудаи рушди ҳамкории тиҷоратию иқтисодӣ ва баҳодиҳии имконияти рушди савдо дар асоси тавсеаи долонҳои нақлиётӣ, афзоиши иқтидори транзитӣ, таҳкими ҳамкории давлатҳо, инчунин ҳамгироии зичи долони Транскаспийи «Шарқ-Ғарб» бо низоми байналмилалии нақлиётӣ ва логистикӣ баррасӣ гардад.
Дар рушди инфрасохтори нақлиётии рақобатпазир, ки Аврупо ва Осиёро мепайвандад, таҳияи роҳҳои алтернативӣ ва долонҳо барои ҳамлу нақли борҳои содиротӣ ва транзитӣ пешбинӣ гардидааст.
АКС: Хадамоти гумруки назди Ҳукумати Ҷумҳурии Тоҷикистон
Дар Тоҷикистон боғи зардолу чанд гектарро ташкил медиҳад?
Дар Агентии назорати давлатии молиявӣ ва мубориза бо коррупсия Рӯзи Ваҳдати миллиро ботантана ҷашн гирифтанд
Пагоҳ дар Душанбе ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Дар Бизнес-форуми Бонки Авруосиёии рушд афзалиятҳои сармоягузории Тоҷикистон муаррифӣ карда шуд
Вилояти Хатлон дар шаҳри Алмаатои Қазоқистон намоиш-фурӯши маҳсулоти кишоварзӣ ва ҳунарҳои мардумӣ баргузор менамояд
Дар Намоишгоҳи байналмилалии ЭКСПО-и «Чин — Авруосиё» гӯшаи Тоҷикистон ташкил карда шуд
Дар «Саноатсодиротбонк» Рӯзи Ваҳдати миллиро таҷлил намуданд
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши идона баргузор гардид
Ба ифтихори Рӯзи Ваҳдати миллӣ дар Кумитаи ҳифзи муҳити зист ҳамоиши тантанавӣ баргузор шуд
Дар Вена оид ба таъсиси низоми «Равзанаи ягона» барои минтақаҳои озоди иқтисодии Тоҷикистон санади грантӣ ба имзо расид
Дар Фурудгоҳи байналмилалии Душанбе кӯшиши ворид намудани рақами қалбакии давлатии воситаи нақлиёт ошкор гардид
Намояндагони Хадамоти обуҳавошиносии Корея бо фаъолияти Агентии обуҳавошиносии Тоҷикистон шинос шуданд
