Дар Театри ба номи Сайдалӣ Вализодаи шаҳри Кӯлоб спектакли таърихии «Катан» намоиш дода шуд
КӮЛОБ, 23.04.2023 /АМИТ «Ховар»/. Дар Театри ба номи Сайдалӣ Вализодаи шаҳри Кӯлоб намоиши таърихии «Катан» манзур гардонида шуд, иттилоъ доданд ба хабарнигори минтақавии АМИТ «Ховар» Сулаймон Холзода дар Мақомоти иҷроияи ҳокимияти давлатии шаҳри Кӯлоб.
Намоиш саропо эҳсоси ватандӯстӣ ва шарафу номуси ватандориро фаро мегирифт. Намоиш аз рӯйи драмаи шоир ва драматург Файзи Ашӯр ба саҳна гузошта шуд. Басаҳнагузорандаи намоиш арбоби санъати тоҷик Мирзоватан Миров мебошад.
Хотиррасон менамоем, ки рӯнамоии намоиши мазкур бо иштироки намояндагони Вазорати фарҳанги ҷумҳурӣ ва дигар арбобони илму фарҳанги мамлакат 24 апрел баргузор мегардад.
Намоиш ҷавобгӯ ба сиёсати фарҳангпарваронаи Президенти Тоҷикистон муҳтарам Эмомалӣ Раҳмон буда, ба 115-солагии аллома Бобоҷон Ғафуров бахшида шудааст.
Катан қаҳрамони Бобакон аст, ки якҷо бо сипоҳаш баҳри ҳифзи ватан дар задухӯрд бо урдӯи ғосиби юнонӣ таҳти фармондеҳии сарлашкар Александри Македонӣ –Кратер ҷонбозиҳо карда, фидокорӣ нишон додааст. Намоиш пур аз саҳнаҳои задухӯрд ва лаҳзаҳои ҳаяҷонбахши ишқу муҳаббат аст.
АКС: Мақомоти иҷроияи ҳокимияти давлатии шаҳри Кӯлоб
Дар Тоҷикистон зиёда аз 21 навъи маводу масолеҳи тармимгарӣ омода карда мешавад
ПАЁМЕ, КИ ҲАМА НУРУ НАВИД АСТ. Андешаҳои Шоири халқии Тоҷикистон Камол Насрулло дар ҳошияи Паёми Президенти Тоҷикистон ба Маҷлиси Олӣ
ПАЁМИ ПРЕЗИДЕНТИ ТОҶИКИСТОН — ДАСТУРАМАЛ ВА РОҲНАМО. Дар Душанбе ҳамоиши илмӣ доир гардид
Ризо Солеҳии Амирӣ: «Аз ҳар муваффақияти Тоҷикистон ҳушҳолу сарфароз мешавем»
Маркази тадқиқоти стратегии назди Президенти Ҷумҳурии Тоҷикистон ва Маркази пажуҳишии Шурои исломии Эрон ҳамкорӣ дар самти таҳқиқотро густариш медиҳанд
Байни Академияи миллии илмҳои Тоҷикистон ва Пажуҳишгоҳи муҳандисии генетикӣ ва биотехнологияи Эрон Ёддошти тафоҳум ба имзо расид
Аҳли илму адаби Эрон дар Осорхонаи миллӣ бо таъриху тамаддуни тоҷикон шинос гардид
Ҳамкории Академияи миллии илмҳои Тоҷикистон бо Вазорати мероси фарҳангӣ, гардишгарӣ ва саноеи дастии Эрон баррасӣ гардид
«Мероси Имоми Аъзам ва гуфтугӯи тамаддунҳо», «Мавлоно ва тамаддуни инсонӣ» сазовори «Шоҳҷоиза»-и Озмуни ҷумҳуриявии «Китоби сол-2024» гардиданд
Дар Душанбе робитаҳои фарҳангии Тоҷикистон ва Эрон баррасӣ шуданд
Дар Душанбе Пажуҳишгоҳи фарҳангии тоҷикӣ-форсӣ ифтитоҳ гардид
Дар Душанбе Форуми олимону пажуҳишгарони Тоҷикистон ва Эрон баргузор шуд
