Дар Душанбе лоиҳаи «Баланд бардоштани устувории кишоварзӣ дар Тоҷикистон» баррасӣ шуд

ДУШАНБЕ, 10.04.2023. /АМИТ «Ховар»/. 7 апрел дар Душанбе мулоқоти муовинони Вазири кишоварзии Ҷумҳурии Тоҷикистон бо намояндаи Бонки ҷаҳонӣ баргузор гардид, ки зимни он масъалаи баланд бардоштани устувории кишоварзӣ баррасӣ карда шуд, хабар медиҳад АМИТ «Ховар» бо истинод ба Вазорати мазкур.

Тавре иттилоъ дода шуд, ҷонибҳо дар мулоқот ҳамкорӣ дар доираи лоиҳаи «Баланд бардоштани устувории кишоварзӣ дар Тоҷикистон»-ро мавриди баррасӣ қарор доданд.

Гуфта шуд, ки амалишавии тамоми унсурҳои лоиҳа саривақтӣ буда, дар иҷрои ҳадафҳои Ҳукумати Ҷумҳурии Тоҷикистон ва барномаҳои қабулшуда, аз ҷумла барномаи ислоҳоти соҳаи кишоварзӣ, консепсияи ташкил ва рушди кластерҳои агросаноатӣ, таъмини амнияти озуқавории мамлакат ва амалишавии дигар барномаҳои соҳавӣ саҳми назаррас мегузорад.

АКС: Вазорати кишоварзии Ҷумҳурии Тоҷикистон