«ДӮСТ ОЯД, ГАРМ ДАР ОҒӮШ ГИР!». Ҷавонони фаъоли меҳмонӣ қадрдонӣ карда шуданд

Май 1, 2023 18:36

ДУШАНБЕ, 01.05.2023. /АМИТ «Ховар»/. Ҷавонони минтақаҳои гуногуни ҷумҳурӣ, ки дар меҳмонии шаҳру ноҳияҳои Шаҳристон, Деваштич, Бӯстон, Гулистон ва Бобоҷон Ғафурови вилояти Суғд иштироки фаъолона доштанд, бо сипосномаи Кумитаи кор бо ҷавонон ва варзиши назди Ҳукумати Ҷумҳурии Тоҷикистон сарфароз гардонида шуданд, хабар доданд ба АМИТ «Ховар» дар Кумитаи мазкур.

Тавре қаблан иттилоъ додем, аз 26 то 30 апрел бо иштироки 100 ҷавони фаъоли минтақаҳои ҷумҳурӣ аз рӯи усули «Дар меҳмонии ҷавонони манотиқи гуногуни ҷумҳурӣ» таҳти унвони «Дӯст ояд, гарм дар оғӯш гир!» меҳмонӣ баргузор гардид.

Дар доираи меҳмонии ҷавонон дар шаҳру ноҳияҳои мазкур барномаҳои гуногун, аз ҷумла ҳамоишу фестивал, семинару барномаи консертии «Шоми ҷавонӣ» доир шуда, иштирокчиён аз мавзеъҳои таърихию сайёҳӣ ва корхонаҳои саноатии ин шаҳру ноҳияҳо дидан намуданд.

Аз ҷумла, 26 апрел ҷавонон ба ноҳияи Деваштиҷ сафар намуда, бо маконҳои ҷолиб ва ёдгориҳои таърихии ин минтақа шинос шуданд. Бо мақсади таҳкими дӯстӣ ва шиносоӣ бо расму оини меҳмоннавозии минтақаҳо иштирокчиён дар хонаҳои истиқоматии ҷавонони фаъолу оилаҳои намунавии ин ноҳия ҷойгир карда шуданд.

27 апрел меҳмонони манотиқи гуногуни ҷумҳурӣ ба шаҳри Бӯстон сафар намуда, ҳамчун рамзи эҳтиром ба гузаштаи пурифтихор дар пояи муҷассамаи Қаҳрамони Тоҷикистон устод Садриддин Айнӣ гулчанбар гузошта, инчунин бо дигар мавзеъҳои ҷолиби шаҳр шинос гаштанд. Сипас ҷавонон дар барномаи фарҳангии «Шоми ҷавонӣ» иштирок намуданд.

28 апрел зимни сафар ба шаҳри Гулистон ҷавонони ҷумҳурӣ дар Конференсияи ҷумҳуриявӣ таҳти унвони «Даҳсолаи байналмилалии амал «Об барои рушди устувор, 2018-2028» иштирок ва суханронӣ намуданд.

29 апрел ҷавонони фаъоли мамлакат дар ҳамоиши ҷумҳуриявии «Ҷавонон зидди тероризм ва экстремизм» дар Қасри фарҳанги ноҳияи Бобоҷон Ғафуров иштирок намуда, аз осорхонаи Қасри Арбоби ноҳия дидан карданд.

Баъди бозгашт ҷавонони фаъоли меҳмонӣ аз ҷониби Кумитаи кор бо ҷавонон ва варзиши назди Ҳукумати Ҷумҳурии Тоҷикистон  қадрдонӣ карда шуданд.

Ҳадафи асосии меҳмонӣ- васеъ намудани ҷаҳонбинии ҷавонон, шиносоӣ бо фарҳанги ниёгон, урфу одат ва меҳмоннавозии халқи тоҷик, маданияти шаҳрдорӣ, дӯстии ҷавонон, тарбия намудани ҷавонон дар руҳияи ватандӯстӣ, арҷгузорӣ ба арзишҳои миллӣ ва  таҳкими сулҳу субот дар мамлакат мебошад.

АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон

Май 1, 2023 18:36

Хабарҳои дигари ин бахш

Дар Коллеҷи технологии шаҳри Душанбе 5 синфхонаи иловагӣ ба истифода дода мешавад
Дар назди Коллеҷи тиббии ҷумҳуриявӣ бинои нави клиника ва дармонгоҳ бунёд мегардад
Соли равон 37 муассисаи таҳсилоти ибтидоии касбӣ таъмир ва навсозӣ мегардад
Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд