Байни Бонки миллии Тоҷикистон ва Бонки аврупоии таҷдид ва рушд Ёддошти тафоҳум ба имзо расид
ДУШАНБЕ, 30.04.2024 /АМИТ «Ховар»/. Байни Бонки миллии Тоҷикистон ва Бонки аврупоии таҷдид ва рушд /БАТР/ Ёддошти тафоҳум «Оид ба ҳамкорӣ дар татбиқи барномаи маблағгузории занони соҳибкор дар Тоҷикистон» (Women Entrepreneurs Finance Code) ба имзо расид, хабар медиҳад АМИТ «Ховар» бо истинод ба Бонки миллии Тоҷикистон.
Ин санад дар Душанбе дар доираи мулоқоти Раиси Бонки миллии Тоҷикистон Фирдавс Толибзода бо Президенти Бонки аврупоии таҷдид ва рушд хонум Одил Рено-Бассо, мудири иҷроияи Бонки аврупоии таҷдид ва рушд оид ба давлатҳои Осиёи Марказӣ хонум Жужанна Харгитай ба имзо расид.
Тибқи Ёддошти тафоҳум, ҷонибҳо барои ҷалби шарикии бахшҳои давлатию хусусӣ ва беҳтар намудани таҳлилу истифодаи маълумоти марбут ба фарогирии молиявии корхонаҳо таҳти роҳбарии занон кӯшиш менамоянд. Ин тасмим ба коҳиш додани касри маблағгузорӣ барои занони соҳибкор ва пешниҳоди ҳалли инноватсионӣ баҳри ҷалби сармояи зарурӣ барои рушди онҳо кумак менамояд.
Дар ҳошияи Ёддошти тафоҳум байни Бонки аврупоии таҷдид ва рушд ва Бонки «Арванд» тибқи Барномаи «Women in business» созишномаи қарзӣ ба маблағи 5 миллион доллари амрикоӣ ба имзо расид.
Ҳамчунин дар доираи Барномаи мусоидат ба рушди савдои Бонки аврупоии таҷдид ва рушд (TFP) бо Ташкилоти амонатии қарзии хурди «Ҳумо» ба маблағи 1 миллион доллари амрикоӣ созишномаи бонкӣ баста шуд.
АКС: Бонки миллии Тоҷикистон
НИШАСТИ МАТБУОТӢ. Молу маҳсулоти Тоҷикистон дар 17 намоишгоҳи дохилию байналмилалӣ муаррифӣ гардид
Дар Тоҷикистон дар беш аз 3 ҳазор гектар ҷангалзор бунёд ва барқарор карда шуд
Дар доираи Барномаи давлатии рушди соҳаи геология 259 кони дорои захираҳои саноатӣ ба қайд гирифта шуд
ҲУКУМАТИ ЭЛЕКТРОНӢ ВА ҲУКУМАТИ РАҚАМӢ. Мулоҳизаҳо оид ба фарқияти он
Дар Душанбе масоили таҳкими ҳамкории институтсионалӣ бо Агентии TIKA баррасӣ гардид
ҚУРБИ АСЪОР: 1 евро аз 10.5000 то 10.5727 сомонӣ муқаррар шудааст
Дар Хатлон масоили рушди ҳамкории сармоягузорӣ ва боғдорӣ баррасӣ гардид
НИШАСТИ МАТБУОТӢ. Ҳаҷми истеҳсоли неруи барқ дар неругоҳҳо ва марказҳои барқу гармидиҳии ҶСК «Барқи Тоҷик» беш аз 8 миллиард кВт-соатро ташкил дод
Таҷриба ва ташаббусҳои Тоҷикистон оид ба рушди иқтисоди рақамӣ дар ҷаласаи сатҳи баланди кишварҳои рӯ ба тараққии маҳсур дар хушкӣ (LLDCs) муаррифӣ шуд
НИШАСТИ МАТБУОТӢ. Дар озмоишгоҳҳои «Тоҷикстандарт» чӣ миқдор маҳсулоти ғайристандартӣ ошкор гардид?
НИШАСТИ МАТБУОТӢ. Кумитаи хоҷагии манзилию коммуналӣ ба истифодабарандагон ба маблағи беш аз 62 миллион сомонӣ хизмат расонидааст
НИШАСТИ МАТБУОТӢ. Дар шаш моҳ 1 ҳазору 750 ҳолати вайронкунии қоидаҳои истифодаи неруи барқ ошкор гардид
