Дар соли хониши 2023-2024 беш аз 9 ҳазор нафар аз Тоҷикистон ба муассисаҳои олии Русия қабул гардиданд
ДУШАНБЕ, 31.01.2024 /АМИТ «Ховар»/. Дар соли хониши соли 2023-2024 9567 нафар аз Тоҷикистон дар муассисаҳои олии Русия ба сифати донишҷӯ қабул гардиданд. Дар ин хусус дар мулоқоти намояндагони Сафорати Ҷумҳурии Тоҷикистон дар Федератсияи Русия ва Вазорати илм ва таҳсилоти олии Федератсияи Русия хабар дода шуд, иттилоъ медиҳад АМИТ «Ховар» бо истинод ба Сафорати Ҷумҳурии Тоҷикистон дар Федератсияи Русия.
Зимни суҳбат мавзуъҳои густариши ҳамкории Тоҷикистон ва Русия дар соҳаи илму маориф, фарҳангу варзиш, инчунин шароити таҳсили донишҷӯёни тоҷик дар муассисаҳои олии Русия, тақвияти ҳамкорӣ байни мактабҳои олии ду давлат мавриди баррасӣ қарор гирифтанд.
Ҷонибҳо роҷеъ ба имкони зиёд намудани бурсияҳо дар донишгоҳҳои Русия барои шаҳрвандони Тоҷикистон табодули афкор намуданд.
Ҳамзамон намояндагони Сафорат барои ташкил ва баргузории озмуни «Донишҷӯи сол — 2023» байни донишҷӯёни тоҷик, ки дар муассисаҳои таҳсилоти олии Федератсияи Русия таҳсил менамоянд, инчунин дастгирии Вазорати илм ва таҳсилоти олии Федератсияи Русия изҳори сипос намуданд.
Зимни мулоқот иттилоъ дода шуд, ки ҳамасола тибқи бурсияи ҷудошуда аз ҷониби Ҳукумати Федератсияи Русия, шаҳрвандони Тоҷикистон барои таҳсил дар риштаи бакалавриат ва магистратура ба донишгоҳҳои Русия қабул мешаванд. Шумораи донишҷӯён ва шунавандагон дар донишгоҳҳои мухталифи Русия, ба монанди Донишгоҳи давлатии Москва ба номи М. В. Ломоносов, Донишгоҳи молияи назди Ҳукумати Федератсияи Русия, Донишгоҳи давлатии Санкт-Петербург, Донишгоҳи давлатии Бошқирдистон, Донишгоҳи дӯстии халқҳои Русия, Донишгоҳи давлатии Пенза, Донишгоҳи иқтисодии Русия ба номи Георгий Плеханов ва ғайраҳо зиёд мушоҳида мешавад.
Намояндагони Вазорати илм ва таҳсилоти олии Федератсияи Русия ҷиҳати тақвият додани ҳамкорӣ дар баргузории ҳар гуна чорабиниҳо дар самти сиёсати дастгирии ҷавонон, доир намудани барномаҳои фарҳангию варзишӣ изҳори омодагӣ намуданд.
Дар маҷмуъ 28 728 шаҳрванди Ҷумҳурии Тоҷикистон ба ҳайси донишҷӯ дар Федератсияи Русия таҳсил менамоянд, ки нисбат ба соли 2022 550 нафар зиёд мебошад.
АКС: Сафорати Ҷумҳурии Тоҷикистон дар Федератсияи Русия
Ҳайати омӯзгорони Донишгоҳи байналмилалии сайёҳӣ ва соҳибкории Тоҷикистон бо роҳбарияти Донишгоҳи Ситии Малайзия мулоқот намуд
Дар Душанбе маросими ҳавасмандсозӣ ва ҷоизасупорӣ ба ғолибони даври ҷумҳуриявӣ ва байналмилалии олимпиадаҳои фаннӣ доир шуд
Муассисаҳои илмӣ-таҳқиқотии Академияи миллии илмҳои Тоҷикистон аз аккредитатсия гузаронида шуданд
Намояндагони Донишгоҳи байналмилалии сайёҳӣ ва соҳибкорӣ дар Малайзия вобаста ба омоданамоии кадрҳои баландихтисос вохӯрӣ намуданд
Дар Душанбе оид ба рақамикунонии иқтисодиёт ҳамчун омили рушди устувор конференсияи байналмилалӣ доир шуд
Ҳамкории Донишгоҳи давлатии молия ва иқтисоди Тоҷикистон бо муассисаҳои таълимии хориҷӣ густариш меёбад
Дар Душанбе конференсияи минтақавии лоиҳаи «Таҳсилоти касбӣ барои бахшҳои рушди иқтисод дар Осиёи Марказӣ» баргузор мешавад
Хонандагони тоҷик дар Олимпиадаи 16-уми авруосиёӣ аз фанни информатика 18 медал ба даст оварданд
Саҳми Президенти Тоҷикистон дар ташаккули илми ватанӣ мавриди таҳлили илмӣ қарор гирифт
Дар ноҳияи Панҷ бинои синфхонаҳои иловагӣ ба истифода дода шуд
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд бинои иловагии гимназияи №1 сохта мешавад
Дар Чин оид ба ҳифз, рушд ва истифодаи фарҳанги суннатии Шоҳроҳи абрешим-2024 конфронси байналмилалӣ баргузорр шуд
