«КОНСТИТУТСИЯ-БАХТНОМАИ МИЛЛАТ». Дар муассисаҳои таълимии ноҳияи Тоҷикобод бахшида ба қабули ин ҳуҷҷати тақдирсоз озмун гузаронида шуд

Ноябрь 2, 2023 16:55

ТОҶИКОБОД, 02.11.2023 /АМИТ «Ховар»/.  Озмуни ноҳиявие, ки ба ифтихори Рӯзи Конститутсияи Ҷумҳурии Тоҷикистон ҷиҳати баланд бардоштани савияи дониши ҳуқуқии  хонандагон ва ҷалби онҳо ба китобхонӣ дар муассисаҳои таълимии ноҳияи Тоҷикобод  таҳти унвони «Конститутсия-бахтномаи миллат» доир гардид, ҷамъбаст шуд. Дар натиҷа аз ҳамаи муассисаҳои таълимии ноҳия  шаш нафар ғолиб дониста шуда, дар ҳамоиши тантанавӣ бо туҳфаҳои хотиравӣ ва ифтихорномаҳои раиси ноҳия қадрдонӣ гардиданд. Дар ин хусус ба хабарнигори минтақавии АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии ноҳияи Тоҷикобод иттилоъ  доданд. 

Иброз гардид, ки мардуми Тоҷикистони соҳибистиқлол баробари қабули аввалин Конститутсияи худ озодӣ ва ҳуқуқи инсонро муқаддас шуморида, бунёди ҷомеаи адолатпарварро вазифаи худ эълон ва унсурҳои асосии ҷомеаи шаҳрвандиро муайян намуданд. Нақши таърихии Конститутсия, пеш аз ҳама, дар он аст, ки аз солҳои аввали истиқлолият мардуми Тоҷикистон ҳамчун баёнгари соҳибихтиёрӣ ва сарчашмаи ягонаи ҳокимияти давлатӣ сарнавишти худро маҳз тибқи муқаррароти ҳамин ҳуҷҷати тақдирсоз муайян намуда, самтҳои тараққиёти ҳамаи соҳаҳои зиндагиашро мушаххас гардонид.

Тавре ба ҳамагон маълум аст, Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Конститутсияи Ҷумҳурии Тоҷикистонро аз ҷумлаи дастовардҳои бузурги мардуми Тоҷикистон, заминаи ҳуқуқии бунёди давлати соҳибистиқлоли тоҷикон, шакли ифодаи ҳуқуқии ормонҳои давлатдории миллӣ, ҳимояи ҳадафҳо ва манфиатҳои миллӣ, осори таърихӣ ва фарҳанги миллӣ ҳисобидаанд.

Дар ноҳияи Тоҷикобод аз тарафи  гурӯҳҳои кории таблиғотӣ дар ҷамоатҳои деҳот ҷиҳати баланд бардоштани маърифати ҳуқуқии шаҳрвандон,  пешгирии нагаравидани ҷавонон ба гурӯҳҳои ҷиноятию террористӣ  ва дуруст истифода бурдани телефонҳои мобилӣ  пайваста вохӯриҳои судманд гузаронида мешаванд.

АКС: Мақомоти иҷроияи ҳокимияти давлатии ноҳияи Тоҷикобод

Ноябрь 2, 2023 16:55

Хабарҳои дигари ин бахш

Бо мақсади таъмин намудани рушди минбаъдаи муассисаҳои таҳсилоти ибтидоӣ ва миёнаи касбӣ 300 миллион сомонӣ ҷудо карда мешавад
Академияи сайёҳии Донишгоҳи байналмилалии сайёҳӣ ва соҳибкории Тоҷикистон таъсис дода мешавад
Дастаи Донишгоҳи техникии Тоҷикистон дар Чемпионати ҷаҳонии касбӣ сазовори ҷойи якум гардид
Зиёда аз 36 ҳазор хонандагони синфҳои ибтидоии Тоҷикистон бо хӯроки гарм таъмин мегарданд
Дар Тоҷикистон Барномаи давлатии омода намудани кадрҳои омӯзгорӣ таҳия карда мешавад
Омӯзгорону хонандагони шаҳри Роғун суханронии Президенти Тоҷикистонро ба муносибати Рӯзи дониш якҷоя тамошо намуданд
Эмомалӣ Раҳмон: «Дар 34 соли соҳибистиқлолӣ ба соҳаи маориф 73,6 миллиард сомонӣ маблағгузорӣ гардидааст»
ДОНИШ — ПОЯИ МУҲИМТАРИНИ РУШДИ ДАВЛАТ ВА МИЛЛАТ. Эҳдо ба Рӯзи дониш
Дар назди 20 муассисаи таълимӣ биноҳои иловагӣ бо озмоишгоҳҳои замонавӣ сохта мешаванд
Доир ба амалисозии барномаҳои давлатии марбут ба таҳсилоти томактабӣ ҷаласаи корӣ баргузор гардид
Дар Донишгоҳи техникии Тоҷикистон Чемпионати ҷаҳонии касбӣ баргузор гардид
Дар Душанбе Озмуни ҷумҳуриявии «Барномасози ҷавон» баргузор шуд