ИЛМ. Олимон усули баланд бардоштани ҳосилнокии заминро пайдо карданд
ДУШАНБЕ, 16.04.2023 /АМИТ «Ховар»/. Олимони Донишгоҳи давлатии Тюмен (ДДТ) пешниҳод карданд, ки ангиштсанги аз партовҳои органикӣ ҳосилшударо барои беҳтар кардани хосияти хок ва баланд бардоштани ҳосилнокии замин истифода баранд. Ба гуфтаи онҳо, ин ҳамчунин имкон медиҳад, ки тозагии экологии хоҷагиҳои кишоварзӣ таъмин ва қисман нуриҳои минералӣ иваз карда шаванд. Тавре АМИТ «Ховар» бо истинод ба РИА «Новости» иттилоъ медиҳад, натиҷаҳои тадқиқот дар «Biomass Conversion and Biorefinery» нашр шудааст.
«Азбаски ба замин андохтани мелиорантҳо дар асоси ангиштсанги биологӣ ба ҳосилхезии он таъсири хуб мебахшад, миқдори партовҳои органикии чамъшударо кам карда, дар айни замон ҳосили зироатро баланд бардоштан мумкин аст», — баён дошт мудири озмоишгоҳи технологияҳои самараноки захиравии коркарди термикии массаи биологии Институти X-BIO ДДТюмен Иван Шаненков.
Дар натиҷаи коркарди термикӣ дар муҳити бе оксиген партовҳои органикӣ, аз қабили гарди арра, коҳ, пӯсти чормағзи санавбар ба маводи карбони хеле ковок табдил меёбанд. Ҳангоми ба замин илова намудани он таркиб ва тартиботи обу ҳавои он беҳтар мегардад. Илова бар ин, таркиби ангишти биологӣ доираи васеи микроэлементҳоро дар бар мегирад, ки барои ҳар намуди ашёи хоми истифодашаванда беназир мебошад ва ба ҳосилнокии хок таъсири мусбат мерасонад.
«Дар кишвари мо ангишти билогӣ асосан аз чӯб сохта шудааст ва он ҳамчун захираи сӯзишворӣ истифода мешавад. Мо пешниҳод мекунем, ки онро ҳамчун нурии мустақил барои заминҳои кишоварзӣ ё дар таркиби сохтҳо бо дигар намудҳои мелиорантҳои хокӣ баррасӣ кунем», – шарҳ дод корманди илмии озмоишгоҳ Константин Пономарев.
Дар айни замон олимон барои арзёбии таъсири мубодилаи ангиштҳои биологӣ ва дигар нуриҳои минералӣ ба ҳосили гандум озмоиш мегузаронанд. Натиҷаҳо ба таҳияи тавсияҳо оид ба истифодаи технологияи коркарди гармии миқдори биологӣ ба ангиштсанги биологӣ ва роҳҳои ворид кардани мелиорантҳои бадастомада кумак мерасонанд.
Азиза ИКРОМ,
АМИТ «Ховар»
АКС: РИА «Новости»
EKHIZMAT.TJ. Ин портали ягонаи хизматрасониҳои давлатӣ ба шаҳрвандон 83 номгӯй хизматрасонии давлатӣ пешниҳод менамояд
НИШАСТИ МАТБУОТӢ. Қонунвайронкунии зиддиинҳисорӣ ба маблағи 3,5 миллион сомонӣ ошкор карда шуд
Муовини Сарвазири Тоҷикистон бо вазъи корҳои саҳроӣ дар ноҳияи Бобоҷон Ғафуров шинос гардид
Дурнамои тақвияти ҳамкории Тоҷикистон бо Хазинаи байналмилалии асъор дар соҳаи энергетика баррасӣ шуд
Иқтидору имконияти сармоягузории Тоҷикистон дар Форуми B5+1 дар Бишкек муаррифӣ гардид
Намояндаи Тоҷикистон дар Ассамблеяи умумии Созмони ҳамкории рақамӣ иштирок намуд
Дар теппаҳои шоҳроҳҳои Душанбе ва ноҳияҳои тобеи ҷумҳурӣ беш аз 106 ҳазор бех ниҳол шинонида шуд
Муовини Сарвазири Тоҷикистон бо фаъолияти кишоварзони шаҳри Исфара шинос гардид
Рушди ҳамкории тиҷоратии Ҷумҳурии Тоҷикистон ва Амороти Муттаҳидаи Арабӣ баррасӣ гардид
АФЗОИШИ ИЗОФАНАВИСИИ ЭНЕРГИЯИ БАРҚ БА СУРАТҲИСОБИ МУШТАРИЁН. Агентии назорати давлатии энергетикӣ дар ин хусус иттилоъ медиҳад
ТАЪСИРИ ОМИЛИ ИНСОНӢ. Бо рушди технологияҳои рақамӣ ва зеҳни сунъӣ он дар тамоми соҳаҳо ва ҳама гуна муносибатҳои молиявӣ коҳиш меёбад
Ҷаласаи панҷуми Кумитаи роҳбарикунандаи Барномаи дастгирии энергетикаи устувор баргузор гардид
