Тоҷикдухтар дар олимпиадаи аврупоӣ байни намояндагони 55 давлат ҷойи сеюмро соҳиб гардид
ДУШАНБЕ, 20.04.2023. /АМИТ «Ховар»/. Хонандаи синфи 11-и Литсей барои хонандагони болаёқат дар шаҳри Душанбе Аниса Буриева дар Олимпиадаи 12-уми аврупоӣ аз фанни математика барои духтарон (European Girls’ Mathematical Olympiad) байни 55 давлати дунё Парчами давлатии Тоҷикистонро боло бардошта, соҳиби ҷойи сеюм гардид. Дар ин хусус ба АМИТ «Ховар» сардори Раёсати муассисаҳои томактабӣ ва миёнаи умумии Сарраёсати маорифи шаҳри Душанбе Асомиддин Бобозода хабар доданд.
Олимиадаи мазкур аз 13 то 18 апрел дар Ҷумҳурии Словения баргузор гардида, дар он 213 хонанда аз ИМА, Чин, Австралия, Олмон, Канада, Англия, Ҷопон, Исроил, Бразилия, Фаронса, Мексика, Швейтсария, Арабистони Саудӣ, Колумбия, Юнон ва дигар давлатҳои мутараққӣ иштирок доштанд.
Ҳамзамон хонандаи дигари ин муассиса Фараҳноз Нормуродзода сазовори ҷойи ифтихорӣ гардид.
Ба даст овардани ду ғалаба дар чунин Олимпиадаи байналмилалии эътирофшуда нишонаи рақобатпазир будани низоми маорифи Ҷумҳурии Тоҷикистон дар арсаи ҷаҳонӣ буда, ин дастоварди беназир натиҷаи тадбирҳои андешидаи Ҳукумати мамлакат, бахусус Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад.
АКС: Сарраёсати маорифи шаҳри Душанбе
Бахшида ба Рӯзи дониш дар Донишкадаи давлатии санъати тасвирӣ ва дизайни Тоҷикистон ҷамъомад доир шуд
«ДОНИШ ВА СУЛҲ». Дар муассисаҳои таълимии шаҳри Душанбе соли нави таҳсил оғоз гардид
Дар Суғд ба муносибати Рӯзи дониш ҳамоиш доир гардид
Дар Рӯзи дониш бо иштироки муовини Сарвазири Тоҷикистон ҳамоиши тантанавӣ баргузор гардид
Вакили Маҷлиси намояндагон бо хонандагони муассисаҳои таълимии шаҳри Ҳисор вохӯрӣ намуд
РӮЗИ ДОНИШ ВА ДАРСИ СУЛҲ. Он падидаи иҷтимоӣ-фарҳангӣ ва омили таҳкими рушди устувори маориф аст
«БА ХОНАНДАГОН АХЛОҚИ НЕК ВА ОДОБУ РАФТОРИ НАМУНАВӢ МЕОМӮЗОНЕМ!». Бардошт аз оғози соли нави таҳсил
Дар ҳамаи муассисаҳои таълимии Тоҷикистон занги аввал садо дод
ИЛМ ОМӮЗЕД, СОҲИБКАСБУ ЗАБОНДОН ШАВЕД! Иқтибосҳо аз суханрониҳои Президенти Тоҷикистон ба муносибати таҷлили Рӯзи дониш
«МАКТАБ САБАБИ ҲАЁТ БОШАД…». Имрӯз дар тамоми муассисаҳои таълимӣ соли нави таҳсили 2025-2026 оғоз гардид
Дар Тоҷикистон то соли 2027 фарогирии кӯдакон ба таҳсили томактабӣ ба 33 фоиз расонида мешавад
Бо мақсади таъмин намудани рушди минбаъдаи муассисаҳои таҳсилоти ибтидоӣ ва миёнаи касбӣ 300 миллион сомонӣ ҷудо карда мешавад
