Дар Донишгоҳи давлатии Кӯлоб масъалаҳои муҳими илми риёзӣ ва усулҳои таҳқиқи он баррасӣ шуданд
ДУШАНБЕ, 07.11.2023. /АМИТ «Ховар»/. Дар Донишгоҳи давлатии Кӯлоб ба номи Абуабдуллоҳи Рӯдакӣ бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» (2020-2040) дар мавзуи «Масъалаҳои актуалии илми риёзӣ ва усулҳои таҳқиқи он» конфронси ҷумҳуриявии илмӣ-назариявӣ баргузор гардид. Дар ин хусус мухбири минтақавии АМИТ «Ховар» Сулаймон Холзода хабар медиҳад.
Пеш аз оғози конфронс асарҳои Пешвои миллат ва дастовардҳои омӯзгорону донишҷӯёни донишгоҳ ба намоиш гузошта шуд.
Дар конференсия ректори донишгоҳ Дилшод Раҳмон гуфт, ки «ҳукумат барои таъмин намудани пешрафти соҳаҳои илму маориф ҳамчун самти афзалиятноки сиёсати иҷтимоӣ аз тамоми имконият истифода бурда, ба рушди илмҳои техникиву табиатшиносӣ аҳамияти аввалиндараҷа медиҳад. Доир ба баланд бардоштани сатҳу сифати таълим, ҷорӣ намудан ва васеъ гардонидани доираи истифодаи технологияҳои иттилоотиву коммуникатсионӣ, аз ҷумла шабакаи интернет дар низоми таҳсил, таъмини самаранокии фаъолияти омӯзгорон ва такмили малакаи педагогии онҳо тамоми чораҳои зарурӣ амалӣ гардонида мешаванд.
Ин аст, ки барои омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф Озмуни ҷумҳуриявии «Илм-фурӯғи маърифат» дар ҷумҳурӣ гузаронида мешавад. Ин иқдом ба рушди тафаккури техникӣ ва тавсеяи ҷаҳонбинии илмии ҷомеа такони ҷиддӣ мебахшад.
Дар конфронс дар мавзуъҳои «Баъзе масъалаҳои иттилоотонии раванди таълими математика», «Инкишофи тафаккури мантиқии хонандагон ҳангоми ҳалли масъалаҳои инкишофдиҳанда», «Методи сабукгардонии меҳнати омӯзгорони фанни информатика дар раванди гузаронидани корҳои санҷишӣ оид ба ҷадвалҳои электронӣ» аз ҷониби омӯзгорони донишгоҳҳои мамлакат маърузаҳо ироа гардиданд.
Кори конфронс дар се бахш: «Масъалаҳои мубрами риёзӣ ва роҳҳои ҳалли онҳо», «Истифодаи технологияҳои иттилоотӣ дар инкишофи илми риёзӣ» ва «Таърих ва методикаи таълими фанҳои дақиқ ва табиатшиносӣ» гузаронида шуд.
Маҷмуаи мақолаҳои илмии конфронс зиёда аз 55 мақолаи олимону муҳаққиқонро бобати бахшҳои гуногуни омӯзиши фанҳои табиӣ, дақиқ ва риёзӣ дар бар мегирад.
АКС: Донишгоҳи давлатии Кӯлоб ба номи Абуабдуллоҳи Рӯдакӣ
Дар Донишгоҳи давлатии Хуҷанд озмуни «Беҳтарин эҷодкори достонҳои «Шоҳнома»» ҷамъбаст гардид
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
Байни Институти илмию таҳқиқотии сайёҳӣ ва соҳибкорӣ ва Донишкадаи соҳибкорӣ ва педагогии Деҳнави Узбекистон санади ҳамкорӣ ба имзо расид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат мекунанд?
Густариши ҳамкории Тоҷикистон ва Узбекистон дар соҳаи маориф ва илм баррасӣ гардид
Ректорони муассисаҳои таҳсилотии Узбекистон бо зарфияти таълимӣ ва илмии Донишгоҳи байналмилалии сайёҳӣ ва соҳибкории Тоҷикистон шинос шуданд
