Дар Китобхонаи миллии Тоҷикистон Рӯзи дарҳои боз баргузор мешавад
ДУШАНБЕ, 15.04.2024. /АМИТ «Ховар»/. Муассисаи давлатии «Китобхонаи миллӣ»-и Дастгоҳи иҷроияи Президенти Ҷумҳурии Тоҷикистон 16, 17 ва 18 апрел, аз соати 08:30 то 16:00 бо иштироки кормандони мақомоти давлатӣ, донишҷӯёни мактаби олӣ ва хонандагони муассисаҳои миёнаи умумӣ ва миёна, ҳамзамон сафоратхонаҳои мамлакатҳои хориҷӣ ва донишҷӯёниаз кишварҳои онҳо Рӯзи дарҳои боз баргузор менамояд. Дар ин хусус АМИТ «Ховар» бо истинод ба Китобхонаи миллии Тоҷикистон иттилоъ медиҳад.
Рӯзи дарҳои боз бо мақсади дар амал татбиқ намудани дастуру супоришҳои Ҳукумати Ҷумҳурии Тоҷикистон баҳри тарғиби китоб, китобхонӣ ва китобхона дар байни ҷомеа гузаронида мешавад. Ҳамчунин ҳадафи он ҷалби ҷомеа, алалхусус хонандагон ва донишҷӯёни муассисаҳои таълимӣ ва олӣ ба мутолиаи китоб, даъват ба китобхона ва шинос кардани нафароне, ки бори аввал ба ин боргоҳи маърифат меоянд, бо шароити Китобхонаи миллӣ ва имконияти беҳудуди он аст.
Кормандони масъули Китобхонаи миллии Тоҷикистон меҳмононро ба толорҳои хониш роҳнамоӣ намуда, ба онҳо роҳҳои ҷустуҷӯи адабиёт ва дархости китобро нишон медиҳанд ва бо намудҳои хизматрасонии ройгону шартномавии китобхона шинос мекунанд.
Ҳамчунин ҳамаи онҳоеро, ки ба таърихи китоб ва китобхона дар Тоҷикистон мароқ зоҳир менамоянд, бо санъати китобдорӣ дар ҷумҳурӣ ва сайри таърихии он шинос мекунанд.
АКС: Китобхонаи миллии Тоҷикистон
Дар мавзеи Сари Майни ноҳияи Айнӣ корҳои омӯзишии бостоншиносӣ ва антропологӣ оғоз ёфт
Санъаткорони Қирғизистон Осорхонаи миллии Тоҷикистонро тамошо карданд
Дар Душанбе бо мақсади рушди ҳамкорӣ дар самти илмҳои яхшиносӣ вохӯрӣ баргузор гардид
Ба Маркази мероси хаттӣ беш аз 100 нусха китобҳои чопи сангӣ ва дастнависҳо тақдим гардид
«ШОҲНОМА». Фирдавсӣ дар сар то сари ин асари безавол дӯст доштани Ватанро таъкид мекунад
Беш аз 23 ҳазор нусха китобҳои Китобхонаи миллии Тоҷикистон ба шаҳру ноҳияҳои ҷумҳурӣ фиристода шуд
«ДӮСТИИ АБАДӢ». Таҳту чунин унвон барномаи фарҳангии Тоҷикистон ва Қирғизистон доир мегардад
Собиқ Вазири фарҳанги Ҷумҳурии Тоҷикистон Тамара Абдушукурова аз олам даргузашт
Ҷаласаи вазирони фарҳанги давлатҳои аъзои Созмони ҳамкории Шанхай доир гардид
Имсол дар Академияи миллии илмҳои Тоҷикистон 8 озмоишгоҳи замонавӣ ба истифода дода шуд
ҲАРГИЗ НАМИРАД ОН КИ ДИЛАШ ЗИНДА ШУД БА ИШҚ. Девони Ҳофиз дар Тоҷикистон беш аз сад маротиба ба нашр расидааст
КУЛОЛГАРӢ. Саразми бостон яке аз нахустин марказҳои кулолгарии Осиёи Марказӣ будааст
