Дар Донишгоҳи давлатии ҳуқуқ, бизнес ва сиёсати Тоҷикистон ба шарафи Рӯзи Парчами давлатӣ роҳпаймоӣ ва ҷаласаи тантанавӣ доир гардид
ДУШАНБЕ, 24.11.2023 /АМИТ «Ховар»/. 23 ноябр дар Донишгоҳи давлатии ҳуқуқ, бизнес ва сиёсати Тоҷикистон ба истиқболи Рӯзи Парчами давлатии Ҷумҳурии Тоҷикистон ройпаймоии осоишта доир гардид. Дар ин хусус АМИТ «Ховар» бо истинод ба шуъбаи таҳлил ва робита бо ҷомеаи донишгоҳ хабар медиҳад.
Устодон, кормандон ва донишҷӯёни донишгоҳ сарҷамъ гардида, дар даст парчамҳои миллӣ то бинои асосии донишгоҳ роҳпаймоӣ намуданд.
Ҳадаф аз баргузории роҳпаймоӣ — эҳтирому арҷгузорӣ ба муқаддасоти Тоҷикистон, хосатан Парчами давлатӣ арзёбӣ гардид.
Пас аз роҳпаймоӣ ба истиқболи ин рӯзи фархунда маҷлиси тантанавӣ доир шуд. Маҷлиси тантанавӣ бо даровардани Парчами давлатӣ ба маҷлисгоҳ ва садо додани Суруди миллӣ оғоз гардид.
Ректори донишгоҳ Муъмин Шарифзода иштирокчиёнро ба муносибати Рӯзи Парчами давлатии Ҷумҳурии Тоҷикистон табрик намуда, иброз дошт, ки «парчам рамзи озодӣ, шукуфоӣ, ояндаи дурахшон ва мояи ифтихори ҳар халқи соҳибдавлат буда, ҳар фарди бонангу номусро ба ифтихор аз давлату давлатдорӣ, ҳифзи дастовардҳои соҳибистиқлолӣ ва ваҳдату ягонагӣ ба хотири ободии сарзамини аҷдодӣ ҳидоят менамояд».
Таҷлили ин рӯзи фархунда дар замири одамон эҳсоси ватандӯстиро афзун намуда, рамзи арҷгузорӣ ба арзишҳои ахлоқию маънавии мамлакат ба ҳисоб меравад.
Маҳз бо шарофати Парчами давлатӣ имрӯз номи давлати тоҷикон вирди забони ҷомеаи ҷаҳонӣ буда, дар қатори парчами давлатҳои соҳибихтиёри дунё, дар саҳни бинои Созмони Милали Муттаҳид парафшон гардида, аз ҳастӣ, шаъну шараф ва обрӯю эътибори давлати Тоҷикистон, миллати саодатманди тоҷик шаҳодат медиҳад.
Тазаккур дода шуд, ки шинохти муқаддасоти миллӣ чун Парчами давлатӣ ҳар фарди ҷомеаро ба сӯи муттаҳидӣ, ифтихор аз давлату давлатдорӣ, таҳкими истиқлолияти миллӣ роҳнамоӣ намуда, садоқати ҳар шаҳрвандро ба ин марзу бум меафзояд ва ба амалҳои нек ҳидоят менамояд.
Дар идомаи маҷлиси тантанавӣ як зумра ғолибони озмунҳои ҷумҳуриявӣ ва мусобиқаҳои варзишӣ бо Диплому Ифтихорнома ва Сипосномаву маблағҳои пулии раёсати донишгоҳ қадршиносӣ гардиданд.
Дар фарҷом барномаи рангини адабию фарҳангӣ, ки аз шеъру сурудҳои ватандӯстона иборат буд, манзур гардид.
АКС: Шуъбаи таҳлил ва робита бо ҷомеаи Донишгоҳи давлатии ҳуқуқ, бизнес ва сиёсати Тоҷикистон
Бахшида ба Рӯзи омӯзгорон 377 нафар собиқадорону кормандони маорифи ноҳияи Сино қадрдонӣ шуданд
Саида Ғаффорова: «Таваҷҷуҳи Ҳукумати Тоҷикистон ва дастгирии Сарвари давлат мо, омӯзгоронро рӯҳбаланд ва ба касбамон дилгарм месозад»
ДАР РАҲИ МАЪНӢ РАФИҚЕ БЕҲТАР АЗ УСТОД НЕСТ. Эҳдо ба Рӯзи омӯзгорон
«ПЕШАИ ОМӮЗГОРӢ МУҚАДДАСТАРИН КАСБИ РӮИ ОЛАМ АСТ». Иқтибос аз суханронии Президенти Тоҷикистон муҳтарам Эмомалӣ Раҳмон
Дар Маркази кӯдакон ва наврасони шаҳри Душанбе бахшида ба Рӯзи омӯзгорон ҳамоиши идона доир шуд
Дар Донишгоҳи байналмилалии сайёҳӣ ва соҳибкории Тоҷикистон Рӯзи забони давлатӣ ва Рӯзи омӯзгорон таҷлил гардид
Дар Донишгоҳи миллии Тоҷикистон бахшида ба Рӯзи забони давлатӣ ҳамоиши илмӣ-назариявӣ доир шуд
Бо иқдоми Раиси шаҳри Душанбе ба 142 нафар мураббиён ва омӯзгорони пойтахт мукофоти пулӣ дар ҳаҷми 3000 сомонӣ дода шуд
Бахшида ба Рӯзи забони давлатӣ ва Рӯзи омӯзгорон дар Донишгоҳи техникии Тоҷикистон ҳамоиши тантанавӣ доир шуд
ЗАБОН- НИШОНАИ МИЛЛАТ. Дар Донишгоҳи давлатии Бохтар бахшида ба Рӯзи забони давлатӣ конференсия доир шуд
5 октябр дар шаҳри Душанбе бахшида ба Рӯзи омӯзгорон ҳамоиши тантанавӣ баргузор мегардад
Дар Донишгоҳи технологӣ вобаста ба омӯзиши забонҳои хориҷӣ дар партави паёмҳои Президенти Тоҷикистон ҷаласаи васеи омӯзгорон доир шуд
