Ҳайати Тоҷикистон дар ҷаласаи солонаи Шӯрои Бонки Авросиёии рушд иштирок намуд
ДУШАНБЕ, 01.07.2023. /АМИТ «Ховар»/. 30 июн ҳайати Ҷумҳурии Тоҷикистон таҳти роҳбарии Вазири рушди иқтисод ва савдо, Мудири кишварии Бонки Авросиёии рушд Завқӣ Завқизода дар ҷаласаи солонаи Шӯрои Бонки Авросиёии рушд дар шаҳри Остонаи Ҷумҳурии Қазоқистон иштирок намуд. Дар ин хусус ба АМИТ «Ховар» дар Вазорати рушди иқтисоди ҷумҳурӣ хабар доданд.
Ҷаласаро Сарвазири Ҷумҳурии Қазоқистон Алихан Смаилов раисӣ намуда, дар он масъалаҳои ҳисоботи солонаи фаъолияти Бонки Авросиёии рушд, баҳогузориҳои аудити байналмилалӣ ва аудити дохилии Бонк, тақсимоти фоидаи ин ниҳод, диверсификатсияи сармояи оиномавии он ва дигар мавзуъҳо муҳокима гардида, вобаста ба онҳо қарорҳои дахлдор қабул карда шуданд.
Таъкид гардид, ки новобаста ба таъсири вазъи иқтисодию молиявии глобалию минтақавӣ бақияи ҷории сандуқи сармоягузории Бонки Авросиёии рушд 5 миллиард доллари ИМА ва фоидаи Бонк 30,7 миллион долларро ташкил дод.
Баргузории ҷаласаи навбатии Шӯрои Бонки Авросиёии рушд дар семоҳаи дуюми соли 2024 ба нақша гирифта шуд.
АКС: Вазорати рушди иқтисод ва савдои Ҷумҳурии Тоҷикистон
Тоҷикистон ва Эрон дар самти густариши ҳамкории саноатӣ ва тиҷоратӣ ба мувофиқа расиданд
Дар Душанбе тақвияти ҳамкории гумрукӣ байни Тоҷикистон ва Узбекистон баррасӣ гардид
Дар ҷаласаи гурӯҳи корӣ масъалаи пешгирии талафот ва истифодаи ғайриқонунии неруи барқ баррасӣ шуд
Ҷаласаи муштараки гурӯҳи корӣ ва муколамаи миллии сиёсӣ оид ба идоракунии захираҳои об баргузор гардид
Ҳаҷми гардиши савдо байни Тоҷикистон ва Эрон 483,9 миллион доллари амрикоиро ташкил дод
Тоҷикистон бо Бонки Осиёии Рушд дар самти рақамикунонии фаъолияти гумрукӣ ҳамкориро густариш медиҳад
Муовини Сарвазири Тоҷикистон бо корҳои созандагию ободонӣ дар ноҳияи Ёвон шинос гардид
Дар Душанбе ҷаласаи 13-уми Комиссияи байниҳукуматӣ оид ба ҳамкории тиҷоратӣ ва иқтисодии Тоҷикистону Узбекистон баргузор шуд
Байни Тоҷикистон ва Гурӯҳи Бонки ҷаҳонӣ барои бунёди хати интиқоли барқ дар Тоҷикистон Созишномаи молиявии грантӣ ба имзо расид
Вазири саноат, маъдан ва тиҷорати Ҷумҳурии Исломии Эрон ба Тоҷикистон ташриф овард
Дар Хатлон дар беш аз 64 ҳазор гектар тухмгузории малахи марокашӣ ба қайд гирифта шудааст
Ба иқтисоди Тоҷикистон соли 2025 қариб 7 миллиард доллар сармояи хориҷӣ ворид гардид
