«ОМӮЗГОРИ СОҲИБКАСБ — МИЛЛАТИ БОСАВОД». Намояндагони Тоҷикистон дар Симпозиуми Осиёи Марказӣ оид ба масъалаҳои маориф иштирок доранд

Сентябрь 21, 2023 16:07

ДУШАНБЕ, 21.09.2023. /АМИТ «Ховар»/. «Омӯзгори соҳибкасб — миллати босавод» — таҳти чунин унвон дар шаҳри Тошканди Ҷумҳурии Узбекистон Симпозиуми Осиёи Марказӣ оид ба масъалаҳои маориф идома дорад, ки дар он намояндагони соҳаи маорифи Ҷумҳурии Тоҷикистон низ иштирок доранд. Дар ин хусус ба АМИТ «Ховар» дар маркази матбуоти Вазорати маориф ва илми Ҷумҳурии Тоҷикистон хабар доданд.

Ҳамоиши мазкур бо иштироки намояндагони маорифи ҷумҳуриҳои Тоҷикистон, Узбекистон, Қазоқистон ва Қирғизистон баргузор гардида, дар он масъалаҳои табодули таҷриба, истифодаи усулҳои муосири таълим, коркарди усулҳои самарабахши омӯзиш ва баланд бардоштани мавқеи омӯзгор дар ҷомеа, таваҷҷуҳ ба касби омӯзгорӣ ва чанде дигар мавриди омӯзишу баррасии иштирокчиён қарор дода мешавад.

Тазаккур дода шуд, ки давоми солҳои охир низоми маорифи миллӣ ташаккул ёфта, тайи беш аз се даҳсола дар раванди рушди ҳамаҷониба ва босуботи ҷомеа нақши арзишманд мебозад. Натиҷаи талошҳое аст, ки иштироки хонандагони муассисаҳои таҳсилоти миёнаи умумӣ дар озмунҳои ҷумҳуриявию байналмилалӣ рӯ ба афзоиш дорад.

Гуфта шуд, ки соли равон дар олимпиадаҳои байналмилалӣ ва фосилавӣ қариб 5000 нафар хонандагони мактабҳои Тоҷикистон иштирок намуда, сазовори 124 медал, аз ҷумла 13 медали тилло, 21 нуқра ва 90 медали биринҷӣ гардидаанд.

АКС: Вазорати маориф ва илми Ҷумҳурии Тоҷикистон

Сентябрь 21, 2023 16:07

Хабарҳои дигари ин бахш

Бо мақсади таъмин намудани рушди минбаъдаи муассисаҳои таҳсилоти ибтидоӣ ва миёнаи касбӣ 300 миллион сомонӣ ҷудо карда мешавад
Академияи сайёҳии Донишгоҳи байналмилалии сайёҳӣ ва соҳибкории Тоҷикистон таъсис дода мешавад
Дастаи Донишгоҳи техникии Тоҷикистон дар Чемпионати ҷаҳонии касбӣ сазовори ҷойи якум гардид
Зиёда аз 36 ҳазор хонандагони синфҳои ибтидоии Тоҷикистон бо хӯроки гарм таъмин мегарданд
Дар Тоҷикистон Барномаи давлатии омода намудани кадрҳои омӯзгорӣ таҳия карда мешавад
Омӯзгорону хонандагони шаҳри Роғун суханронии Президенти Тоҷикистонро ба муносибати Рӯзи дониш якҷоя тамошо намуданд
Эмомалӣ Раҳмон: «Дар 34 соли соҳибистиқлолӣ ба соҳаи маориф 73,6 миллиард сомонӣ маблағгузорӣ гардидааст»
ДОНИШ — ПОЯИ МУҲИМТАРИНИ РУШДИ ДАВЛАТ ВА МИЛЛАТ. Эҳдо ба Рӯзи дониш
Дар назди 20 муассисаи таълимӣ биноҳои иловагӣ бо озмоишгоҳҳои замонавӣ сохта мешаванд
Доир ба амалисозии барномаҳои давлатии марбут ба таҳсилоти томактабӣ ҷаласаи корӣ баргузор гардид
Дар Донишгоҳи техникии Тоҷикистон Чемпионати ҷаҳонии касбӣ баргузор гардид
Дар Душанбе Озмуни ҷумҳуриявии «Барномасози ҷавон» баргузор шуд