Дар Лаҳистон бар асари хуруҷи «бемории легионерҳо» 14 нафар фавтид

Август 31, 2023 19:29

ДУШАНБЕ, 31.08.2023 /АМИТ «Ховар»/. Дар шаҳри Жешувеи ҷанубу шарқи Лаҳистон 14 нафар фавтида, зиёда аз 150 нафар аз сабаби хуруҷи сирояти бактериявӣ, ки бо номи «бемории легионерҳо» маъруф аст, ба беморхонаҳо интиқол ёфтанд. Тавре АМИТ «Ховар» иттилоъ медиҳад, дар ин хусус АБИ «Казинформ» бо истинод ба BBC хабар додаст.

Аз 105 намунаи обе, ки то ҳол барои санҷиш гирифта шудааст, дар 18 намунаи аввал бактерияҳои хатарнокро пайдо намуданд.

Тибқи иттилои намояндагони мақомоти тандурустӣ, бактерияе, ки ин бемориро ба вуҷуд меорад, дар 113 беморе, ки дар шаҳри Жешув ва атрофи он бистарӣ гардидаанд, пайдо шудааст. Ҳафт нафари аз 64 то 95-солаи фавтида дигар намуди беморӣ низ доштаанд.

«Бемории легионерҳо» (инчунин бо номи легионеллез, илтиҳоби шуши питтсбург ё зукоми қалъачаи Брэгг маъруф мебошад), гузаранда нест. Ин беморӣ илтиҳоби шушро ба вуҷуд оварда,  метавонад ба пневмонияи шадид оварда расонад.

Давраи инкубатсионии он аз ду то 10 рӯзро дар бар мегирад. Беморӣ аввал мисли зукоми одӣ намоён шуда, сипас беморон хастагии умумии бадан, таби баланд (то 39,5 дараҷа ё ҳатто баландтар), дарди сару  мушакҳо ва сулфаи хушкро эҳсос менамоянд.

Бо авҷ ёфтани беморӣ дарди қафаси сина, тангшавии нафас, дарди шикам, дарунравӣ, қайкунӣ ва таваҳҳум метавонанд пайдо шаванд.

 Азиза ИКРОМӢ,
АМИТ «Ховар»

АКС аз манбаъҳои боз

Август 31, 2023 19:29

Хабарҳои дигари ин бахш

Дмитрий Семёнов: «Синамоҷашнвораи байналмилалии «Тоҷи Сомон» фазои ҳамкории байналмилалӣ фароҳам овард»
Имрӯз дар шаҳри Душанбе ҳаво то 26 дараҷа гарм мешавад
Дар Донишгоҳи техникии Тоҷикистон бахшида ба Иди Меҳргон ҳамоиш баргузор карда шуд
Имрӯз дар ноҳияҳои кӯҳии Тоҷикистон ҳаво то 25 дараҷа гарм мешавад
Имконияти рушди хизматрасонии почта дар Тоҷикистон бо истифодаи нақлиёти барқӣ баррасӣ гардид
ZET-MOBILE рушди 5G-ро идома медиҳад: истгоҳҳои нави базавӣ ба истифода дода шуданд
Ҳайати Тоҷикистон дар Форуми сулҳи Фарғона дар Узбекистон иштирок намуд
Имрӯз дар водиҳои Тоҷикистон ҳаво то 29 дараҷа гарм мешавад
Меҳргон иди ҷамъбасти тобистону тирамоҳ ва оғози фасли зимистон аст
Маркази барномаҳои байналмилалӣ қабули ҳуҷҷатҳоро ба муассисаҳои олии Ҷумҳурии Маҷористон оғоз намуд
«МегаФон Тоҷикистон». Пешсафони дигаргуниҳо
Имрӯз дар водиҳои Тоҷикистон ҳаво то 29 дараҷа гарм мешавад