Дар шаҳри Ҳисор сохтмони бинои мактаби замонавии мусиқӣ оғоз шуд
ДУШАНБЕ, 04.01.2024 /АМИТ «Ховар»/. Дар доираи тадбирҳои ободонию бунёдкорӣ ба ифтихори ҷашни 35-солагии Истиқлоли давлатии Ҷумҳурии Тоҷикистон дар шаҳри Ҳисор бинои нави мактаби мусиқӣ бунёд мегардад. АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор иттилоъ медиҳад, ки ба сохтмони бинои нави мактаби мусиқӣ оғози расмӣ бахшида шуд.
Иншоот ҷашнӣ буда, дар доираи нақшаи чорабиниҳои Мақомоти иҷроияи ҳокимияти давлатии шаҳри Ҳисор бахшида ба 35-солагии
Истиқлоли давлатии Тоҷикистон бунёд мешавад.
Тибқи лоиҳа, бинои мактаби мусиқӣ, ки аз ҷониби сохтмончиёни ҶДММ «Мақсуд-2019» сохта мешавад, аз се ошёна, 16 синфхона, толори маҷлисгоҳ ва дигар утоқҳои зарурӣ иборат мебошад. Мактаби нави мусиқӣ ба кӯдакону наврасон имконият медиҳад, ки дар синфҳо навохтани асбоби гуногуни мусиқӣ, ба мисли фортепиано, скрипка, асбоби халқӣ ва касбии нафасӣ, торӣ ва овозхонию санъати тасвириро аз худ намуда, дар маҳфилҳои хореографӣ ва драмавӣ ҳунару истеъдодашонро сайқал диҳанд.
Ёдовар мешавем, ки Мактаби бачагонаи мусиқии ба номи Саид Ҳамроев дар шаҳри Ҳисор соли 1949 таъсис ёфта, дар ҳолати садамавӣ қарор дорад. Муассиса дар тавозуни бахши фарҳанги шаҳр буда, ҳоло дар он даҳ маҳфил амал менамоянд. 34 устодони соҳа ба шогирдон асосҳои назариявию амалии санъати мусиқиро дар созҳои миллии ғижжак, доира, рубобҳои қашқарӣ, прима ва бадахшонӣ, дутор ва ғайра таълим медиҳанд.
АКС: Мақомоти иҷроияи ҳокимияти давлатии шаҳри Ҳисор
Хиради омӯзгор ҷаҳлу хурофотро аз байн мебарад ва сарчашмаи комёбиҳо мегардад, — бардошт аз ҳамоиш дар вилояти Хатлон
Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Доир ба заминаҳо, таҳаввулот ва дурнамои Истиқлоли давлатӣ машварати илмӣ-назариявӣ баргузор шуд
Дар ноҳияи Рӯшон майдончаҳои варзишӣ ба истифода дода шуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
Барои мукофотонидани ғолибони Озмуни ҷумҳуриявии «Шоҳномахонӣ» 2 миллиону 660 ҳазор сомонӣ ҷудо карда мешавад
Сарвазири Тоҷикистон Қоҳир Расулзода дар ноҳияи Хуросон бо корҳои ободонию созандагӣ шинос шуд
ТУҲФАИ АРЗАНДАИ ПРЕЗИДЕНТИ ТОҶИКИСТОН. Ба беш аз 57 ҳазор оилаи шаҳри Ваҳдат «Шоҳнома» тақдим мегардад
СОҲИБИХТИЁРӢ — АРЗИШИ БУЗУРГУ БЕБАҲО. Нақши Пешвои миллат дар таҳкими истиқлоли давлатӣ беназир аст
ИЛМ ДАР БАЛАНДИИ ЗИЁДА АЗ 5000 МЕТР. Дар калонтарин пиряхи Тоҷикистон — Ванҷях таҳқиқоти илмӣ гузаронида шуд
Дар даромадгоҳи дараи Камароб Маркази хизматрасонии сайёҳӣ ба истифода дода шуд
Дар Москва Парчами давлатии Тоҷикистон ба ифтихори 34-солагии Истиқлолият намоиш дода мешавад
