Дар вохӯрии Сарони давлатҳои Осиёи Марказӣ дар Душанбе маҷмуи масъалаҳои муҳими дурнамои ҳамкорӣ баррасӣ мегардад
ДУШАНБЕ, 30.08.2023 /АМИТ «Ховар»/. Дар вохӯрии панҷуми ҷашнии машваратии Сарони давлатҳои Осиёи Марказӣ, ки 15 сентябр дар Душанбе баргузор мегардад, маҷмуи масъалаҳои муҳими марбут ба дурнамои таҳкими ҳамкории судманди гуногунсоҳа байни давлатҳои Осиёи Марказӣ баррасӣ гардида, дар анҷоми нишаст санадҳои ҳамкорӣ ба имзо мерасанд. Дар ин хусус имрӯз дар брифинги матбуотӣ ба доираи васеи хабарнигорони дохилию хориҷӣ муовини Вазири корҳои хориҷии Ҷумҳурии Тоҷикистон Содиқ Имомӣ иттилоъ дод.
Мавсуф афзуд, ки дар ҳошияи ин ду чорабинии сатҳи баланд –вохӯрии панҷуми машваратии сарони давлатҳои Осиёи Марказӣ ва ҷаласаи навбатии Шурои сарони давлатҳои муассиси Фонди байналмилалии наҷоти Арал дар Душанбе бо иштироки ҳайатҳо ва намояндагони давлатҳои Осиёи Марказӣ чорабиниҳои гуногуни канорӣ, аз қабили Форуми иқтисодии давлатҳои Осиёи Марказӣ «Иқтисоди рақамӣ. Савдои рақамӣ ва инноватсия», Форуми дуюми ректорони давлатҳои Осиёи Марказӣ, ҷаласаи нахустини вазирони нақлиёти давлатҳои Осиёи Марказӣ, Муколамаи занони Осиёи Марказӣ- «Ноил шудан ба баробарии гендерӣ дар заминаи мутобиқшавӣ ба тағйирёбии иқлим дар Осиёи Марказӣ», Форуми олимони Осиёи Марказӣ, Форуми роҳбарони мақомоти ваколатдори кор бо ҷавонони Осиёи Марказӣ, Форуми волонтёрони Осиёи Марказӣ, Форуми ташкилоти ҷамъиятии кор бо ҷавонони Осиёи Марказӣ, Форуми соҳибкорони ҷавони Осиёи Марказӣ баргузор мегардад.
Инчунин дар доираи ин чорабиниҳо Намоиш- фестивали бозиҳои миллии варзишӣ ва дастовардҳои варзишгарон ва Намоишгоҳи «Таомҳои миллӣ» ташкил мешавад.
Таъкид гардид, ки Ҷумҳурии Тоҷикистон бо мақсади дар сатҳи баланд баргузор намудани вохӯрии панҷуми машваратии сарони давлатҳои Осиёи Марказӣ ва ҷаласаи навбатии Шурои сарони давлатҳои муассиси Фонди байналмилалии наҷоти Арал омодагии ҷиддӣ дида, Кумитаи тадорукот оид ба омодагӣ ва баргузории ин ду чорабинии муҳим таҳти роҳбарии Сарвазири мамлакат таъсис дода шудааст.
Гуфта шуд, ки ҷиҳати инъикоси ҷараёни баргузории вохӯрии панҷуми ҷашнии машваратии сарони давлатҳои Осиёи Марказӣ ва ҷаласаи навбатии Шурои сарони давлатҳои муассиси Фонди байналмилалии наҷоти Арал беш аз сад хабарнигор аз сӯи Департаменти иттилотии Вазорати корҳои хориҷии Тоҷикистон сабти ном гардидаанд.
Марзия САИДЗОДА,
АМИТ «Ховар»
АКС: АМИТ «Ховар»
Дурнамои ҳамкории Тоҷикистон ва Кувайт дар бахшҳои гуногун баррасӣ шуд
Тоҷикистон ва Амороти Муттаҳидаи Араб зарурати тавсеаи робитаҳои фарҳангиро таъкид намуданд
Дар Москва Рӯзи Парчами давлатии Ҷумҳурии Тоҷикистонро таҷлил намуданд
Дар Душанбе тавсеаи минбаъдаи муносибатҳои гуногунҷанбаи Тоҷикистон ва Амрико баррасӣ гардид
Ташкили даврҳои омӯзишӣ барои дипломатҳои ҷавони тоҷик дар Арабистони Саудӣ баррасӣ шуд
Дар Душанбе машваратҳои сиёсӣ байни Тоҷикистон ва Олмон доир шуд
Дар Риёз машваратҳои сиёсӣ байни вазоратҳои корҳои хориҷии Ҷумҳурии Тоҷикистон ва Арабистони Саудӣ баргузор шуданд
Сафири Тоҷикистон бо Вазири иқтисоди Амороти Муттаҳидаи Араб мулоқот намуд
Ташаббусҳои байналмилалии Тоҷикистон дар мавзуи обу иқлим баланд арзёбӣ гардиданд
Дар Душанбе конфронси байналмилалӣ оид ба мубориза бо терроризм доир шуд
Дар Душанбе машваратҳои сиёсии Тоҷикистон ва Туркманистон баргузор шуданд
Сафири Тоҷикистон бо Раиси Палатаи савдо ва саноати Абузабӣ мулоқот намуд
