Агентии «Тоҷикстандарт»: «Дар ҳолати риоя нагардидани ҳуқуқҳои истеъмолиатон ба мо муроҷиат намоед»

Февраль 5, 2024 15:00

ДУШАНБЕ, 05.02.2024. /АМИТ «Ховар»/. Соли 2021 ба Агентии «Тоҷикстандарт» муроҷиати ҳамагӣ 122 нафар, соли 2022- 57 нафар, соли 2023 муроҷиати 85 истеъмолкунанда дар робита ба нуқс доштан ё пастсифат будани маҳсулоти харидаашон, ки онро фурӯшанда бозпас нагирифтааст, ворид гардид. Ин матлабро директори агентӣ Темурҷон Абдулваҳҳобзода имрӯз зимни нишасти матбуотӣ дар робита ба саволи хабарнигори АМИТ «Ховар» баён намуд.

Мавсуф иброз дошт, ки давлат тавассути қонунҳои амалкунанда ҳуқуқи шаҳрвандонашро ҳамчун истеъмолкунанда барои харидани моли дорои сифати муносиб ва  ҳаёту саломатии истеъмолкунандагон бехатар кафолат медиҳад. Инчунин шаҳрвандонро аз харидани ашёи  пастсифате, ки ба вазъи иқтисодии онҳо созгор нест, ҳимоя менамояд. Бо ин мақсад   Қонуни Ҷумҳурии Тоҷикистон «Дар бораи ҳимояи ҳуқуқи истеъмолкунандагон» қабул шудааст.

«Дар ин қонун ҳуқуқҳои асосии истеъмолкунандагон, аз ҷумла, ҳимояи ҳуқуқҳои ҳар як  истеъмолкунанда аз ҷониби давлат, ҳимоя аз хавфи харидории моле, ки ба ҳаёт, саломатӣ, бехатарӣ таҳдид менамояд ва ё ба поймол намудани ҳуқуқҳои қонунии шаҳрванд сабабгор мешавад, ба таври ройгон  бартараф намудани нуқсони мол ё иваз  намудани он, ҷуброн намудани арзиши мол ва ё  мутобиқан паст намудани нархи он, барқарор намудани хисороти маънавие, ки дар натиҷаи  истифодаи моли номатлуб ба миён омадааст, маълумоти пурраву дақиқ дар хусуси моли харидашаванда ва тарзи хизматрасонии он ва ба истеъмолкунанда фаҳмонидани ҳуқуқҳои ӯ нишон дода шудаанд»,- афзуд ӯ.

Гуфта шуд, ки мувофиқи талаботи қонун, истеъмолкунандае, ки ба ӯ моли бесифат фурӯхтаанд ва ӯро фурӯшанда аз ин хусус огоҳ нанамудааст, ҳуқуқ дорад бо хости худ талаб намояд, ки он ба моли дигари ҳамин тамға ё ба ҳамон навъ моли тамғаи дигар иваз шавад. Ҳамчунин фурӯшанда бояд нуқсони молро бемузд бартараф ё маблағеро, ки барои ислоҳи он аз ҷониби истеъмолкунанда ё шахси сеюм харҷ шудааст, ҷуброн намояд. Ҳамчунин истеъмолкунанда ҳуқуқ дорад, ки ҷуброни пурраи зарари дар натиҷаи фурӯхтани моли бесифат ба ӯ расидаро талаб намуда, иваз намудани молҳои мураккаби техникӣ ва гаронбаҳоро дар ҳолати ошкор шудани нуқсони ҷиддӣ дар муддати то 14 рӯз талаб намояд.

Таъкид шуд, ки шаҳрвандон метавонанд дар ҳолати риоя нагардидани ҳуқуқҳои истеъмолиашон ба Агентии «Тоҷикстандарт»  муроҷиат  намоянд.   Дар ҳолати муроҷиати шаҳрвандон ва поймол шудани ҳуқуқи истеъмолкунандагон, ба монанди фиреби  харидор, кам баркашидан, кам чен намудан,  моли бе сифату ғайристандартиро бо роҳи фиреб фурӯхтан ва ғайра агентӣ тадбирҳои зарурӣ меандешад.

Зарангези ЛАТИФ,
АМИТ «Ховар»

АКС: АМИТ «Ховар»

Февраль 5, 2024 15:00

Хабарҳои дигари ин бахш

Тоҷикистон: Дар беш аз 590 ҳазор гектар шудгор гузаронида шудааст
РУШДИ КИРМАКПАРВАРӢ. Дар Ҷамоати деҳоти Саразми шаҳри Панҷакент 30 ҳазор бех ниҳоли тут шинонида шуд
Кишоварзони ноҳияи Абдураҳмони Ҷомӣ дар беш аз 8 ҳазор гектар пунбадона кишт менамоянд
Баҳодур Шерализода дар Самарқанд доир ба омодагӣ ба Конференсияи байналмилалии сатҳи баланд оид ба ҳифзи пиряхҳо маълумот дод
Дар шаҳри Душанбе иҷрои «Барномаи фишанги ҳамоҳангсозии сиёсат» баррасӣ гардид
Ҳаҷми гардиши савдои хориҷии Тоҷикистон ва Узбекистон соли 2024 1,74 маротиба зиёд гардид
Барномаи савдои электронӣ дар Тоҷикистон ба баланд бардоштани малакаи рақамию молиявии аҳолӣ ва соҳибкорон равона шудааст
Оё дар Тоҷикистон низоми кишти пунбадона тағйир меёбад? Шарҳи коршиносон дар ин мавзуъ
Дар шаҳри Гулистон Бизнес-форуми Тоҷикистон ва Тотористон баргузор гардид
Имконоти сайёҳии Тоҷикистон дар Намоишгоҳи байналмилалии сайёҳии «Лето-2025» муаррифӣ шуданд
Ҳайати Тотористон бо фаъолияти як қатор корхонаҳои саноатии вилояти Суғд шинос гардид
Дар ноҳияи Кӯшониён дар 320 гектар гармхона бунёд карда шудааст