Ёдгории таърихию фарҳангии Қалъаи Ҳисор дили меҳмонони чиниро тасхир намуд
ДУШАНБЕ, 09.12.2023 /АМИТ «Ховар»/. Ҳайати намояндагони мақомоти авиатсияи граждании Ҷумҳурии Мардумии Чин дар доираи сафар ба Тоҷикистон бо Мамнуъгоҳи таърихию фарҳангии шаҳри Ҳисор шинос шуданд. Аз Корхонаи воҳиди давлатии «Тоҷикаэронавигатсия»-и Агентии авиатсияи граждании назди Ҳукумати Ҷумҳурии Тоҷикистон ба АМИТ «Ховар» иттилоъ доданд, ки тамошои мамнуъгоҳ, бахусус Арк, Аскархона, Амфитеатр, Қасри Ҳоким, дӯконҳои ҳунармандӣ ва растаҳои фурӯши армуғонҳо барои меҳмонон хеле диққатҷалбкунанда буд.
Роҳбалади Мамнуъгоҳи таърихию фарҳангии шаҳри Ҳисор ба меҳмонон оид ба таърихи сеҳазорсолаи Ҳисори шодмон маълумот пешниҳод намуд. Назди ҳар як раста, ки аз асри куҳан, диловарию шуҷоат ва ҳунармандии миллати тоҷик шаҳодат медиҳад, меҳмонони чинӣ акс бардошта, аз ҳунари дастии заргарону гулдӯзон ва кандакорон ба ваҷд омаданд.
Мамнуъгоҳи таърихӣ-фарҳангии Ҳисор яке аз намунаҳои қадимаи санъати меъмории халқи тоҷик буда, дорои ёдгориҳои таърихии Қалъаи Ҳисор, Мадрасаи Кӯҳна, Мадрасаи Нав, Мақбараи Кӯҳна, Дарвозаи Арк, Масҷиди Сангин, Мақбараи Махдуми Аъзам, Корвонсарои Хиштин, Мадрасаи Чашмаи Моҳиён, Масҷиди Одина ва Осорхонаи таърихӣ-кишваршиносии Ҳисор мебошад.
Дар замони соҳибистиқлолӣ бо ибтикор ва талошҳои Роҳбари давлат муҳтарам Эмомалӣ Раҳмон ба таърих, маданият, фарҳанг ва ёдгориҳои таърихии халқу мамлакат таваҷҷуҳи махсус зоҳир гардида, дастовардҳои мардумамон дар қарнҳои гузашта дар шакли китобу муҷассама ва ҳунарҳои дастӣ имрӯз ба насли нав пешкаш гардидааст. Ба феҳристи ёдгориҳои ЮНЕСКО дохил шудани Қалъаи Ҳисор ҳамчун маркази таърихӣ нишоне аз қадршиносии Пешвои миллат мебошад.
Бояд тазаккур дод, ки ҳайати намояндагони мақомоти авиатсионии Чин ҷиҳати иштирок дар нишасти 4-уми техникии КВД «Тоҷикаэронавигатсия» ва Бюрои ташкили ҳаракати ҳавоии Маъмурияти авиатсияи граждании Ҷумҳурии Мардумии Чин оид ба ифтитоҳи долони нави ҳавоӣ ва ҳамоҳангсозии Созишномаи ҳамкорӣ байни марказҳои ноҳиявии Душанбе ва Урумчӣ ба Ҷумҳурии Тоҷикистон омада буд.
АКС: КВД «Тоҷикаэронавигатсия»
Дар Душанбе бахшида ба Рӯзи байналмилалии ҳифзи ёдгориҳои таърихию фарҳангӣ ҳамоиш баргузор гардид
«ЯК МАТОВУ САД РАНГ». Дар Кӯлоб даври шаҳрии фестивал-озмун баргузор гардид
РӮЗИ БАЙНАЛМИЛАЛИИ ҲИФЗ ВА НИГОҲДОРИИ ЁДГОРИҲО ВА ҶОЙҲОИ ТАЪРИХӢ. Қалъаи Ҳисор таърихи зиёда аз 3000-сола дорад
ТАЪРИХИ ВАТАНРО МЕОМӮЗЕМ! Имрӯз дар мавзеъҳои таърихии мамлакат Рӯзи дарҳои боз гузаронида мешавад
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир гардид
«РАҚС МОРО МУТТАҲИД МЕНАМОЯД». Таҳти чунин унвон дар Тоҷикистон фестивали байналмилалӣ доир мегардад
Дар ноҳияи Айнӣ бахшида ба зодрӯзи Қаҳрамони Тоҷикистон Садриддин Айнӣ ҳамоиши илмӣ-адабӣ баргузор гардид
ИМРӮЗ — ЗОДРӮЗИ САДРИДДИН АЙНӢ. Осори Устод Айнӣ ҳамчун сарчашмаи муҳими илмӣ ва фарҳангӣ истифода мешавад
АЙНИШИНОСЕ ПУРТАЛОШ АЗ КИШВАРИ ҲАМЗАБОН. Эҳдо ба зодрӯзи сардафтари адабиёти муосири тоҷик Садриддин Айнӣ
ИҚТИСОДИ РАҚАМӢ ВА ИННОВАТСИЯ. Дар самти рақамикунонии ёдгориҳои таърихию фарҳангӣ ҳамоиш доир шуд
«ДИДОР». Бахшида ба 35-солагии Истиқлоли давлатӣ намоиши мусаввараҳои нодир ифтитоҳ ёфт
Рӯзҳои фарҳанги Тоҷикистон дар Беларус доир мегарданд
