Дар Вазорати фарҳанги Тоҷикистон бо гурӯҳи адибон мулоқот доир гардид
ДУШАНБЕ, 01.03.2024 /АМИТ «Ховар»/. Дар Вазорати фарҳанги Ҷумҳурии Тоҷикистон мулоқоти Вазири фарҳанг Матлубахон Сатториён бо гурӯҳи адибони мамлакат доир гардид. Дар ин хусус АМИТ «Ховар» бо истинод ба ин вазорат хабар медиҳад.
Вазири фарҳанг иброз дошт, ки «ҳадаф аз доир намудани мулоқот, пеш аз ҳама, баррасии масоили ҷойдошта, ҷустуҷӯи роҳҳои ҳалли онҳо ва таҳкими робитаҳои ҳамкорӣ байни вазорат бо эҷодкорон мебошад. Яке аз омилҳои тақвияти ҳамкорӣ ҳавасмандсозии эҷодкорон тавассути пардохти ҳаққи қалами муносиб ба муаллифон мебошад».
Матлубахон Сатториён гуфт, ки бо ин мақсад дар вазорат нархномаи мавҷудаи ҳаққи қалам бознигарӣ шуда, дар доираи маблағҳои буҷетии барои соли 2024 ҷудошуда андозаи подошҳо зиёд шудааст ва таъкид намуд, ки бо назардошти вазъи воқеии бозор солҳои оянда низ масъалаи пардохти ҳаққи қалам ба муаллифон таҷдиди назар мешавад.
Иброз гардид, ки Вазорати фарҳанги ҷумҳурӣ омода аст ҷиҳати ҳавасмандии бештари адибон шеърҳо ва асарҳои пурмазмунро барои ворид намудан ба барномаҳои фарҳангии соли 2024 пешакӣ харидорӣ намояд.
Дар мулоқот ҳамчунин масъалаҳои дигар, аз қабили мусоидат ба рушду нумуи фазои фарҳангии мамлакат, эҷоди асарҳои ҷолиб барои бачаҳо, ҳаҷв дар адабиёт ва матбуоти муосир, тарбияи завқи зебоипарастӣ ва тақвияти ҳисси ватандӯстии онҳо, ташкили гурӯҳи кории доимамалкунанда барои амалӣ намудани робитаи доимии эҷодӣ байни вазорат ва иттиҳодияҳои эҷодӣ, ҳамкорӣ дар соҳаи табъу нашри китоб, ҳамкорӣ бо адибон, оҳангсозону овозхонон дар самти интихоби матнҳои пурмазмуну арзишманд, эҷоди оҳангҳои муносиб ба онҳо ва масоили дигари фарҳангӣ мавриди баррасии Вазири фарҳанги Тоҷикистон ва гурӯҳи адибон қарор гирифт.
АКС: Вазорати фарҳанги Ҷумҳурии Тоҷикистон
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
«Шоҳнома»-и Фирдавсӣ бояд машъалафрӯзи ҳар хонадони тоҷик бошад ва анъанаи неки шоҳномасароӣ барқарор шавад
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
«ШОҲНОМА — ОРМОНИ МИЛЛӢ». Он мактаби худшиносӣ ва парчами ифтихори миллии мо аст
Ҳамкории Академияи миллии илмҳои Тоҷикистон бо Маркази пажӯҳишӣ ва машваратии TRENDS густариш меёбад
Иштирокдорони Конфронси байналмилалии сатҳи баланд оид ба ҳифзи пиряхҳо аз Чин бо яке аз маконҳои таърихии Тоҷикистон шинос шуданд
Қобилҷон Хушвахтзода: «Ташаббусҳои Пешвои миллат оид ба масоили об дар ҳалли масъалаҳои истифодаи оқилонаи захираҳои обии сайёра нақши муҳим доранд»
Намоиши ёдгориҳои таърихии Ҷумҳурии Тоҷикистон дар Ҷумҳурии Мардумии Чин баргузор мегардад
Муовини Сарвазири Тоҷикистон Дилрабо Мансурӣ бо ёрдамчии Дабири кулли ЮНЕСКО Лидия Артур Брито мулоқот намуд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Обшавии босуръати пиряхҳо дар Арктика ва Антарктида боиси ноустувории қабатҳои ях мегардад
