Парки технологии Донишгоҳи давлатии омӯзгории Тоҷикистон ба истеҳсоли минбарҳои таълимӣ шуруъ намуд

 ДУШАНБЕ, 10.10.2023. /АМИТ «Ховар»/. Парки технологии Донишгоҳи давлатии омӯзгории Тоҷикистон ба номи Садриддин Айнӣ ба истеҳсоли минбарҳои таълимӣ шуруъ намуд. Дар ин хусус ба АМИТ «Ховар» дар донишгоҳи мазкур хабар доданд.

Дар айни ҳол 100 минбари таълимӣ омода гардида, бо дастури ректори донишгоҳ дар навбати аввал ба факултетҳо дастрас мешаванд.

Ёдовар мешавем, ки дар Парки технологии Донишгоҳи давлатии омӯзгории Тоҷикистон ба номи Садриддин Айнӣ истеҳсоли мизу курсиҳои замонавӣ низ ба роҳ монда шудааст.

Имрӯз самти фаъолияти парки технологии донишгоҳ ба беҳтар гардонидани кори таълиму тарбия дар донишгоҳ нигаронида шуда, тибқи он корҳои хоҷагии дохилии донишгоҳ пеш бурда мешаванд.

Парки технологии донишгоҳ, ки аз соли 2015 инҷониб фаъолияти чашмрас надошт, ҳоло ба таври назаррас амал менамояд.

АКС: Донишгоҳи давлатии омӯзгории Тоҷикистон ба номи Садриддин Айнӣ