Байни Вазорати молияи Тоҷикистон ва Вазорати хазинадорӣ ва молияи Туркия Ёддошти тафоҳум дар бораи ҳамкории иқтисодӣ ва молиявӣ ба имзо расид
ДУШАНБЕ, 05.01.2024 /АМИТ «Ховар»/. Дар шаҳри Анқараи Ҷумҳурии Туркия вохӯрии Вазири молияи Ҷумҳурии Тоҷикистон Файзиддин Қаҳҳорзода ва Вазири хазинадорӣ ва молияи Ҷумҳурии Туркия Мехмет Шимшек баргузор шуд.
Тавре АМИТ «Ховар» бо истинод ба Вазорати молияи ҷумҳурӣ хабар медиҳад, дар вохӯрӣ масъалаҳои ҳамкории дуҷониба дар самти татбиқи ислоҳот дар низоми идоракунии молияи давлатӣ, аз ҷумла дар соҳаҳои тандурустӣ ва маориф дар ҳошияи ҳамкорӣ бо Созмони ҷаҳонии тандурустӣ ва Бонки ҷаҳонӣ, рақамикунонии низоми молияи давлатӣ, рушди пардохтҳои ғайринақдӣ ва системаи давлатии пардохтҳои электронӣ, инчунин дигар масъалаҳо вобаста ба идоракунии молияи давлатӣ баррасӣ шуданд.
Иброз гардид, ки баргузории чунин мулоқот ҷиҳати ба роҳ мондани омӯзиш ва табодули таҷриба байни ду мақомоти давлатӣ ба амалишавии Стратегияи идоракунии молияи давлатии Ҷумҳурии Тоҷикистон барои давраи то соли 2030 мусоидат менамояд.
Ҷонибҳо омодагии худро барои густариши ҳамкории мутақобилан судманд байни Вазорати молияи Ҷумҳурии Тоҷикистон ва Вазорати хазинадорӣ ва молияи Ҷумҳурии Туркия иброз намуданд.
Дар ин рӯз дар Вазорати хазинадорӣ ва молияи Ҷумҳурии Туркия байни Вазорати молияи Ҷумҳурии Тоҷикистон ва Вазорати хазинадорӣ ва молияи Ҷумҳурии Туркия дар бораи ҳамкории иқтисодӣ ва молиявӣ Ёддошти тафоҳум ба имзо расонида шуд.
Ёддошти тафоҳумро Вазири молияи Тоҷикистон Файзиддин Қаҳҳорзода ва Вазири хазинадорӣ ва молияи Туркия Мехмет Шишмек ба имзо расониданд.
Ин санад ба тавсеаи минбаъдаи ҳамкорӣ байни Вазорати молияи Ҷумҳурии Тоҷикистон ва Вазорати хазинадорӣ ва молияи Ҷумҳурии Туркия дар самти баланд бардоштани самаранокии идоракунии молияи давлатӣ мусоидат менамояд.
Инчунин зимни сафари ҳайати намояндагони Вазорати молияи Ҷумҳурии Тоҷикистон ба Ҷумҳурии Туркия Вазири молияи Ҷумҳурии Тоҷикистон Файзиддин Қаҳҳорзода ва Президенти Агентии Туркия оид ба ҳамкорӣ ва ҳамоҳангсозӣ Серкан Кайалар вохӯрӣ намуданд.
Вазири молияи Тоҷикистон ҳамкории дуҷонибаи Тоҷикистон ва Туркияро дар бахшҳои мухталифи иқтисодиёт дар сатҳи баланд арзёбӣ намуда, ҷонибҳо ҳамзамон оид ба масъалаҳои ҷорӣ ва дурнамои ҳамкорӣ дар самтҳои иқтисодию тиҷоратӣ, соҳаҳои маорифу тандурустӣ, энергетика, кишоварзӣ ва ғайра табодули афкор намуданд.
Дар анҷоми вохӯрӣ ҳамчунин дигар самтҳои ҳамкории мутақобилан судманд баррасӣ шуданд.
АКС: Вазорати молияи Ҷумҳурии Тоҷикистон
Тоҷикистон ва Чин барои коркарди захираҳои маъдан корхона таъсис медиҳанд
Ҳайати Федератсияи палатаҳои савдои Арабистони Саудӣ бо корхонаҳои истеҳсолии Тоҷикистон шинос мешавад
Дар вилояти Суғд майдони боғоти мевадиҳанда васеъ мегардад
Имрӯз таҳти раёсати Сарвазири Ҷумҳурии Тоҷикистон маҷлиси умумии ғайринавбатии саҳмдорони ҶСК «НБО Роғун» баргузор гардид
Масъалаи зиёд намудани хатсайрҳои парвоз байни Тоҷикистон ва Чин баррасӣ шуд
Дар Тоҷикистон шабакаи ягонаи назорати рақамии вазни мошинҳои боркаш таъсис дода мешавад
Дар гармхонаи шаҳри Хоруғ зиёда аз 10 ҳазор кӯчати гул парвариш мешавад
Дар Тоҷикистон беш аз 200 ҳазор оилаи занбӯри асал парвариш меёбад
35-СОЛАГИИ ИСТИҚЛОЛИ ДАВЛАТӢ. Дар шаҳри Панҷакент коргоҳи истеҳсоли шифер бунёд карда мешавад
Бо ташаббуси Тоҷикистон дар қароргоҳи СММ чорабинии сатҳи баланд доир ба зеҳни сунъӣ баргузор шуд
Дар таъмини бехатарии парвозҳо дар ҳарими ҳавоии Тоҷикистон зан-метеорологҳо нақши муассир доранд
Масоили таҳкими ҳамкорӣ байни Тоҷикистон ва Русия дар соҳаи энергетика дар Москва баррасӣ гардид
