Бо хатмкунандагони муассисаҳои таълимии шаҳри Гулистон вобаста ба интихоби дурусти касб вохӯрӣ доир гардид

Февраль 25, 2024 16:25

ДУШАНБЕ, 25.02.2024 /АМИТ «Ховар»/. Дар Мақомоти иҷроияи ҳокимияти давлатии шаҳри Гулистон вохӯрии роҳбарони муассисаҳои таҳсилоти олии касбии вилоят бо хонандагон (хатмкунандагони соли хониши 2023-2024)-и муассисаҳои таҳсилоти миёнаи умумии шаҳр баргузор гардид. Дар ин хусус АМИТ «Ховар» бо истинод ба мақомоти иҷроияи ҳокимияти давлатии шаҳр хабар медиҳад.

Дар мулоқот раиси шаҳр гуфт, ки дар зиндагӣ  барои инсон интихоби касб яке аз масъалаҳои муҳим маҳсуб мешавад.  Интихоби касби мувофиқ имконият медиҳад, ки ҳар шахс соҳиби ҷойи кор шавад ва аз уҳдаи иҷрои он сарбаландона барояд. Бояд ҷавонон дар интихоби касб ба иштибоҳу шитоб роҳ надиҳанд. Онҳо бояд касберо интихоб намоянд, ки ба дониш, шавқу рағбат ва маҳораташон мувофиқ бошад.

Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон борҳо таъкид намудаанд, ки «дар хотир бояд дошт, ки танҳо миллати босавод метавонад насли соҳибмаърифату донишманд ва кадрҳои арзандаи давронро ба воя расонад, пеш равад ва дар ҷомеаи мутамаддин мақоми арзанда пайдо намояд».

Ректорон ва намояндагони муассисаҳои таҳсилоти олии касбии вилояти Суғд доир ба шароити таълим ва имконияти донишгоҳҳо ба хатмкунандагон маълумот манзур намуданд.

Изҳори итминон шуд, ки хатмкунандагони муассисаҳои таълимии шаҳр имконияти фарохи муассисаҳои таҳсилоти олии касбии вилоятро дарк намуда, пас аз хатми муассисаҳои таълимӣ бо интихоби дурусти касб ба дилхоҳ донишгоҳ дохил гардида, соҳиби маълумоти олӣ мегарданд.

АКС: Мақомоти иҷроияи ҳокимяити давлатии шаҳри Гулистон

Февраль 25, 2024 16:25

Хабарҳои дигари ин бахш

Бо мақсади таъмин намудани рушди минбаъдаи муассисаҳои таҳсилоти ибтидоӣ ва миёнаи касбӣ 300 миллион сомонӣ ҷудо карда мешавад
Академияи сайёҳии Донишгоҳи байналмилалии сайёҳӣ ва соҳибкории Тоҷикистон таъсис дода мешавад
Дастаи Донишгоҳи техникии Тоҷикистон дар Чемпионати ҷаҳонии касбӣ сазовори ҷойи якум гардид
Зиёда аз 36 ҳазор хонандагони синфҳои ибтидоии Тоҷикистон бо хӯроки гарм таъмин мегарданд
Дар Тоҷикистон Барномаи давлатии омода намудани кадрҳои омӯзгорӣ таҳия карда мешавад
Омӯзгорону хонандагони шаҳри Роғун суханронии Президенти Тоҷикистонро ба муносибати Рӯзи дониш якҷоя тамошо намуданд
Эмомалӣ Раҳмон: «Дар 34 соли соҳибистиқлолӣ ба соҳаи маориф 73,6 миллиард сомонӣ маблағгузорӣ гардидааст»
ДОНИШ — ПОЯИ МУҲИМТАРИНИ РУШДИ ДАВЛАТ ВА МИЛЛАТ. Эҳдо ба Рӯзи дониш
Дар назди 20 муассисаи таълимӣ биноҳои иловагӣ бо озмоишгоҳҳои замонавӣ сохта мешаванд
Доир ба амалисозии барномаҳои давлатии марбут ба таҳсилоти томактабӣ ҷаласаи корӣ баргузор гардид
Дар Донишгоҳи техникии Тоҷикистон Чемпионати ҷаҳонии касбӣ баргузор гардид
Дар Душанбе Озмуни ҷумҳуриявии «Барномасози ҷавон» баргузор шуд