НИШАСТИ МАТБУОТӢ. Соли 2023 дар Тоҷикистон 212 бинои муассисаи таълимӣ ва биноҳои иловагӣ ба истифода дода шуд
ДУШАНБЕ, 02.02.2024. /АМИТ «Ховар»/. Соли 2023 аз ҳисоби ҳамаи сарчашмаҳои маблағгузорӣ 212 бинои муассисаи таълимӣ ва бинои иловагӣ бо 45 ҳазору 564 ҷойи нишаст дар як баст мавриди истифода қарор дода шуд. Ин шумора соли 2022 ба 199 бино ва синфхонаҳои иловагӣ барои 44 ҳазору 910 ҷойи нишаст баробар буд. Чунин иброз дошт Вазири маориф ва илми Ҷумҳурии Тоҷикистон Раҳим Саидзода имрӯз зимни нишасти матбуотӣ дар ҳузури хабарнигорон.
Дар доираи нақшаи амали «Барномаи давлатии рушди муассисаҳои соҳаи маорифи вилояти Хатлон барои солҳои 2022-2027» дар шаҳру ноҳияҳои вилояти Хатлон 36 бинои муассисаи таҳсилоти умумӣ барои 11 ҳазору 124 ҷойи нишаст сохтмону навсозӣ гардид. Инчунин дар доираи барнома сохтмону навсозии 84 иншоот барои 21 ҳазору 884 ҷойи нишаст идома дорад.
Дар идомаи нишасти матбуотӣ гуфта шуд, ки аз ҷониби Ҳукумати Ҷумҳурии Тоҷикистон ҳамасола маблағгузории соҳаи маориф афзоиш дода мешавад. Аз ҷумла, дар буҷети давлатии соли 2024 барои соҳаи маориф 8 миллиарду 231 миллион сомонӣ маблағ ҷудо гардидааст, ки нисбат ба соли 2023 1 миллиарду 21 миллион сомонӣ ё 12,5% зиёд буда, 18,7 фоизи ҳаҷми умумии хароҷоти Буҷети давлатӣ ва 5,7% Маҷмуи маҳсулоти дохилиро ташкил медиҳад. Он соли 2023 7 миллиарду 210 миллион сомонӣ буд.
Дар баробари ин соли 2023 барои додани қарзҳои имтиёзнок бо мақсади баланд бардоштани ҳифзи иҷтимоии мутахассисони ҷавон 1 миллиону 890 ҳазор сомонӣ ва 0,77 га қитъаи замин ҷудо гардид.
Зарангези ЛАТИФ,
АМИТ «Ховар»
АКС: АМИТ «Ховар»
НИШАСТИ МАТБУОТӢ. Дар Тоҷикистон 6250 нафар дорои дараҷаи илмӣ мебошанд
«ФУРӮҒИ СУБҲИ ДОНОӢ КИТОБ АСТ». Дар Суғд барои дар сатҳи баланд гузаронидани озмун 896 ҳазор сомонӣ ҷудо гардид
Соли 2024 дар вилояти Суғд 73 иншооти соҳаи маориф ба истифода дода шуд
Дар Донишгоҳи байналмилалии забонҳои хориҷии Тоҷикистон таҳсил дар шакли дуалӣ мегузарад
ОИЛА ВА ҶАМЪИЯТ. Барои донишҷӯёни Донишгоҳи давлатии тиҷорати Тоҷикистон даври омӯзишӣ баргузор гардид
ТАБОДУЛИ АКАДЕМӢ. Донишҷӯёни Донишгоҳи давлатии омӯзгории Тоҷикистон ба давлатҳои хориҷӣ равона мегарданд
НАҚШИ ЭЪЛОМИЯИ ҲУҚУҚИ БАШАРИ КУРУШИ КАБИР. Дар ин мавзуъ ҳамоиши илмӣ — фарҳангӣ баргузор гардид
Донишгоҳи давлатии Данғара аз аккредитатсия гузашта, соҳиби сертификати байналмилалӣ гардид
Сафири Чин бо имконот ва дурнамои татбиқи иқтидори илмии Донишгоҳи техникии Тоҷикистон шинос шуд
НИШАСТИ МАТБУОТӢ. Дар муассисаҳои таҳсилоти миёнаи умумии ҷумҳурӣ 2410 омӯзгори ғайриихтисоси фаннӣ фаъолият менамоянд
НИШАСТИ МАТБУОТӢ. Дар Донишгоҳи давлатии тиббии Хатлон ду бинои таълимӣ ва хобгоҳи донишҷӯён ба истифода дода мешавад
НИШАСТИ МАТБУОТӢ. Дар ноҳияи Данғара сохтмони 5 муассисаи томактабӣ оғоз мегардад
