ЗИ РӮЯТ НУР МЕБОРАД, АЛО ЭЙ ДУХТАРИ ТОҶИК. Дар Коллеҷи тиббии шаҳри Хоруғ ҳамоиши «Тоҷикона мепӯшем!» гузаронида шуд
ДУШАНБЕ, 18.03.2024 /АМИТ «Ховар»/. Дар Коллеҷи тиббии шаҳри Хоруғ ҳамоиши «Тоҷикона мепӯшем!» баргузор гардид. Дар ин хусус АМИТ «Ховар» бо истинод ба ин коллеҷ хабар медиҳад.
Зимни ҳамоиш ҷавондухтарон шаклҳои гуногуни либоси миллиро бо тарҳи замонавӣ ба маърази тамошо гузошта, зебоию шинамӣ ва мутобиқати онро ба фарҳанг ва тамаддуни миллати тоҷик намоиш доданд.
Баҳри арҷ гузоштан ба фарҳанги миллӣ, анъанаҳои неки аҷдодӣ, махсусан либоси миллӣ, атласу адрас, чакан, баланд бардоштани фарҳанги либоспӯшӣ, таблиғу ташвиқи либоси миллӣ, аз байн бурдани тамоюли бегонапарастӣ ва ҳамзамон анҷом додани корҳои ободонию созандагӣ шуруъ аз 1 март то 31 май дар шаҳру ноҳияҳои мамлакат ҳамоиши «Тоҷикона мепӯшем!» гузаронида мешавад.
Дар ҳамоиш иброз гардид, ки дар фасли баҳори некфайз ва иди Наврӯзи байналмилалӣ дар баробари сабзу хуррам гардидани табиат духтарону модарони мо низ бо ба бар намудани либоси миллӣ мисли гулҳо мешукуфанд.
Либоси миллӣ дар баробари забону фарҳанг аз рукнҳои асосии ҳастии миллат маҳсуб шуда, дар шебу фарози таърих борҳо дар вартаи нобудӣ қарор гирифтааст. Аммо маҳз эҳсоси баланди худшиносии занону духтарони тоҷик зебоиву шинамии либоси тоҷикиро то ба наслҳои имрӯза расонидааст.
АКС: Коллеҷи тиббии шаҳри Хоруғ
Маросими ҷоизасупорӣ ба ғолибони Озмуни ҷумҳуриявии «Тоҷикистон – Ватани азизи ман» оғоз гардид
Нишасти Платформаи шарикии байни Ҷумҳурии Тоҷикистон ва САҲА доир шуд
Даври сеюми Озмуни ҷумҳуриявии «Тараннуми Ватан» баргузор гардид
Забони тоҷикӣ садсолаҳост рафтори нек, гуфтори неку пиндори некро таблиғ менамояд, — бардошт аз конференсияи ҷумҳуриявӣ
Пагоҳ маросими ҷоизасупорӣ ба ғолибони Озмуни ҷумҳуриявии «Тоҷикистон – Ватани азизи ман» баргузор мегардад
«ПЕШВОИ МИЛЛАТ ВА МАСЪАЛАҲОИ РУШДИ ЗАБОНИ ДАВЛАТӢ». Таҳти ин унвон конференсияи ҷумҳуриявӣ доир шуд
Маликшо Неъматзода: «Имрӯзҳо бо забони тоҷикӣ зиёда аз 150 миллион нафар одамон дар як қатор кишварҳои олам муошират менамоянд»
Бахшида ба Рӯзи забони давлатӣ конференсияи илмию амалии ҷумҳуриявӣ баргузор мегардад
Ғолибони Озмуни ҷумҳуриявии «Донандаи беҳтарини асарҳои Пешвои миллат» қадрдонӣ гардиданд
126 ҳазор нусха китоби «Шоҳнома»-и Абулқосим Фирдавсӣ ба сокинони ноҳияи Рӯдакӣ тақдим мегардад
РӮЗИ БАЙНАЛМИЛАЛИИ МУСИҚӢ. Забони мусиқӣ оламшумул буда, ба тарҷумон ниёз надорад
ШОИРЕ, КИ ҶАҲОНРО БА ҲАМ ВАСЛ МЕКУНАД. Асарҳои Мавлоно имрӯз низ аз хонданитарин асарҳои дунёянд
