МАСЪУЛИЯТИ ВОЛИДОН. Бо ин мақсад дар Донишгоҳи миллии Тоҷикистон силсилаи вохӯриҳо доир мешавад
ДУШАНБЕ, 30.01.2024. /АМИТ «Ховар»/. Ҷиҳати дар амал татбиқ намудани самтҳои афзалиятноки Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» дар Донишгоҳи миллии Тоҷикистон силсилавохӯриҳои ректори донишгоҳ, профессор Эмомалӣ Насриддинзода бо падару модарони донишҷӯёни факултетҳо гузаронида мешавад. Аз ҷумла, вохӯрии навбатӣ бо волидайни донишҷӯёни факултетҳои фарматсевтӣ ва химия доир шуд. Дар ин хусус ба АМИТ «Ховар» дар Донишгоҳи миллӣ хабар доданд.
Ректори донишгоҳ вобаста ба зарурати баргузории вохӯриҳо иброз дошт, ки баланд бардоштани сатҳи донишандӯзӣ ва таҳкими заминаи маънавии тарбияи ахлоқии фарзандон, маърифатнок намудани онҳо, дар руҳияи муҳаббат ба халқу Ватан ва бунёдкорию созандагӣ тарбия намудани ҷавонон муҳим аст.
Гуфта шуд, ки ҳамасола дар паёмҳои Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ ба масъалаи бисёр муҳим- зарурати беҳтар намудани корҳои тарбиявӣ дар байни ҷавонон ва дар руҳияи ватандӯстиву инсонпарварӣ ва худогоҳиву худшиносӣ ба воя расондани ҷавонон таваҷҷуҳи махсус зоҳир мегардад.
Дар идомаи ҷаласа натиҷагирӣ аз ҷараёни давомот ва натиҷаҳои ҷамъбасти сессияи имтиҳонӣ баррасӣ шуд. Дар баробари ин, ба масъалаҳои риояи либоспӯшӣ, фарҳанги касбият ва маърифати муошират таваҷҷуҳи махсус зоҳир шуда, таъкид гардид, ки донишҷӯёнро мебояд масъалаҳои фарҳангу этикаи либосҳои милливу муқарраргардидаи фаъолият дар муассисаҳои давлатӣ ва эҳтиромгузорӣ ба шахсияти худ ва ҷомеаро дар мадди аввал гузоранд.
Ташкили муҳити маърифатӣ дар оила ва дар шароити он тарбия гирифтани фарзандон боиси васеъ шудани ҷаҳонбинии фарҳангию маърифатии онҳо мегардад. Барои он ки дар тафаккури фарзандон ақидаи ғаразноки ҷиноӣ пайдо нагардад, онҳоро бояд хуб тарбия намуд, то ки ба муқобили падидаҳои манфии ғаразнок устувор ва муқовиматпазир бошанд.
Чунин вохӯриҳо бо мақсади мустаҳкам намудани робитаи дуҷонибаи муассиса ва оила баргузор шуда, ба тарбияи ҷавонони саодатманд мусоидат менамоянд.
АКС: Донишгоҳи миллии Тоҷикистон
ПАЙВАНДИ ИЛМ БО ИСТЕҲСОЛОТ. Донишгоҳи давлатии тиҷорати Тоҷикистон аз қисмати назариявии корҳои илмӣ ба қисмати амалӣ мегузарад
Мактаби зимистона оид ба коҳиши хатари офатҳои табиӣ ва мутобиқшавӣ ба тағйирёбии иқлим ифтитоҳ шуд
НИШАСТИ МАТБУОТӢ. Дар Донишгоҳи техникии Тоҷикистон қариб 700 шаҳрванди хориҷӣ таҳсил менамояд
НИШАСТИ МАТБУОТӢ. Дар 53 ихтисоси Донишгоҳи аграрии Тоҷикистон барномаҳои таълимии нави намунавӣ таҳия шудаанд
НИШАСТИ МАТБУОТӢ. Донишгоҳи давлатии тиҷорати Тоҷикистон бо 11 муассисаи таҳсилоти олии касбии хориҷи мамлакат шартномаи ҳамкорӣ дорад
НИШАСТИ МАТБУОТӢ. Дар Донишгоҳи техникии Тоҷикистон кадрҳои соҳибтахассус ва дар бозори меҳнат рақобатпазир омода карда мешаванд
Дар Маркази таълимии касбомӯзии Донишгоҳи давлатии омӯзгорӣ 100 нафар ба таълим фаро гирифта шуд
НИШАСТИ МАТБУОТӢ. Донишгоҳи давлатии омӯзгории Тоҷикистон мутахассисони баландихтисосу забондон омода менамояд
Дар назди Донишгоҳи миллии Тоҷикистон Маркази омӯзиши паёмҳои Президенти Тоҷикистон таъсис мешавад
НИШАСТИ МАТБУОТӢ. 31 донишҷӯи Академияи идоракунии давлатӣ ба муассисаҳои таҳсилоти олии хориҷи мамлакат фиристода шуданд
Дар Донишгоҳи технологии Тоҷикистон «Стратегияи муқовимат ба терроризм ва экстремизм дар Ҷумҳурии Тоҷикистон» баррасӣ гардид
БАРДОШТ АЗ ПАЁМ. Дар шаҳри Панҷакент 4 бинои нави мактаб ва 1 кӯдакистон сохта мешавад
