ДАРАХТ БИНШОН! Дар ноҳияи Мурғоб боғи нав бунёд гардид
ДУШАНБЕ, 16.04.2023. /АМИТ «Ховар»/. 14 апрел дар ноҳияи Мурғоб бо ибтикори Мақомоти иҷроияи ҳокимияти давлатии Вилояти Мухтори Кӯҳистони Бадахшон дар якҷоягӣ бо Кумитаи ҳифзи муҳити зисти назди Ҳукумати Ҷумҳурии Тоҷикистон дар масоҳати 1 гектар боғи нав бунёд гардид.
Тавре дар Мақомоти иҷроияи ҳокимияти давлатии вилоят ба АМИТ «Ховар» хабар доданд, дар боғи навбунёд дарахти бед, ки дар шароити ноҳия нашъунамои хуб дорад, инчунин ба таври таҷрибавӣ хучу ангат низ шинонда шудааст.
Боғи навбунёд дар солҳои минбаъда ба як макони фарҳангӣ фароғатӣ табдил дода шуда, дар ин ҷо тамоми шароит барои тафреҳ ва бозии кӯдакон муҳайё карда мешавад.
Сокинони ноҳияи Мурғоб якдилона дар бунёди боғ меҳнат карда,аз иқдомҳои неки Роҳбарияти олии мамлакат дар мавриди бунёди боғу токзори нав изҳори хушнудӣ намуданд.
Дар суҳбат бо сокинони ноҳия, роҳбарияти вилоят таъкид намуд, ки таваҷҷуҳи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон нисбат ба ин макони doxycycline-info.net бараъло эҳсос карда мешавад. Бо дастуру супоришҳои Сарвари давлат дар ноҳия иншооти замонавӣ ва баландошёна сохта мешаванд, ки барои баланд бардоштани сатҳу сифати зиндагии мардум мусоидат хоҳад намуд.
Ҳамчунин, дар ин рӯз дар назди бинои Мақомоти иҷроияи ҳокимияти давлатии ноҳия ва идораву муассисаҳо зиёда аз 10 ҳазор дарахти бед, 400 адад хуч, 400 намуд ангат ва гули садбарг шинонда шуд.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Ҳифзи растаниҳои нодир вазифаи ҳар як шаҳрванд мебошад
Дар шаҳри Турсунзода зиёда аз 22 ҳазор бех ниҳол ва 300 ҳазор дона гулҳои гуногун шинонида мешаванд
БАРНОМАИ ДАВЛАТИИ КАБУДИЗОРКУНӢ. Дар Ҳисор беш аз 20 ҳазор бех ниҳоли дарахтони ҳамешасабз шинонида мешавад
Дар шаҳри Ваҳдат бо иштироки муовини Сарвазири Тоҷикистон маъракаи ниҳолшинонӣ доир гардид
Дар минтақаи Ховарон дар беш аз 7 гектар боғи мевадиҳанда бунёд мегардад
ДАРАХТ БИНШОН! Дар шафати роҳҳои мошингарди Ванҷ беш аз 2000 бех ниҳол шинонида шуд
ДАРАХТ БИНШОН! Дар минтақаи Лоҳури ноҳияи Рӯдакӣ 700 бех ниҳоли гуногун шинонида шуд
«КИШВАРИ САБЗ». Кормандони Хадамоти гумрук дар ноҳияи Варзоб беш аз 17 ҳазор бех ниҳол шинониданд
Дар заминҳои бекорхобидаи теппаҳои деҳаи Шодоби ноҳияи Варзоб боғи намунавӣ бунёд карда шуд
«ШАҲРИ САБЗ». Дар ҳудуди Боғи «Ғалаба» ва ҷангалҳои пойтахт 3,6 ҳазор бех ниҳоли дарахти санавбар шинонида шуд
Дар назди бинои Академияи миллии илмҳои Тоҷикистон дарахтони навъи магнолия шинонида шуданд
«ЯК ҶАВОН – ЯК ДАРАХТ». Дар Душанбе иқдоми ҷумҳуриявии ниҳолшинонӣ баргузор гардид
