Кормандони Вазорати нақлиёт аз Осорхонаи Пешвои миллат дар Донишгоҳи миллии Тоҷикистон боздид намуданд
ДУШАНБЕ, 12.04.2023 /АМИТ «Ховар»/. Бо мақсади бузургдошти таъриху фарҳанг ва эҳтиром ба муқаддасоти миллӣ кормандони Вазорати нақлиёти Тоҷикистон 6 апрел аз Маркази илмӣ-таҳқиқотӣ ва Осорхонаи Пешвои миллат, воқеъ дар Донишгоҳи миллии Тоҷикистон боздид намуданд. Дар ин хусус АМИТ «Ховар» бо истинод ба Вазорати нақлиёти Ҷумҳурии Тоҷикистон иттилоъ медиҳад.
Зимни боздиди кормандони Вазорати нақлиёт аз Осорхонаи Пешвои миллат Ректори Донишгоҳи миллии Тоҷикистон Қобилҷон Хушвахтзода иброз дошт, ки Осорхонаи Пешвои миллат бо ташаббуси Донишгоҳи миллии Тоҷикистон ва дастгирии Ҳукумати мамлакат соли 2021 бо иштироки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ мавриди истифода қарор дода шудааст.
Дар осорхона нигораҳо доир ба давраи таҳсили Эмомалӣ Раҳмон дар ин боргоҳи илму маърифат ва хизматҳои Сарвари давлат дар рушду пешрафти Ҷумҳурии Тоҷикистон гирд оварда шудаанд.
Нахуст ҳайати кормандони Вазорати нақлиёт бо нигораҳои осорхона ва санадҳои нодир шинос шуда, сипас аз Маркази илмӣ-таҳқиқотии Пешвои миллат боздид намуд. Дар марказ асарҳои Президенти мамлакат ва осори муҳаққиқону донишмандон, ки
корнамоиҳои Пешвои миллат муҳтарам Эмомалӣ Раҳмонро инъикос менамоянд, ҷамъоварӣ шудаанд.
Бояд тазаккур дод, ки бузургдошти таъриху фарҳанг ва арҷгузорӣ ба муқаддасоти миллӣ дар Вазорати нақлиёти Ҷумҳурии Тоҷикистон мавриди таваҷҷуҳи роҳбарият қарор дошта, ба ҳукми анъана даромадааст. Ба ин хотир бо иштироки кормандони соҳа пайваста тамошои мавзеъ ва иншооти таърихию фарҳангӣ ташкил карда мешавад.
АКС: Вазорати нақлиёти Ҷумҳурии Тоҷикистон
Дар Душанбе дар мавзуи Куруши Кабир ва Эъломияи умумии ҳуқуқи башар ҳамоиш доир гардид
Туҳфаи Президенти Тоҷикистон — «Шоҳнома»-и Абулқосим Фирдавсӣ ба ноҳияи Мастчоҳ расид
ҲИФЗИ МЕРОСИ МИЛЛӢ ДАР ТОҶИКИСТОН. Тавассути сиёсати хирадмандона имрӯз ҷаҳониён бо таъриху фарҳанги миллати мо шинос мешаванд
Донишкадаи давлатии санъати тасвирӣ ва дизайни Тоҷикистон бо «Россотрудничество» ҳамкориро густариш медиҳад
Дар Институти масъалаҳои об, гидроэнергетика ва экология озмоишгоҳи муштараки муҳити экологӣ ба истифода дода шуд
Фестивали байналмилалии «Сӯзании Панҷакент» баргузор мешавад
«Харитаи хатсайри Шӯриши Восеъ» таҳия мегардад
«ФАРҲАНГИ СУМАНАКПАЗӢ». Номинатсияи миллии Ҷумҳурии Тоҷикистон ба Феҳристи мероси фарҳанги ғайримоддии ЮНЕСКО ворид гардид
РӮЗИ БАЙНАЛМИЛАЛИИ РАССОМОН. Ин ҳунар дар Тоҷикистон беш аз ҳазор сол пеш ба вуҷуд омадааст
«ҲИФЗИ МЕРОС». Бо мақсади муаррифии сазовори таъриху фарҳанги миллати тоҷик маҷаллаи илмӣ ба нашр расид
РӮЗҲОИ ФАРҲАНГИ ЧИН ДАР ТОҶИКИСТОН. Дар Донишкадаи давлатии фарҳанг ва санъат барномаи фарҳангӣ доир шуд
«МАВЛОНО ВА ТАМАДДУНИ ИНСОНӢ». Ин китоби Президенти Ҷумҳурии Тоҷикистон дар озмуни байналмилалӣ сазовори ҷойи якум гардид
