ДАРАХТ БИНШОН! Дар Ёвон 300 бех ниҳоли сӯзанбарг бо риояи қоидаҳои агротехникӣ шинонида шуд
ДУШАНБЕ, 25.02.2024 /АМИТ «Ховар»/. Дар доираи маъракаи ниҳолшинонӣ ва сабзазоркунӣ дар ноҳияи Ёвон дар асоси тавсияи мутахассисони соҳа дар шафати роҳҳо, гулгашту хиёбон ва назди ташкилоту муассисаҳо 300 бех ниҳоли дарахти сӯзанбарг шинонида шуд. Дар ин хусус АМИТ «Ховар» бо истинод ба бахши ҳифзи муҳити зисти ноҳияи Ёвон итиллоъ медиҳад.
Раванди ниҳолшинониву сабзазоркунӣ таҳти назорат ва таваҷҷуҳ қарор дошта, шуруъ аз интихоби ниҳол макони шинонидани он, кандани чуқурча ва дигар қоидаҳои агротехникии ниҳолшинонӣ ва нигоҳубину сабзиши ниҳолҳои шинонида ба инобат гирифта мешавад.
Ин тадбири экологӣ- маъракаи ниҳолшинонӣ бо ҷонибдорӣ аз сиёсати Президенти Ҷумҳурии Тоҷикистон муҳтарам Эмомалӣ Раҳмон дар мавриди ба «мамлакати сабз» табдил додани ҷумҳурӣ ва иҷрои нақшаи чорабиниҳои Кумитаи ҳифзи муҳити зист, Мақомоти иҷроияи ҳокимияти давлатии ноҳияи Ёвон ва Сарраёсати ҳифзи муҳити зист дар вилояти Хатлон бо ташаббуси бахши ҳифзи муҳити зисти ноҳияи Ёвон гузаронида шуд.
Бо мақсади иҷрои нақшаи ниҳолшинониву сабзазоркунӣ ҳар ҳафта рӯзҳои истироҳатӣ дар шаҳрак, ҷамоатҳои деҳоти ноҳияи Ёвон ҳашарҳои оммавии ниҳолшинонӣ ташкил мегарданд. Дар онҳо доираи васеи сокинон, кормандони касбу кори гуногун ва ҷавонон фаъолона иштирок намуда, дар сарсабзу хуррамгардонии маҳали зист саҳми муносиб мегузоранд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
БАРНОМАИ ДАВЛАТИИ КАБУДИЗОРКУНӢ. Дар Ҳисор ҷиҳати татбиқи он чӣ тадбирҳо андешида шудааст?
Дар Вилояти Мухтори Кӯҳистони Бадахшон зиёда аз 200 гектар ҷангалзор барқарор карда мешавад
Парвариши ниҳоли мевадиҳанда ва ороишӣ ба мавқеи ҷуғрофӣ вобаста аст
ДАРАХТ БИНШОН! Дар шафати роҳи мошингарди Шоҳамбарии шаҳри Ҳисор беш аз 3000 бех дарахти арча шинонида мешавад
ДАРАХТ БИНШОН! Дар талу теппаҳои шоҳроҳи Душанбе- Ваҳдат беш аз 42 ҳазор бех ниҳол шинонида мешавад
Дар Тоҷикистон ниҳолшинонӣ дар се марҳила гузаронида мешавад
ДАРАХТ БИНШОН. Дар кӯчаи Деҳотии шаҳри Душанбе беш аз 500 бех ниҳоли ороишии санавбар шинонида шуд
ДАРАХТ БИНШОН! Дар шаҳри Душанбе зиёда аз 214 ҳазор бех дарахтони ороишию сояафкан шинонида мешаванд
ДАРАХТ БИНШОН! Дар ноҳияи Ҷалолиддини Балхӣ беш аз 30 ҳазор бех ниҳоли сояафкану ҳамешасабз шинонида мешавад
Дар хоҷагии ҷангали ноҳияи Ховалинг тақрибан 10 ҳазор бех ниҳоли санавбар шинонида шуд
ДАРАХТ БИНШОН! Дар талу теппаҳои канори шоҳроҳи Душанбе-Рӯдакӣ-Ваҳдат садҳо бех ниҳолҳои ҳамешасабз шинонида шуданд
Дар ноҳияи Мастчоҳ зиёда аз 20 ҳазор бех ниҳол шинонида шуд
