«ҲУҚУҚҲОИ МО, КӮДАКОН». Дар шаҳри Бохтар таҳти чунин унвон озмуни расми беҳтарин баргузор шуд

Май 4, 2023 14:55

ДУШАНБЕ, 04.05.2023 /АМИТ «Ховар»/.  2 май дар Раёсати маорифи вилояти Хатлон ғолибони озмуни шаҳрии расми беҳтарин таҳти унвони «Ҳуқуқҳои мо, кӯдакон» қадрдонӣ карда шуданд, ки ба Рӯзи байналмилалии ҳифзи кӯдакон (1 июн) бахшида шуда буд, хабар доданд ба АМИТ «Ховар» дар мақомоти Намояндагии Ваколатдор оид ба ҳуқуқи инсон дар вилояти Хатлон.

Озмуни «Расми беҳтарин» аз 24 апрел то 2 май бо ташаббуси мақомоти Намояндагии Ваколатдор оид ба ҳуқуқи инсон дар вилояти Хатлон дар ҳамкорӣ бо Раёсати маорифи Хатлон ва шуъбаи маорифи Мақомоти иҷроияи ҳокимияти давлатии шаҳри Бохтар ҷиҳати баланд бардоштани маърифатнокии хонандагон оид ба ҳуқуқу озодиҳои кӯдак ташкил карда шуд.

Дар он 58 хонандаи муассисаҳои таҳсилоти миёнаи умумии шаҳри Бохтар иштирок намуд. Ба кумитаи тадорукоти озмун расмҳои хонандагон пешниҳод ва ғолибони озмун муайян гардид.

Дар асоси хулосаи кумитаи тадорукот  ҷойи якумро хонандаи синфи 9-и Муассисаи таҳсилоти миёнаи умумии №9 Лутфия Раҳматуллоева, ҷойи дуюмро хонандаи синфи 9-и Муассисаи таҳсилоти миёнаи умумии №10 Шоҳсанам Абдурасулова ва ҷойи сеюмро хонандаи синфи 4-и Муассисаи таҳсилоти миёнаи умумии №8-и шаҳри Бохтар Раҳима Холалиева сазовор шуда, бо Сипоснома ва туҳфаи хотиравии мақомоти Намояндагии Ваколатдор оид ба ҳуқуқи инсон дар вилояти Хатлон қадрдонӣ шуданд.

«Имрӯз Ҳукумати мамлакат ва Президенти Ҷумҳурии Тоҷикистон муҳтарам Эмомалӣ Раҳмон дар ҳифзи ҳуқуқу озодиҳои кӯдакон сиёсатеро пеш гирифтаанд, ки  ба амалишавии тамоми ҳуқуқҳои кӯдакон мусоидат мекунад», — иброз дошт намояндаи Ваколатдор оид ба ҳуқуқи инсон дар вилояти Хатлон дар анҷоми ҳамоиш.

АКС: Намояндагии Ваколатдор оид ба ҳуқуқи инсон дар вилояти Хатлон

Май 4, 2023 14:55

Хабарҳои дигари ин бахш

Ҳунарҳои мардумӣ бо усули «хона ба хона» ва «маҳалла ба маҳалла» тарғиб карда шуданд
Дар ноҳияи Муъминобод 26 китобхона фаъолият менамояд
Имрӯз дар шаҳри Душанбе ҳаво то 36 дараҷа гарм мешавад
Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад