Ҷаласаи Ситоди байниидоравӣ оид ба ҳамоҳангсозии амалишавии сиёсати макроиқтисодӣ ва пешгирии таъсири хавфҳои эҳтимолӣ доир шуд
ДУШАНБЕ, 29.04.2024 /АМИТ «Ховар»/. Дар Душанбе ҷаласаи Ситоди байниидоравӣ оид ба ҳамоҳангсозии амалишавии сиёсати макроиқтисодӣ ва пешгирии таъсири хавфҳои эҳтимолӣ ба иқтисодиёти миллӣ баргузор гардид. Тавре дар Вазорати рушди иқтисод ва савдои ҷумҳурӣ ба АМИТ «Ховар» иттилоъ доданд, ҷаласа таҳти роҳбарии муовини якуми Вазири рушди иқтисод ва савдои мамлакат Ашӯрбой Солеҳзода баргузор гардида, дар он масъулини вазорату идораҳои марбутаи мамлакат иштирок намуданд.
Таъкид гардид, ки дар сиёсати Ҳукумати ҷумҳурӣ танзими муносибатҳои меҳнатӣ, рушди бозори меҳнат ва бо шуғл таъмин намудани аҳолӣ мавқеи асосӣ дорад. Дар иртибот ба ин бо мақсади амалӣ намудани он, бахусус дар соҳаи муҳоҷирати аҳолӣ, таъмини идоракунии давлатии раванди муҳоҷират, ҳифзи иҷтимоию ҳуқуқии муҳоҷирон ва аъзои оилаи онҳо, рушди институтсионалӣ ва истифодаи самараноки муҳоҷират дар соҳаи иҷтимоӣ «Стратегияи танзими равандҳои муҳоҷират дар Ҷумҳурии Тоҷикистон барои давраи то соли 2040» қабул гардида, дар доираи он тадбирҳои мушаххас андешида мешаванд.
Бо мақсади ҳалли масъалаҳои шуғли аҳолӣ якчанд стратегияву барномаҳои давлатӣ барои мусоидат ба шуғли аҳолӣ, ба монанди «Стратегияи давлатии рушди бозори меҳнати Ҷумҳурии Тоҷикистон барои то соли 2020», «Консепсияи рушди шуғли пурмаҳсули аҳолӣ дар Ҷумҳурии Тоҷикистон барои давраи то соли 2040», «Барномаи миёнамуҳлати рушди шуғли пурмаҳсул дар Ҷумҳурии Тоҷикистон барои солҳои 2023-2027» ва дигар барномаҳои соҳавӣ қабул гардида, мавриди амал қарор доранд.
Масъулини ниҳодҳои марбутаи мамлакат доир ба таъсири хавфҳои эҳтимолӣ ба иқтисоди миллӣ, дигаргунсамтии муҳоҷирони меҳнатӣ ва ҳалли саривақтии масъалаҳои иҷтимоии аҳолӣ гузориш ва пешниҳод манзур намуданд.
АКС: Вазорати рушди иқтисод ва савдои Ҷумҳурии Тоҷикистон
Муовини Сарвазири Тоҷикистон дар ноҳияи Мастчоҳ бо кишти такрорӣ ва нашъунамои пахта шинос шуд
Буфатима Турганбоева: «Грантҳои президентӣ имкон медиҳанд, ки занони соҳибкор дар рушди саноатикунонии Тоҷикистон саҳм гузоранд»
НИШАСТИ МАТБУОТӢ. «Амонатбонк» ба муштариён беш аз 1 миллиард сомонӣ қарз пешниҳод намудааст
НИШАСТИ МАТБУОТӢ. Аз ҷониби судҳои иқтисодӣ, коллегияҳои кассатсионию назоратӣ ва Раёсати Суди Олии иқтисодӣ 1924 парванда баррасӣ гардид
НИШАСТИ МАТБУОТӢ. Дар Шаҳринав дар шаш моҳ ду корхонаю коргоҳи истеҳсолӣ ба истифода дода шуд
Дар шаҳри Кӯлоб ҳаҷми умумии маҳсулоти кишоварзӣ ба беш аз 382 миллион сомонӣ расид
Оид ба роҳҳои баланд бардоштани ҳосилнокии картошка дар минтақаҳои доманакӯҳ ҳамоиши ҷумҳуриявӣ доир шуд
Қабули Қатъномаи СММ оид ба зеҳни сунъӣ дастоварди муҳими байналмилалии Тоҷикистон дар соҳаи инноватсия ва технологияҳои рақамӣ аст
НИШАСТИ МАТБУОТӢ. Сомонаҳои 45 мақомоти давлатӣ ба «Интернет портали ягонаи давлатӣ — «eHukumat.tj» пайваст карда шудаанд
НИШАСТИ МАТБУОТӢ. Дар корхонаҳои саноатии шаҳри Турсунзода 96 номгӯй маҳсулоти саноатӣ истеҳсол карда мешавад
НИШАСТИ МАТБУОТӢ. 178 нархномаи хизматрасонии пулакии муассисаю ташкилоти давлатӣ ва ғайридавлатӣ ба мувофиқа расонида шуд
Вазирони энергетика ва хоҷагиҳои оби Тоҷикистон, Узбекистон ва Қазоқистон бо фаъолияти пойгоҳҳои обкашии мамлакат шинос шуданд
