Байни Донишгоҳи давлатии Хуҷанд ва Донишгоҳи шимолу ғарбии Чин шартномаи ҳамкорӣ ба имзо расид
ДУШАНБЕ, 30.03.2024 /АМИТ «Ховар»/. Байни Донишгоҳи давлатии Хуҷанд ба номи академик Бобоҷон Ғафуров ва Донишгоҳи шимолу ғарбии Ҷумҳурии Мардумии Чин шартномаи ҳамкорӣ ба имзо расид.
Тавре АМИТ «Ховар» бо истинод ба Донишгоҳи давлатии Хуҷанд хабар медиҳад, шартномаи ҳамкорӣ зимни мулоқоти Ректори Донишгоҳи давлатии Хуҷанд ба номи академик Бобоҷон Ғафуров Аюб Усмонзода ва намояндагони Донишгоҳи шимолу ғарбии Чин профессор Жанг Веиксинг ва Гонг Джианан, ки ба донишгоҳ омада буданд, ба имзо расид.
Зимни мулоқот ректори Донишгоҳи давлатии Хуҷанд аз фаъолияти робитаҳои байналмилалии донишгоҳ маълумот пешниҳод намуд. Гуфта шуд, ки имрӯз Донишгоҳи давлатии Хуҷанд бо 7 донишгоҳи бонуфузи Ҷумҳурии Мардумии Чин созишномаи ҳамкории судманд дошта, ҳамасола даҳҳо донишҷӯён баҳри идомаи таҳсил ба муассисаҳои бонуфузи ин мамлакат ҷалб мешаванд.
Профессор Жанг Веиксинг доир ба имконияти мавҷудаи Донишгоҳи шимолу ғарбии Чин маълумот дода, иброз дошт, ки муассисаи таълимӣ яке аз бонуфузтарин муассисаҳо дар қаламрави Чин ба ҳисоб меравад. Он бисёрсоҳавӣ буда, дар таҳкими муносибатҳои байналмилалӣ ва ҷалб намудани устодону донишҷӯён ба хориҷи мамлакат нақши баланд дорад.
Ҷонибҳо баҳри мубодилаи академии донишҷӯёну устодон, чопи мақолаҳо дар ҳаммуаллифӣ, таҳияи лоиҳаҳои илмии муштарак, баргузории конференсияву ҳамоишҳои илмиву методӣ ибрози ақида намуданд.
АКС: Донишгоҳи давлатии Хуҷанд ба номи академик Бобоҷон Ғафуров
Дар Донишгоҳи давлатии омӯзгории Тоҷикистон ҷашни Наврӯз таҷлил гардид
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Дар Донишгоҳи давлатии Бохтар ду озмоишгоҳи муосир ба истифода дода шуд
Дар Литсей барои хонандагони болаёқат дар шаҳри Душанбе ҷашни Наврӯз бо риояи расму ойини миллӣ таҷлил гардид
Дар Донишгоҳи давлатии Хуҷанд озмуни «Беҳтарин эҷодкори достонҳои «Шоҳнома»» ҷамъбаст гардид
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
