Тоҷикистон пешниҳод намуд, ки дар Душанбе маркази минтақавии дипломатияи нақлиётӣ таъсис дода шавад
ДУШАНБЕ, 11.07.2023. /АМИТ «Ховар»/. 12 июл дар шаҳри Ню-Йорки Иёлоти Муттаҳидаи Амрико дар доираи Форуми сиёсии Созмони Милали Муттаҳид оид ба рушди устувори сатҳи баланд (HLPF) ҳамоиши махсус доир мегардад, ки дар он ташаббуси Ҷумҳурии Тоҷикистон оид ба таъсиси маркази Минтақавии дипломатияи нақлиётӣ дар Душанбе (ICTD) пешниҳод ва баррасӣ карда мешавад. Дар ин хусус Вазири нақлиёти Ҷумҳурии Тоҷикистон Азим Иброҳим дар мулоқоти ғайрирасмии роҳбарони бахшҳои давлатӣ ва хусусии соҳаи нақлиёт, ки 6-7 июли соли равон дар шаҳри Тошканд баргузор гардид, иттилоъ дод.
Тавре АМИТ «Ховар» бо истинод ба Вазорати нақлиёти мамлакат иттилоъ медиҳад, роҳбарияти вазорат ба маълумоти иштирокчиёни мулоқоти мазкур расонид, ки 24 апрели соли равон дар пойтахти Тоҷикистон-шаҳри Душанбе байни Вазорати нақлиёти Ҷумҳурии Тоҷикистон, Маркази байналмилалии дипломатияи нақлиётӣ (ICTD) ва Донишгоҳи техникии Тоҷикистон ба номи академик М.С. Осимӣ Ёддошти тафоҳум ба имзо расид.
Таъкид гардид, ки таъсиси ин маркази минтақавӣ ба таҳия ва татбиқи нақшаҳо, чорабиниҳо, барномаҳо ва лоиҳаҳо ҷиҳати таъмини Ҳадафҳои рушди устувор дар соҳаи нақлиёт мусоидат хоҳад кард. Дар робита ба ин, иштирокчиёни вохӯрии ғайрирасмӣ дар Тошканд барои иштирок дар ин ҳамоиш даъват карда шуданд.
Тазаккур дода шуд, ки бо ташаббуси Вазорати нақлиёти Ҷумҳурии Тоҷикистон ва бо дастгирии кишварҳои Осиёи Марказӣ лоиҳаи Созишнома байни давлатҳои Осиёи Марказӣ оид ба алоқамандии ҳамлу нақли рӯизаминӣ таҳия ва мувофиқа гардида, имзои он дар доираи Мулоқоти панҷуми машваратии сарони давлатҳои Осиёи Марказӣ, 14 — 15 сентябри соли ҷорӣ дар Душанбе доир мегардад, ба нақша гирифта шудааст.
АКС: Вазорати нақлиёти Ҷумҳурии Тоҷикистон
Таҳкими ҳамкории дуҷониба дар бахшҳои саноат ва воридоти технологияҳои нав бо намояндагони BVMW баррасӣ гардид
Бонки Осиёии рушд омодагияшро барои ҷудо намудани 500 миллион доллар барои сохтмони неругоҳи «Роғун» тасдиқ намуд
Ҳамкории Тоҷикистон ва Бонки аврупоии таҷдид ва рушд дар соҳаи алоқа густариш меёбад
Таъсиси Маркази тиҷоратии Тоҷикистону Эрон ва Маркази фанноварӣ ва инноватсионии рақамӣ дар Душанбе баррасӣ шуд
Ҷаласаи нахустини ҳамоҳангсозии Ҷумҳурии Тоҷикистон ва Корея баргузор гардид
HUKUMAT.TJ. Тамоми сомонаҳои расмии мақомоти давлатии Тоҷикистон ба ин платформаи рақамӣ гузаронида мешаванд
Оё кишоварзони Тоҷикистон аҳолиро бо картошкаи ватанӣ пурра таъмин карда метавонанд?
Дар Шероз Протоколи ҷаласаи 17-уми Комиссияи муштараки Тоҷикистон ва Эрон ба имзо расид
Масъалаҳои ҷалби сармояи Британияи Кабир ба Тоҷикистон баррасӣ шуданд
Ҳамкорӣ дар самти рушди технологияҳои инноватсионӣ бо Дафтари Швейтсария оид ба рушд дар Тоҷикистон тақвият меёбад
Бо иштироки ҷавонони волонтёри гуногунихтисос ҳамоиши ҷавонон баргузор гардид
Ҳамкории гумрукӣ байни Тоҷикистон ва Эрон дар Шероз баррасӣ шуд
