Дар шаҳри Истаравшан дуюмин ҳамоиши гирандагони стипендияи президентӣ доир шуд
ДУШАНБЕ, 23.03.2024. /АМИТ «Ховар»/. Бахшида ба ҷашни байналмилалии Наврӯз дар Мақомоти иҷроияи ҳокимияти давлатии шаҳри Истаравшан дуюмин ҳамоиши гирандагони Стипендияи Президенти Тоҷикистон таҳти унвони «Ҷавонон – пайравони Пешвои миллат» доир шуд, ки дар он гирандагони стипендияи президентӣ аз ноҳияҳои Деваштич, Зафаробод, Спитамен, Шаҳристон ва шаҳри Истаравшан иштирок доштанд. Дар ин хусус ба АМИТ «Ховар» дар маркази таҳлил ва иттилооти дастгоҳи марказии Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Дар ҳамоиш Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон ҳамагонро бо ҷашни Наврӯз табрик намуда, иброз дошт, ки таҷлили ин ҷашн барои ҳар тоҷику тоҷикистонӣ аҳамияти махсус дорад.
Ҳамзамон таъкид шуд, ки гирандагони стипендияи президентиро зарур аст, ки дар баробари таҳсили хубу аъло дар тамоми самтҳои татбиқи сиёсати давлатии ҷавонон масъулияти зиёд дошта бошанд. Зеро Кумитаи кор бо ҷавонон ва варзиш ҳамеша бо такя ба қувваи ҷавонон фаъолияташро пеш мебарад ва насли ҷавонро мебояд бо Кумита ҳамкории зич намояд.
Сипас, ба гирандагони стипендияи президентӣ шаҳодатнома ва маблағҳои пулӣ тақдим гардиданд.
Иброз гардид, ки мояи ифтихор аст, ки яке аз механизмҳои ҳавасмандӣ ва дастгирии иҷтимоии ҷавонон- ин таъсиси стипендияи Президенти Ҷумҳурии Тоҷикистон барои хонандагону донишҷӯёни муассисаҳои таҳсилоти миёнаи умумӣ, ибтидоӣ ва миёнаи касбӣ ба ҳисоб меравад. То соли 2020 теъдоди он 400 адад ва аз соли 2021 ин ҷониб ба 3000 адад расонида шуд, ки бори дигар аз таваҷҷуҳ ва ғамхориҳои Пешвои миллат нисбат ба ҷавонон дарак медиҳад.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Дар Донишгоҳи давлатии Кӯлоб оид ба маърифати молиявии аҳолӣ конференсияи байналмилалӣ баргузор шуд
Густариши ҳамкорӣ байни Донишгоҳи технологии Тоҷикистон ва Донишгоҳи Ҳериот-Ватти Шотландия баррасӣ гардид
Вазири маориф ва илм дар конференсияи байналмилалӣ оид ба масъалаҳои мубрами таҳсилоти фарогир иштирок намуд
Дар муассисаҳои таҳсилоти олии Федератсияи Русия зиёда аз 27 ҳазор донишҷӯёни тоҷик таҳсил доранд
Донишгоҳи байналмилалии сайёҳӣ ва соҳибкории Тоҷикистон дар баҳогузории ҷаҳонии «Донишгоҳҳои сабз» иштирок намуд
Вазири маориф ва илм дар ҷаласаи навбатии Шурои директорони Шарикии глобалӣ дар соҳаи маориф иштирок намуд
Корманди Донишгоҳи давлатии ҳуқуқ, бизнес ва сиёсати Тоҷикистон дар озмуни «Фурӯғи субҳи доноӣ китоб аст» ҷойи якумро соҳиб шуд
Дар Озмуни ҷумҳуриявии «Фурӯғи субҳи доноӣ китоб аст» 4 довталаб соҳиби Шоҳҷоиза шуд
«ФУРӮҒИ СУБҲИ ДОНОӢ КИТОБ АСТ». Дар даври ниҳоии озмуни ҷумҳуриявӣ 94 нафар ғолиб гардид
Пагоҳ маросими ҷоизасупории Озмуни ҷумҳуриявии «Фурӯғи субҳи доноӣ китоб аст» баргузор мегардад
INTERNATIONAL JUNIOR SCIENCE OLYMPIAD (IJSO-2025). Хонандаи шаҳри Душанбе дар он соҳиби ҷойи сеюм гардид
«ИЛМ – ФУРӮҒИ МАЪРИФАТ». Ғолибони озмун аз Донишгоҳи техникии Тоҷикистон бо мукофотҳо қадрдонӣ карда шуданд
