«ШАҲРИ МАН – ХОНАИ МАН». Аъзои Ҳизби Халқии Демократии Тоҷикистон дар шаҳри Душанбе ҷиҳати ба «шаҳри сабз» табдил додани пойтахт саҳм мегузоранд
ДУШАНБЕ, 24.02.2024. /АМИТ «Ховар»/. 24 феврал аъзои Ҳизби Халқии Демократии Тоҷикистон дар шаҳри Душанбе, Ташкилоти ҷамъиятии ҷавонон “Созандагони Ватан” ва кумитаю ташкилоти ибтидоии ҳизбии пойтахт иборат аз ду гурӯҳ дар минтақаи 53-54-и ноҳияи Сино, маҳаллаи “Чашмасор”-и ноҳияи Исмоили Сомонӣ, муассисаи истифодабарии манзили №3, кӯчаи Айнӣ 78/1-и ноҳияи Шоҳмансур, шаҳраки 42 ва маҳаллаи “Равшангарон”-и ноҳияи Фирдавсӣ ба ҳашар баромаданд. Дар ин хусус ба АМИТ «Ховар» дар Кумитаи иҷроияи Ҳизби Халқии Демократии Тоҷикистон дар шаҳри Душанбе хабар доданд.
Гурӯҳи якум, ки аз тозакорон иборат буд, дар минтақаҳои гуногуни ноҳияҳои Сино, Исмоили Сомонӣ ва Шоҳмансур кӯчаву роҳравҳо, назди биноҳо ва майдончаҳои варзиширо аз ҳар гуна партовҳои маишӣ ва хазонбаргҳо тоза намуданд.
Гурӯҳи дуюм, ки аз ниҳолшинонон ташкил ёфта буд, дар шаҳраки 42 ва маҳаллаи “Равшангарон”-и ноҳияи Фирдавсӣ беш аз 150 арчаи ҳамешасабз ва дарахти сояафкан шинониданд.
Ҳашарчиён иброз доштанд, ки ҳадафи мо тозаву озода намудани хонаву коргоҳ, кӯчаву роҳҳо, гулгашту хиёбонҳо ва дар маҷмуъ, пойтахти азизамон – шаҳри Душанбе мебошад. Зеро пойтахт оинаи миллатнамои давлат буда, ҳар хориҷие, ки ба Тоҷикистон меояд, нахуст ба шаҳри зебову дилорои Душанбе қадам мениҳад.
Дар охир аз дигарон низ даъват шуд, ки ба ин гуна иқдом шарик шаванд, то дар якҷоягӣ тавонем шаҳри худро сарсабз гардонем ва барои насли наврас намунаи ибрат гашта, дӯст доштани табиат, макони зист ва сарзаминамонро омӯзонем.
Ҳашари умумишаҳрии ҳизбиён таҳти шиори “Шаҳри ман – хонаи ман” ҷиҳати иҷрои дастуру супоришҳои Пешвои миллат муҳтарам Эмомалӣ Раҳмон ва нақшаи чорабиниҳо оид ба густариши корҳои ободонӣ, тозагиву озодагӣ, ниҳолшинониву сабзкорӣ ва нигоҳдории майдончаҳои варзишии шаҳри Душанбе, ки аз ҷониби Раиси шаҳри Душанбе муҳтарам Рустами Эмомалӣ 17 январи соли 2024 тасдиқ гардид, ҳар ҳафта гузаронида шуда, то ҷашни 30-солагии таъсиси Ҳизби Халқии Демократии Тоҷикистон идома меёбад.
АКС: Кумитаи иҷроияи Ҳизби Халқии Демократии Тоҷикистон дар шаҳри Душанбе
ДАРАХТ БИНШОН! Дар вилояти Суғд 750 бех ниҳол шинонида шуд
ДАРАХТ БИНШОН! Кормандони Вазорати энергетика ва захираҳои оби ҷумҳурӣ 300 бех ниҳоли санавбар ва сӯзанбарг шинониданд
ДУШАНБЕ – ШАҲРИ ГУЛИ САДБАРГ. Парвариши ин гул хароҷоти зиёд талаб накарда, аз аввали баҳор то барфрезиҳо шукуфон боқӣ мемонад
ДАРАХТ БИНШОН! Дар Хуҷанд беш аз 200 бех дарахти магнолия шинонида шуд
«ТОҶИКИСТОНИ САБЗ». Дар Душанбе 500 бех ниҳоли сӯзанбарг шинонида шуд
«КИШВАРИ САБЗ». Дар ин парваришгоҳ зиёда аз 100 намуди гулу буттаҳои нодир ва 40 намуди ниҳоли дарахтони ороишӣ парвариш мешавад
Пешвои миллат Эмомалӣ Раҳмон аз парваришгоҳи «Кишвари сабз» боздид намуданд
ЧАРО БАЪЗЕ АЗ НИҲОЛҲОИ ШИНОНИДАШУДА ХУШК МЕГАРДАНД? Ва ё барои пешгирии ин ҳолат чӣ бояд кард?
ДАРАХТ БИНШОН! Дар Ҳисор 400 ҳазор бех ниҳоли ороишӣ, ҳамешасабз ва мевадиҳандаю сояафкан шинонида мешавад
ДАРАХТ БИНШОН! Дар шаҳри Хуҷанд ниҳолшинонӣ вусъат меёбад
Дар вилояти Суғд бо истифодаи таҷрибаи пешқадам боғҳои интенсивӣ бунёд карда мешаванд
«КАМАРБАНДИ САБЗ». Дар шафати роҳҳои мошингарди Тоҷикистон беш аз 15 ҳазор бех ниҳол шинонида шуд
