Даври сеюми олимпиадаи фаннӣ барои хонандагони синфҳои 5-6 ва 11-и муассисаҳои таълимии шаҳру ноҳияҳои тобеи ҷумҳурӣ оғоз гардид

ДУШАНБЕ, 27.01.2024 /АМИТ «Ховар»/. 27 январ дар Мактаби байналмилалии президентӣ дар шаҳри Душанбе даври сеюми олимпиадаи фаннӣ барои хонандагони муассисаҳои таълимии шаҳру ноҳияҳои тобеи ҷумҳурӣ барои синфҳои 5-6 ва 11 оғоз гардид. Дар ин хусус ба АМИТ «Ховар» дар маркази матбуоти Вазорати маориф ва илми Ҷумҳурии Тоҷикистон хабар доданд.

Олимпиада 28 январ ҷамъбаст мегардад.

Бояд тазаккур дод, ки 3-4 феврал низ даври сеюми олимпиадаи фаннӣ байни хонандагони синфҳои 7-8 ва 9-10-и муссисаҳои таълимии шаҳру ноҳияҳои тобеи ҷумҳурӣ аз рӯйи 13 фанни таълимӣ баргузор мешавад. Дар ин марҳилаи олимпиада 2049 нафар аз фанҳои ҷамъиятӣ — гуманитарӣ ва 2065 нафар аз фанҳои табиатшиносӣ, риёзӣ ва дақиқ байни ҳам сабқат менамоянд.

АКС: Маркази матбуоти Вазорати маориф ва илми Ҷумҳурии Тоҷикистон