Дастаи Роштқалъа дар мусобиқаи вилоятии «Ватанпарвар» cоҳиби ҷойи аввал шуд
ХОРУҒ, 21.05.2023. /АМИТ «Ховар»/. Бо ибтикори Маркази таҳсилоти иловагии шаҳри Хоруғи Вилояти Мухтори Кӯҳистони Бадахшон дар ҳамкорӣ бо Бошгоҳи техникию варзишии вилоят дар қисми низомии Қӯшунҳои зудамали Вазорати мудофиаи Ҷумҳурии Тоҷикистон мусобиқаи ҳарбию варзишии “Ватанпарвар” баргузор гардид. Дар мусобиқа 6 даста аз муассисаҳои таълимии шаҳру ноҳияҳои вилоят иштирок намуд, иттилоъ медиҳад мухбири минтақавии АМИТ «Ховар» Файз Мирасан.
Ҳамасола дар моҳҳои марту апрел дар саросари мамлакат бо иштироки хонандагони синфҳои болоии муассисаҳои таълимӣ озмуни «Ватанпарвар» баргузор мегардад. Масъулияти баргузории ин озмунро марказҳои таҳсилоти иловагии шаҳру ноҳияҳо ва Бошгоҳи техникию варзишии вилоят бар дӯш доранд.
Сардори Маркази таҳсилоти иловагии вилоят Аҳмадшо Муаллибшоев зимни ифтитоҳи ин озмун иброз дошт, ки “мақсади асосии озмун- ин ба хизмати Ватан-Модар омода намудани наврасон мебошад. Ҳамаи шумо дар дар озмунҳои шаҳрию ноҳиявӣ ғолиб омадед ва ба озмуни вилоятӣ роҳхат гирифтед. Аз ин рӯ мо бо боварии комил гуфта метавонем, ки ҳамаи шумо ба хизмат дар сафи Қувваҳои Мусаллаҳи Ҷумҳурии Тоҷикистон омода мебошед. Акнун ба ҳунару маҳорат ва истеъдоди шумо имрӯз афсарони касбӣ баҳо мегузоранд ва ба яке аз дастаҳо роҳхат ба озмуни ҷумҳуриявӣ медиҳанд”.
Шарти аввали озмун сафороӣ ва гузашти низомӣ буд, ки дар ҳамаи қисмҳои низомӣ сарфи назар аз сохторашон ба он аҳамияти хос медиҳанд. Ҳамаи наваскарон маҳз бо сафароӣ хизмати худро оғоз мекунанд. Бинобар ин ҳар ҷавон, қабл аз ҳама, бо қадамзании бонизом, иҷрои амрҳои афсарон бояд аз наздик шинос бошад Тирпаронӣ, дорбозӣ, истифода аз ниқоби газӣ, таҳияи рӯзномаи “Ватанпарвар” ва ба қисмҳо ҷудо ва пайваст намудани силоҳи худкори Калашников аз шартҳои дигари ин мусобиқа буд.
Озмуни вилоятӣ аз омодагии комили дастаҳо шаҳодат дод ва ҳар яке аз ин дастаҳо кӯшиш намуд, ки аз худ ҳунари истеъдоди баланд нишон диҳад.
Ҳамин тавр, ғолибон дар шартҳои гуногун- тирпарронӣ, ҷудо ва пайваст намудани силоҳ, вазнбардорӣ, дорбозӣ муайян шуданд. Мақоми аввалро дастаи мунтахаби ноҳияи Роштқалъа ба даст овард. Ҷойи дуюм насиби дастаи ноҳияи Рӯшон шуда, ҷойи саввум насиби дастаи шаҳри Хоруғ гардид.
Ғолибон бо дипломи Раёсати маорифи вилоят, ифтихорномаҳои Маркази таҳсилоти иловагии вилоят ва мукофоти пулӣ сарфароз гардиданд.
АКС: АМИТ «Ховар»
Имрӯз дар Тоҷикистон ҳаво то 32 дараҷа гарм мешавад
Президенти Ҷумҳурии Тоҷикистон Эмомалӣ Раҳмон ба Кантслери федералии Ҷумҳурии Федеративии Олмон Фридрих Мерс барқияи табрикӣ ирсол намуданд
Иҷлосияи дуюми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мегардад
Дар Хатлон вобаста ба амалиёти пешгирикунандаи «Маданияти шаҳрдорӣ» ҷаласа баргузор гардид
Оид ба тайёр намудани мутахассисони касбӣ ва омӯзиши фанҳои дақиқ машварати илмӣ баргузор гардид
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ супорида шуд
Дар Норак бахшида ба Рӯзи ҷавонони Тоҷикистон бо сарбозон вохӯрӣ доир шуд
Маҳмадсолеҳ Қосимов: «Ҳар қадаре заминро оқилонаю самаранок истифода барем, ҳамон қадар баракаташро мебинем»
Вакили Маҷлиси намояндагон иштирокчиёни Ҷанги дуюми ҷаҳонро дар шаҳри Ҳисор аёдат намуд
Дар Хуҷанд байни духтарон мусобиқаи дӯстонаи футбол баргузор гардид
Дар Файзобод оид ба пешгирии қонунвайронкуниҳо дар самти истифодаи қувваи барқ вохӯрӣ доир гардид
Имрӯз дар Тоҷикистон ҳавои тағйирёбанда дар назар аст
