НИШАСТИ МАТБУОТӢ. Ҳолати мелиоративии 1815 гектар замин беҳтар ва бо оби полезӣ таъмин шуд
ДУШАНБЕ, 10.02.2024 /АМИТ «Ховар»/. Бо мақсади барқарор намудани шабакаву дастгоҳҳои обкашӣ барои бо об таъмин намудани заминҳо дар ноҳияҳои Фархор, Қубодиён, Зафаробод ва Рӯдакӣ корҳои муайян ба сомон расидааст. Аз ҷумла, то имрӯз ҷиҳати бо об таъмин намудани заминҳо дар мавзеи Тахти Сангини ноҳияи Қубодиён ду дастгоҳи обкашӣ харид ва насб шуд, ки дар натиҷа 1035 гектар обёрӣ гардида, 211 гектар замин аз худ карда шуд,-иброз намуд Раиси Кумитаи давлатии идораи замин ва геодезии Ҷумҳурии Тоҷикистон Ориф Хоҷазода 8 феврал зимни нишасти матбуотӣ.
«Инчунин дар минтақаи Кокули ноҳияи Фархор дар масофаи 1200 метр қубур гузаронида шуда, дар ноҳияи Рӯдакӣ дастгоҳҳои обкашӣ насб шуданд, ки дар натиҷа 780 гектар замин бо оби полезӣ таъмин гардид.Ҳамин тариқ, дар натиҷаи амалӣ шудани ин корҳо 211 гектар замин аз худ шуда, ҳолати мелиоративии 1815 гектар беҳтар ва бо оби полезӣ таъмин шуд»,-гуфт Ориф Хоҷазода.
Дар нишаст инчунин иброз гардид, ки соли 2023 бо пешниҳоди Кумитаи давлатии идораи замин ва геодезӣ натиҷаи баҳисобгирии давлатии миқдори заминҳо дар ҳудуди ноҳияи Ёвон ва шаҳри Норак омода ва бо қарорҳои Ҳукумати Ҷумҳурии Тоҷикистон тасдиқ шуд.
Ҳоло корҳои баҳисобгирии давлатии миқдори заминҳо дар ноҳияҳои Абдураҳмони Ҷомии вилояти Хатлон, Мурғоби Вилояти Мухтори Кӯҳистони Бадахшон ва шаҳри Ҳисор, инчунин инвентаризатсияи маҳалҳои аҳолинишини ноҳияи Рудакӣ идома доранд.
Раъно НУСРАТУЛЛО,
АМИТ «Ховар»
АМИТ «Ховар»
Пешвои миллат: «Кишоварзон бояд аз ҳар рӯзи мусоиди фасли баҳор истифода баранд»
Эмомалӣ Раҳмон: «Кишоварзонро зарур аст рӯзҳои мусоиди баҳориро самаранок истифода намоянд»
Ҷашни байналмилалии Наврӯз дар Бонки миллии Тоҷикистон дар сатҳи баланд таҷлил гардид
Дар Душанбе истифода ва ҳифзи захираҳои обии мамлакат дар шароити тағйирёбии иқлим баррасӣ гардид
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
