КИШТИ ТИРАМОҲӢ. Дар Тоҷикистон дар 102 919 гектар кишти тирамоҳӣ ва зироати барвақтӣ гузаронида шуд
ДУШАНБЕ, 21.11.2023 /АМИТ «Ховар»/. То 17 ноябр дар Тоҷикистон кишоварзон 147 601 гектарро шудгор намуда, дар майдони 102 919 гектар кишти тирамоҳӣ ва зироати барвақтӣ гузарониданд, хабар медиҳад АМИТ «Ховар» бо истинод ба Раёсати растанипарварии Вазорати кишоварзии Тоҷикистон.
Дар Вилояти Мухтори Кӯҳистони Бадахшон дар 203 гектар, вилоятҳои Суғд- 36895 гектар, Хатлон- 50362 гектар ва шаҳру ноҳияҳои тобеи ҷумҳурӣ дар 15458,8 гектар кишти тирамоҳӣ гузаронида шудааст.
Тавре иттилоъ дода шуд, ҳамасола дар ҷумҳурӣ дар майдони зиёда аз 230 ҳазор гектар, аз он 112 ҳазор гектар дар заминҳои обӣ кишти ғаллаи тирамоҳӣ гузаронида шуда, ба ҳисоби миёна ҳосилнокӣ 35,8 сентнерро ташкил медиҳад. Танҳо аз ҳисоби кишти тирамоҳӣ дар ҷумҳурӣ ҳамасола беш аз 826 ҳазор тонна, аз он дар заминҳои обӣ 464 ҳазор тонна ҳосили ғалладона рӯёнида мешавад.
Бояд гуфт, ки коркарди хок дар асоси талаботи агротехникӣ ба 30 дарсади афзоиш ёфтани зироати ғалладонагӣ мусоидат менамояд. Ин дар ҳолате амалӣ мешавад, ки техникаҳои кишоварзӣ тибқи таъйиноти пешбинигардида истифода шаванд.
Имсол бори аввал дар кишти тирамоҳии ғалладонагӣ истифодаи ҳамворкунаки лазерӣ ҳамчун технологияи муосир амалӣ гардид, ки он имконият медиҳад сабзиши минбаъдаи тухмӣ пурра таъмин ва хароҷоти сӯзишворӣ кам, ҳолати мелиоративии замин беҳтар ва корҳои минбаъдаи агротехникии ғаллазор осон гардад.
АКС: АМИТ «Ховар»
ДАР ТОҶИКИСТОН БО КАДОМ РОҲ ЗАМИНҲОИ КОРАМРО ЗИЁД МЕГАРДОНАНД? Мутахассисони соҳа ин мавзуъро шарҳ медиҳанд
ЛОИҲАИ ҲАРАКАТИ OVOP. Он метавонад дар Тоҷикистон ба таъсиси ҷойи кор дар деҳоти дурдаст мусоидат намояд
Дар Тоҷикистон 61 фоизи заминҳо ба системаи биллингӣ ворид карда шудаанд
Тақвияти муносибатҳои тиҷоратии Тоҷикистон ва Покистон баррасӣ гардид
Дар Тоҷикистон ҳаҷми маблағи хизматрасонӣ барои нафақагирон сол то сол меафзояд
Дар Панҷакент вобаста ба истифодаи босамари замин ҷаласа баргузор шуд
Дар Душанбе ҳамкории Тоҷикистон ва Шоҳигарии Арабистони Саудӣ дар самти содирот баррасӣ шуд
Имконоти сайёҳии Тоҷикистон дар ҳамоиши байналмилалӣ дар Эрон муаррифӣ шуданд
Дар Душанбе масъалаи густариши ҳамкории иқтисодӣ ва тиҷоратӣ байни Тоҷикистон ва Эфиопия баррасӣ шуд
Гурӯҳи кории Ҳукумати Тоҷикистон бо вазъи соҳаи кишоварзӣ дар ноҳияи Деваштич шинос гардид
«КИШВАРИ САБЗ». Дар ин парваришгоҳ зиёда аз 100 намуди гулу буттаҳои нодир ва 40 намуди ниҳоли дарахтони ороишӣ парвариш мешавад
Ширкати «Carpi» дар бунёди неругоҳҳои барқи обӣ дар дарёи Зарафшон иштирок менамояд
