Муовини Сарвазири Ҷумҳурии Тоҷикистон Матлубахон Сатториён бо фаъолияти Донишгоҳи давлатии Хоруғ шинос шуд

ДУШАНБЕ, 24.06.2023. /АМИТ «Ховар»/. Дар доираи таҷлили Рӯзи  Ваҳдати миллӣ гурӯҳи корӣ таҳти роҳбарии муовини Сарвазири Ҷумҳурии Тоҷикистон Матлубахон Сатториён бо вазъи таълиму тарбия ва базаи моддӣ-техникии Донишгоҳи давлатии Хоруғ ба номи Моёншо Назаршоев шинос шуд. Дар ин хусус АМИТ «Ховар» бо истинод ба донишгоҳи мазкур хабар медиҳад.

Гурӯҳи корӣ бо вазъи фаъолияти устодон, тайёр намудани устодони соҳибунвон аз ҳисоби ҷавонон, корҳои тарбиявӣ, пойгоҳи моддию техникӣ ва рафти корҳои созандагию бунёдкорӣ дар донишгоҳ шинос гардид.

Ҳангоми шиносоӣ суҳбати озод бо устодон доир гардида, тазаккур дода шуд, ки баланд бардоштани сифати таълим, корҳои илмӣ ва тарбиявӣ, инчунин ободкорию созандагӣ аз вазифаҳои асосии ҳар фард ба ҳисоб меравад.

АКС: Донишгоҳи давлатии Хоруғ ба номи Моёншо Назаршоев