«БОМИ ҶАҲОН». Дар Хоруғ Фестивали 16-уми байналмилалии мусиқӣ доир мешавад
ДУШАНБЕ, 18.07.2023. /АМИТ «Ховар»/. 22-23 июл дар Боғи марказии шаҳри Хоруғи Вилояти Мухтори Кӯҳистони Бадахшон Фестивали 16-уми байналмилалии фарҳангӣ ва сайёҳии «Боми ҷаҳон» баргузор мегардад. Дар ин хусус хабарнигори АМИТ «Ховар» бо истинод ба директори фестивал хабар медиҳад.
Дар фестивал зиёда аз 35 нафар ҳунармандони боистеъдод аз Тоҷикистон ва хориҷи мамлакат иштирок мекунанд.
Интизор меравад, ки давоми ду рӯз беш аз 4000 нафар тамошобинон фестивалро тамошо намоянд.
Директори фестивал баён дошт, ки ҳадаф аз ин намоиши зебои фарҳангии Тоҷикистон, Осиёи Марказӣ ва ҷаҳон тарғиби ҳамдигарфаҳмӣ, гуногунандешӣ ва таҳаммулпазирӣ тавассути баёни шаклҳои гуногуни санъат ва мероси фарҳангӣ мебошад. Он ҳамчунин ба тарғиби арзишҳои инсонию ҳамзистии осоишта дар минтақаи Осиёи Марказӣ ва рушди сайёҳӣ мусоидат менамояд.
Фестивал ба ҳифзи муҳити зист, гуногунии биологӣ ва баланд бардоштани сатҳи огоҳии мардум бо мақсади коҳиш додани таъсири гармшавии глобалӣ мусоидат мекунад. Дар доираи фестивал инчунин намоишгоҳҳои ҳунарӣ ва хӯрокҳои миллӣ пешкаши иштирокдорон мегарданд.
Дар доираи фестивал аз ҷониби мусиқидонони касбӣ барои донишҷӯён, ҳунармандон, дӯстдорони мусиқии маҳаллӣ ва хориҷӣ дарсҳои маҳорат (мастер-класс) гузаронида мешаванд.
Ёдовар мешавем, ки Фестивали 15-уми байналмилалии фарҳангӣ ва сайёҳии «Боми ҷаҳон» аз 19 то 21 августи соли 2022 дар Боғи марказии шаҳри Хоруғи Вилояти Мухтори Кӯҳистони Бадахшон доир гардида буд.
София ШОИК,
АМИТ «Ховар»
АКС аз манбаъҳои боз
«МАРДИ АРСАИ ҲУНАР». Таҳти чунин унвон оид ба фаъолияти Сафармуҳаммад Айюбӣ китоб ба нашр расид
Дар Китобхонаи миллии Тоҷикистон беш аз 2 ҳазор дастнависи нодир нигоҳдорӣ мешавад
Даври якуми Озмуни ҷумҳуриявии «Тоҷикистон-Ватани азизи ман» оғоз гардид
«ТОҶИКОНА МЕПӮШЕМ!». Занону духтарони Осорхонаи миллӣ аз пӯшидани либоси миллӣ ифтихор менамоянд
Ҷашни Наврӯз дар ноҳияи Мурғоб бо расму ойинҳои хос таҷлил карда шуд
Кормандони Осорхонаи миллии Тоҷикистон Наврӯзи байналмилалиро сарҷамъона таҷлил намуданд
Дар Палатаи ҳисоби Ҷумҳурии Тоҷикистон Ҷашни байналмилалии Наврӯз таҷлил гардид
Дар Донишгоҳи давлатии Хуҷанд даври якуми Озмуни ҷумҳуриявии «Шоҳномахонӣ» баргузор гардид
СОЛИ ОБОДОНИЮ СОЗАНДАГӢ. Дар ҳудуди ёдгориҳои таърихии Тоҷикистон беш аз 7 ҳазор бех ниҳол шинонида шуд
Дар Театри давлатии опера ва балети пойтахт намоиш-фурӯши китоб оғоз шуд
Дар Хатлон Фестивали ҷумҳуриявии «Ҳафтаи китоби кӯдакону наврасон» баргузор гардид
«ФУРӮҒИ МАЪРИФАТ». Дар Душанбе Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз шуд
